റിയൽമി എക്‌സ് 7 മാക്‌സ് 5 ജി പ്രീ-ഓർഡർ ചെയ്യുമ്പോൾ നിങ്ങൾക്ക് സൗജന്യ ബഡ്‌സ് ക്യു ലഭിക്കും

റിയൽമി എക്‌സ് 7 മാക്‌സ് 5 ജി സ്മാർട്ട്ഫോണിൻറെ പ്രീ-ഓർ‌ഡർ‌ വിശദാംശങ്ങൾ‌

റിയൽമി എക്‌സ് 7 മാക്‌സിന്റെ പ്രീ-ഓർ‌ഡർ‌ ആരംഭിക്കുന്ന അതേ ദിവസം തന്നെ ഇത് തത്സമയമാകും. മെയ് 31 നും ജൂൺ 3 നും ഇടയിൽ നിങ്ങൾ ഹാൻഡ്‌സെറ്റ് പ്രീ-ബുക്ക് ചെയ്യുകയാണെങ്കിൽ 1,999 രൂപ വിലയുള്ള റിയൽ‌മി ബഡ്സ് ക്യൂ സൗജന്യമായി ലഭിക്കും. ഈ സ്മാർട്ഫോൺ ലോഞ്ച് ചെയ്തതിന് ശേഷം കമ്പനിയുടെ വെബ്സൈറ്റ്, ഫ്ലിപ്കാർട്ട് വഴി ഫോൺ പ്രീ-ബുക്കിംഗിനായി ലഭ്യമാകും.

റിയൽമി എക്‌സ് 7 മാക്‌സ് 5 ജി സ്മാർട്ട്ഫോണിൻറെ സവിശേഷതകൾ

120Hz റിഫ്രെഷ് റേറ്റ്, 360Hz ടച്ച് സാമ്പിൾ റേറ്റ്, എഫ്എച്ച്ഡി + റെസല്യൂഷൻ, മുകളിൽ ഇടത് കോണിലായി ഒരു പഞ്ച്-ഹോൾ കട്ട്ഔട്ട് എന്നിവയുള്ള സൂപ്പർ അമോലെഡ് ഡിസ്പ്ലേ റിയൽമി എക്‌സ് 7 മാക്‌സ് 5 ജിയിൽ ഉണ്ടെന്ന് ഫ്ലിപ്കാർട്ട് ലിസ്റ്റിംഗ് സ്ഥിരീകരിച്ചു. ഡൈമെൻസിറ്റി 1200 SoC പ്രോസസറുള്ള ഇന്ത്യയിലെ ആദ്യത്തെ സ്മാർട്ട്‌ഫോൺ കൂടിയാണിത്. കൂടാതെ, ഇതിന് 179 ഗ്രാം ഭാരവും, 8.4 മില്ലിമീറ്റർ കനവുമുണ്ട്. 50W ഫാസ്റ്റ് ചാർജിംഗ് സപ്പോർട്ട് ചെയ്യുമെന്ന് സ്ഥിരീകരിക്കുകയും ചെയ്യ്തു. ഇത് വെറും 16 മിനിറ്റിനുള്ളിൽ 50 ശതമാനം വരെ ബാറ്ററി ചാർജ് ചെയ്യുമെന്ന് പറയപ്പെടുന്നു.

റിയൽമി എക്‌സ് 7 മാക്‌സ് 5 ജി സ്മാർട്ട്ഫോണിൻറെ ക്യാമറ സവിശേഷതകൾ

ചതുരാകൃതിയിലുള്ള ക്യാമറ മൊഡ്യൂളിൽ സ്ഥാപിച്ചിരിക്കുന്ന ട്രിപ്പിൾ-റിയർ ക്യാമറകൾ ഇതിൽ നൽകിയിട്ടുണ്ട്. ക്യാമറ സെൻസറുകളിൽ 64 എംപി പ്രൈമറി സോണി ഐഎംഎക്സ് 682 സെൻസർ, 8 എംപി അൾട്രാ വൈഡ് ആംഗിൾ ലെൻസ്, 2 എംപി മാക്രോ ഷൂട്ടർ എന്നിവയും ഉൾപ്പെടും. ഈ സ്മാർട്ട്ഫോണിൻറെ മറ്റ് സവിശേഷതകൾ റിയൽമി ജിടി നിയോയ്ക്ക് സമാനമാണെന്ന് വിശ്വസിക്കപ്പെടുന്നു. അതിനാൽ, 6.43 ഇഞ്ച് ഡിസ്‌പ്ലേ, 16 എംപി ഫ്രണ്ട് ക്യാമറ സെൻസർ, 4,500 എംഎഎച്ച് ബാറ്ററി യൂണിറ്റ് എന്നിവ ഇതിലുണ്ടാകും. ആൻഡ്രോയിഡ് 11 അധിഷ്‌ഠിത റിയൽമി യുഐ 2.0 കസ്റ്റമൈസ്ഡ് സ്‌കിൻ സോഫ്ട്‍വെയറിൽ ഈ ഹാൻഡ്‌സെറ്റ് പ്രവർത്തിക്കും.