റിയൽമി എക്‌സ് സ്മാർട്ഫോൺ ജൂലൈ 15-ന് ഇന്ത്യയിൽ അവതരിപ്പിക്കും

പ്രത്യേക പതിപ്പ്

ഇന്ത്യൻ വിപണികൾക്കുവേണ്ടി പ്രത്യേകമായി രൂപകൽപന ചെയ്ത പ്രത്യേക പതിപ്പ് വേരിയന്റും റിയൽമി എക്‌സിനുണ്ടാകും. ചൈനയിൽ 4 ജി.ബി റാമും 64 ജി.ബി സ്റ്റോറേജുമുളള വേരിയന്റിന്റെ വില 1,499 യുവാൻ (ഏകദേശം 15,000 രൂപ) ആണ്. 6 ജി.ബി റാമും 64 ജി.ബി സ്റ്റോറേജുമുളള വേരിയന്റിന് 1,599 യുവാനും (ഏകദേശം 16,0000 രൂപ), 8 ജി.ബി റാമും 128 ജി.ബി സ്റ്റോറേജുമുളള വേരിയന്റിന് 1,799 യുവാനും (ഏകദേശം 18,000 രൂപ) ആണ് വില.

റിയൽമി എക്‌സ്

റിയൽമി എക്‌സ് ചൈനയിൽ മേയിലാണ് പുറത്തിറക്കിയത്. 6.5 ഫുൾ എച്ച്ഡി പ്ലസ് ബെസൽ ലെസ് അമോൾഡ് ഡിസ്‌പ്ലേയാണ് ഫോണിന്റേത്. പോപ് അപ് സെൽഫി ക്യാമറ 16 മെഗാപിക്സലാണ്. ക്വാൽകം സ്നാപ്ഡ്രാഗൺ 710 പ്രൊസസറാണ് ഈ സ്മാർട്ട്ഫോണിന് കരുത്തേകുന്നത്. റിയൽമി 3 പ്രോ സ്മാർട്ഫോണിനും പവറേകുന്നത് സ്നാപ്ഡ്രാഗൺ 710 ആണ്. ഗൂഗിളിൻറെ ഏറ്റവും പുതിയ പതിപ്പായ ആൻഡ്രോയിഡ് 9.0 പൈ ഓപ്പറേറ്റിങ് സിസ്റ്റത്തിലാണ് ഈ സ്മാർട്ട്ഫോണിൻറെ പ്രവർത്തനം.

സ്പൈഡർമാൻ: ഫാർ ഫ്രം ഹോം എഡിഷൻ

റിയൽമി എക്‌സിന്റേത് 3,765 എംഎഎച്ച് ബാറ്ററിയാണ്. ഫാസ്റ്റ് ചാർജിങ് ടെക്നോളജിയായ വോക്കോ 3.0 സപ്പോർട്ടോടുകൂടിയതാണ് ബാറ്ററി. പുറകിൽ 48 എം.പി, 5 എംപിയുടെ ഇരട്ട ക്യാമറയാണ്. വരാനിരിക്കുന്ന മാർവൽ സിനിമയായ സ്പൈഡർമാൻ: ഫാർ ഫ്രം ഹോമുമായി ഒരു പങ്കാളിത്തവും റിയൽ‌മി പ്രഖ്യാപിച്ചിട്ടുണ്ട്, കൂടാതെ റിയൽ‌മി എക്‌സിൻറെ പരിമിത പതിപ്പ് ജൂലൈ 15 ന് സമാരംഭിക്കുമെന്ന് കരുതുന്നു. ട്വിറ്ററിലാണ് കമ്പനി ഇക്കാര്യം അറിയിച്ചത്.