റിയൽമി എക്‌സ് 7, റിയൽമി എക്‌സ് 7 പ്രോ സ്മാർട്ഫോണുകൾ ഫെബ്രുവരി 4 ന് അവതരിപ്പിച്ചേക്കും

രാജ്യത്തെ പ്രശസ്ത ടെക് ബ്ലോഗറായ അമിത് ഭവാനിയിൽ നിന്നാണ് ഈ പുതിയ റിപ്പോർട്ട് വന്നിരിക്കുന്നത്. റിയൽമി എക്‌സ് 7 സീരീസ് ഇന്ത്യൻ ലോഞ്ച് ഇൻവിറ്റേഷൻറെ ചിത്രം ഭവാനി ട്വിറ്ററിൽ പങ്കിട്ടു. ഇൻവിറ്റേഷൻ അനുസരിച്ച് കമ്പനി ഫെബ്രുവരി ആദ്യ വാരത്തിൽ റിയൽമി എക്‌സ് 7, റിയൽമി എക്‌സ് 7 പ്രോ എന്നിവ പുറത്തിറക്കും. ഇവയുടെ തീയതി ഫെബ്രുവരി 4 ആയിരിക്കുമെന്ന കാര്യം വ്യക്തമാക്കി. റിയൽമി എക്‌സ് 7ൻറെ ലോഞ്ച് തീയതി റിപ്പോർട്ട് ചെയ്യ്തയുടനെ ഇന്ത്യ സി‌ഇ‌ഒ മാധവ് ഷെത്ത് വരാനിരിക്കുന്ന റിയൽമി എക്‌സ് 7ൻറെ കളർ ഓപ്ഷൻ കാണിക്കുന്ന ഫോട്ടോ ട്വീറ്റ് ചെയ്തു. കഴിഞ്ഞ വർഷത്തെ റിയൽമി എക്‌സ് 3 സീരീസിന് ശേഷം എക്‌സ് 7 ലഭിക്കും.

റിയൽമി എക്‌സ് 7, റിയൽമി എക്‌സ് 7 പ്രോ: സവിശേഷതകൾ

മീഡിയടെക് ഡൈമെൻസിറ്റി 1200 പ്രോസസറുള്ള ഒരു സ്മാർട്ട്‌ഫോൺ കമ്പനി പുറത്തിറക്കുമെന്ന് റിയൽമി അടുത്തിടെ പ്രഖ്യാപിച്ചിരുന്നു. റിയൽമി എക്‌സ് 7 സീരീസിലെ സ്മാർട്ട്‌ഫോണുകളിലൊന്ന് മീഡിയടെക് ഡൈമെൻസിറ്റി 1200 പ്രോസസറുമായി വരുമെന്ന് റിപ്പോർട്ടുകൾ സൂചിപ്പിക്കുന്നു. റിയൽമി എക്‌സ് 7 സീരീസ് ഇതിനകം ചൈനയിൽ അവതരിപ്പിച്ചു. ഇത് കമ്പനിയുടെ ഹോം മാർക്കറ്റിൽ ലഭ്യമാണ്. സവിശേഷതകളെ സംബന്ധിച്ചിടത്തോളം, 6.4 ഇഞ്ച് സ്‌ക്രീൻ, 8 ജിബി റാം, 128 ജിബി സ്റ്റോറേജ്, 64 മെഗാപിക്സൽ ക്വാഡ് റിയർ ക്യാമറകൾ, 32 മെഗാപിക്സൽ സെൽഫി ക്യാമറ എന്നിവയുമായി ജോടിയാക്കിയ മീഡിയടെക് 800 യു 5 ജി പ്രോസസറാണ് ഈ ഹാൻഡ്‌സെറ്റിൽ വരുന്നത്.

6.55 ഇഞ്ച് സൂപ്പർ അമോലെഡ് ഡിസ്പ്ലേ, മീഡിയടെക് ഡൈമെൻസിറ്റി 1000+ പ്രോസസർ, 8 ജിബി റാം, 256 ജിബി സ്റ്റോറേജ്, 64 മെഗാപിക്സൽ ക്വാഡ് റിയർ ക്യാമറകൾ, 32 മെഗാപിക്സൽ സെൽഫി ഷൂട്ടർ, 4500 എംഎഎച്ച് ബാറ്ററി എന്നിവയാണ് റിയൽമി എക്‌സ് 7 പ്രോയിൽ വരുന്നത്. റിയൽമി എക്‌സ് 7 അല്ലെങ്കിൽ‌ റിയൽമി എക്‌സ് 7 പ്രോയ്ക്ക് ഇന്ത്യയിൽ എത്ര രൂപ വില വരുമെന്ന കാര്യം ഇതുവരെ പ്രഖ്യാപിച്ചിട്ടില്ല.