റിയൽമി എക്‌സ് 7, എക്‌സ് 7 പ്രോ സ്മാർട്ഫോണുകൾ ഫെബ്രുവരി 4 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

റിയൽമി എക്‌സ് 7, എക്‌സ് 7 പ്രോ: ഇന്ത്യയിൽ പ്രതീക്ഷിക്കുന്ന വില

റിയൽമി എക്‌സ് 7 ന് ചൈനയിൽ സി‌എൻ‌വൈ 1,799 (ഏകദേശം 19,000 രൂപ), പ്രോ മോഡൽ സി‌എൻ‌വൈ 2,199 (ഏകദേശം 23,400 രൂപ) വിലയിൽ ആരംഭിക്കുന്നു. ഇതുവഴി റിയൽമി എക്‌സ്, എക്‌സ് 7 പ്രോ സ്മാർട്ഫോണുകളുടെ വില ഏകദേശം 20,000 രൂപ, 24,000 രൂപ എന്നിങ്ങനെ വരുന്നു. റിയൽമി എക്സ് 7 നെബുല, സ്പേസ് സിൽവർ തുടങ്ങിയ കളർ ഓപ്ഷനുകളിൽ വരാൻ സാധ്യതയുണ്ട്. എക്‌സ് 7 പ്രോ ഫാന്റസി, മിസ്റ്റിക് ബ്ലാക്ക് നിറങ്ങളിൽ വരുമെന്ന് വിശ്വസിക്കപ്പെടുന്നു.

റിയൽമി എക്‌സ് 7, എക്‌സ് 7 പ്രോ: സവിശേഷതകൾ

റിയൽമി എക്‌സ് 7 സീരീസ് സ്മാർട്ട്‌ഫോണുകൾ 2020 സെപ്റ്റംബറിലാണ് ചൈനയിൽ ആവതെറിപ്പിച്ചത്. ഇന്ത്യൻ വേരിയന്റും ചൈനീസ് മോഡലുകളുടെ സവിശേഷതകളിൽ എത്തുമെന്ന് പ്രതീക്ഷിക്കുന്നു. സ്റ്റാൻഡേർഡ് മോഡലിന് 6.4 ഇഞ്ച് എഫ്എച്ച്ഡി + സൂപ്പർ അമോലെഡ് ഡിസ്പ്ലേയാണ് വരുന്നത്, അതേസമയം റിയൽമി എക്‌സ് 7 പ്രോയ്ക്ക് 6.5 ഇഞ്ച് എഫ്എച്ച്ഡി + സൂപ്പർ അമോലെഡ് ഡിസ്പ്ലേയും 120 ഹെർട്സ് റിഫ്രെഷ് റേറ്റുമുണ്ട്.

റിയൽമി എക്‌സ് 7 സ്മാർട്ഫോൺ മീഡിയടെക് ഡൈമെൻസിറ്റി 800 യു ചിപ്‌സെറ്റിലാണ് പ്രവർത്തിക്കുന്നത്. പ്രോ മോഡലിന് മീഡിയടെക് ഡൈമെൻസിറ്റി 1000+ ചിപ്‌സെറ്റിൽ നിന്ന് കരുത്ത് ലഭിക്കുന്നു. എന്നാൽ, രണ്ട് മോഡലുകൾക്കും സമാനമായ ക്വാഡ് ക്യാമറ സെറ്റപ്പാണ് വരുന്നത്. അതിൽ 64 എംപി മെയിൻ ലെൻസും 32 എംപി ഫ്രണ്ട് ക്യാമറയും ഉൾപ്പെടുന്നു. റിയൽമി എക്‌സ് 7, എക്‌സ് 7 പ്രോ എന്നിവയ്ക്ക് യഥാക്രമം 4,300 എംഎഎച്ച്, 4,500 എംഎഎച്ച് ബാറ്ററി യൂണിറ്റുകൾ വരുന്നു. എന്നാൽ, ഇവ രണ്ടും 65W ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു.