റിയൽ‌മി എക്‌സ് 7 പ്രോ എക്‌സ്ട്രീം ഇന്ത്യയിൽ റിയൽ‌മി എക്‌സ് 7 മാക്‌സായി അവതരിപ്പിച്ചേക്കും

റിയൽ‌മി എക്‌സ് 7 മാക്‌സ്: ഇന്ത്യയിൽ ലോഞ്ച് ചെയ്യ്തേക്കും

റിയൽ‌മി എക്‌സ് 7 മാക്‌സിൻറെ വികസനം ട്വിറ്ററിലെ ഒരു ടിപ്പ്സ്റ്റർ നിർദ്ദേശിച്ചിട്ടുണ്ടായിരുന്നു. ട്വീറ്റിൽ ഈ ഹാൻഡ്‌സെറ്റിൻറെ പേര് ഇതുവരെ പറഞ്ഞിട്ടില്ലെങ്കിലും ഇത് കമ്പനിയുടെ അടുത്ത ഒരു ഫ്രന്റ്ലൈൻ സ്മാർട്ഫോണായി വരുമെന്ന് പറയുന്നു. അടുത്തിടെ ചൈനയിൽ ഔദ്യോഗികമായി അവതരിപ്പിച്ച റിയൽ‌മി എക്‌സ് 7 പ്രോ എക്‌സ്ട്രീം എഡിഷൻറെ പുനർ‌നാമകരണം ചെയ്ത എഡിഷനാണ് ഈ ഹാൻഡ്‌സെറ്റ് എന്ന് അഭ്യൂഹങ്ങൾ പറയുന്നു. ഇതിനെ കുറിച്ച് കമ്പനി ഇതുവരെ ഒരു സ്ഥിരീകരണമോ ഔദ്യോഗികമായി ഏതെങ്കിലും പ്രസ്താവനയോ പുറത്തുവിട്ടിട്ടില്ല. അതിനാൽ, ഈ വിവരങ്ങൾ എത്രമാത്രം വസ്തുതാപരമാണെന്ന് നമുക്ക് ഉറപ്പ് പറയുവാൻ കഴിയില്ല. എന്നാൽ, ഇതുവരെ പേര് ലഭിക്കാത്ത റിയൽ‌മി സ്മാർട്ട്‌ഫോണുകൾ‌ അടുത്തിടെ ഓൺ‌ലൈനിൽ‌ കണ്ടെത്തിയിരുന്നു. എന്നാൽ, ഇതിൽ മീഡിയടെക് ഡൈമെൻസിറ്റി 1000+ പ്രോസസർ ലഭിക്കുമെന്ന കാര്യവും ഇതുവരെ സ്ഥിതികരിച്ചിട്ടില്ല.

ഈ പ്രോസസ്സറാണ് റിയൽ‌മി എക്‌സ് 7 പ്രോ എക്‌സ്ട്രീം എഡിഷനെ സപ്പോർട്ട് ചെയ്യുന്നതെന്ന് പറയുന്നു. എന്നാൽ, റീബ്രാൻഡ് ചെയ്ത ചില സ്മാർട്ട്‌ഫോണുകൾ റിയൽ‌മി വിപണിയിൽ അവതരിപ്പിച്ചു. അതിനാൽ, ഈ നൽകിയിരിക്കുന്ന വിശദാംശങ്ങൾ ശരിയാണെന്ന് പ്രസ്താവിക്കപ്പെട്ടാൽ എക്‌സ് 7 മാക്സ്, എക്‌സ് 7 പ്രോ എന്നിവ എക്‌സ്ട്രീം എഡിഷൻറെ അതേ സവിശേഷതകളുമായി വരുമെന്ന് പ്രതീക്ഷിക്കാം. റിയൽ‌മി എക്‌സ് 7 മാക്‌സിൻറെ വില 30,000 രൂപയ്‌ക്ക് മുകളിലാണ്. ഇത് ചൈനയിൽ നൽകിയിരിക്കുന്ന വിലയേക്കാൾ അല്പം കൂടുതലാണ്. സി‌എൻ‌വൈ 2,299 എന്ന വിലയിലാണ് ഹാൻഡ്‌സെറ്റ് പ്രഖ്യാപിക്കുന്നത്. ഇന്ത്യൻ കറൻസിയിൽ ഏകദേശം 25,700 രൂപയാണ് വില. കൂടാതെ, 8 ജിബി റാം + 128 ജിബി സ്റ്റോറേജ് വേരിയന്റിനാണ് ഈ വില വരുന്നത്. അതിനാൽ, റിയൽ‌മി എക്‌സ് 7 മാക്‌സ് ഈ ഒരു കോൺഫിഗറേഷനിൽ ലഭിക്കുമെന്ന് നിങ്ങൾക്ക് പ്രതീക്ഷിക്കാവുന്നതാണ്.

64 എംപി മെയിൻ സെൻസർ, 8 എംപി അൾട്രാ-വൈഡ് ആംഗിൾ സെൻസർ, 2 എംപി മാക്രോ സെൻസർ എന്നിവയുള്ള ട്രിപ്പിൾ റിയർ ക്യാമറ സംവിധാനവും റിയൽ‌മി എക്‌സ് 7 മാക്‌സിൽ പ്രതീക്ഷിക്കാം. 90 ഹെർട്സ് റിഫ്രഷ് റേറ്റിനൊപ്പം 6.55 ഇഞ്ച് എഫ്എച്ച്ഡി + അമോലെഡ് ഡിസ്പ്ലേ ഈ ഹാൻഡ്‌സെറ്റിൽ അവതരിപ്പിക്കുന്നത്. പഞ്ച്-ഹോൾ വരുന്ന മുൻവശത്ത് 32 എംപി സെൽഫി ക്യാമറ നൽകിയേക്കും. ഫാസ്റ്റ് ചാർജിംഗ് സപ്പോർട്ടുള്ള 4,500 എംഎഎച്ച് ബാറ്ററിയാണ് ഈ ഹാൻഡ്സെറ്റിനുള്ളത്.