ക്വാൽകോം സ്‌നാപ്ഡ്രാഗൺ 888 SoC പ്രോസസ്സറുമായി റെഡ് മാജിക് 6 ആർ അവതരിപ്പിച്ചു: വിലയും, സവിശേഷതകളും

റെഡ് മാജിക് 6 ആർ സ്മാർട്ഫോണിൻറെ വിലയും, ലഭ്യതയും

റെഡ് മാജിക് 6 ആർ സ്മാർട്ഫോണിൻറെ 6 ജിബി + 128 ജിബി സ്റ്റോറേജ് മോഡലിന് സി‌എൻ‌വൈ 2,999 (ഏകദേശം 34,100 രൂപ), 8 ജിബി + 128 ജിബി സ്റ്റോറേജ് മോഡലിന് സി‌എൻ‌വൈ 3,299 (ഏകദേശം 37,500 രൂപ) എന്നിങ്ങനെ യഥാക്രമം വില വരുന്നു. കൂടാതെ, 12 ജിബി + 128 ജിബി സ്റ്റോറേജ് ഓപ്ഷന് സി‌എൻ‌വൈ 3,599 (ഏകദേശം 40,900 രൂപ), 12 ജിബി + 256 ജിബി സ്റ്റോറേജ് മോഡലിന് സി‌എൻ‌വൈ 3,899 (ഏകദേശം 44,400 രൂപ) വിലയും നൽകിയിട്ടുണ്ട്. ഫാന്റം ബ്ലാക്ക്, സ്ട്രീമർ സിൽവർ കളർ ഓപ്ഷനുകളിലാണ് ഈ സ്മാർട്ട്ഫോൺ വിപണിയിൽ വരുന്നത്. മഞ്ഞ നിറത്തിലുള്ള ഓപ്ഷനിൽ ലിമിറ്റഡ് എഡിഷൻ റെഡ് മാജിക് 6 ആർ നൽകുന്നതിനായി കമ്പനി ടെൻസെന്റ് ഗെയിമുകളുമായി സഹകരിച്ചു. ഈ സ്മാർട്ട്‌ഫോൺ ഇപ്പോൾ ചൈനയിൽ പ്രീ-ഓർഡറുകൾക്കായി ലഭ്യമാണ്. റെഡ് മാജിക് 6 ആറിൻറെ ആദ്യ വിൽപ്പന ജൂൺ 1 ന് നടക്കും. റെഡ് മാജിക് 6 ആർ ആഗോള വിപണിയിൽ അവതരിപ്പിക്കുമോ എന്നതിനെക്കുറിച്ച് നുബിയ ഇതുവരെ ഒരു വിവരവും നൽകിയിട്ടില്ല.

റെഡ് മാജിക് 6 ആർ സ്മാർട്ഫോണിൻറെ സവിശേഷതകൾ

റെഡ് മാജിക് 6 ആർ ആൻഡ്രോയിഡ് 11ൽ റെഡ്മാജിക് ഒ.എസ് 4.0 സോഫ്റ്റ്‌വെയർ പ്ലാറ്റ്‌ഫോമിൽ പ്രവർത്തിക്കുന്നു. 6.67 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേയിൽ 20: 9 ആസ്പെക്റ്റ് റേഷിയോ, 144 ഹെർട്സ് വരെ അഡാപ്റ്റീവ് റിഫ്രെഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ് എന്നിവ ഇതിൽ ഉൾപ്പെടുന്നു. 12 ജിബി വരെ എൽപിഡിഡിആർ 5 റാമിനൊപ്പം ഒക്ടാ കോർ ക്വാൽകോം സ്‌നാപ്ഡ്രാഗൺ 888 SoC പ്രോസസറാണ് ഈ സ്മാർട്ട്ഫോണിന് കരുത്ത് നൽകുന്നത്.

റെഡ് മാജിക് 6 ആർ സ്മാർട്ഫോണിൻറെ ക്യാമറ സവിശേഷതകൾ

64 മെഗാപിക്സൽ പ്രൈമറി സോണി ഐഎംഎക്സ് 682 സെൻസർ, എഫ് / 1.8 ലെൻസ്, 8 മെഗാപിക്സൽ അൾട്രാ-വൈഡ് ഷൂട്ടർ, 5 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സംവിധാനമാണ് റെഡ് മാജിക് 6 ആറിൽ നൽകിയിരിക്കുന്നത്. സെൽഫികൾക്കും പകർത്തുവാനും, വീഡിയോ ചാറ്റുകൾക്കുമായി റെഡ് മാജിക് 6 ആർ മുൻവശത്ത് 16 മെഗാപിക്സൽ സെൽഫി ക്യാമറ നൽകിയിട്ടുണ്ട്. 8 മെഗാപിക്സൽ സെൽഫി ക്യാമറയുള്ള റെഡ് മാജിക് 6 ൻറെ ഒരു അപ്ഗ്രേഡഡ് വേർഷനാണ് റെഡ് മാജിക് 6 ആർ.

റെഡ് മാജിക് 6 ആറിന് 128 ജിബി , 256 ജിബി യുഎഫ്‌സി 3.1 സ്റ്റോറേജ് ഉണ്ട്. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറും ഉണ്ട്. റെഡ് മാജിക് 6 ആറിൽ 400Hz ടച്ച് സാമ്പിൾ റേറ്റ് ഉപയോഗിച്ച് നൂബിയ ടച്ച് സപ്പോർട്ടുള്ള ഷോൾഡർ ട്രിഗറുകൾ നൽകിയിട്ടുണ്ട്. ഈ സ്മാർട്ട്ഫോണിൽ ഡിടിഎസ്: എക്സ് അൾട്രാ ഓഡിയോയും ഉൾപ്പെടുന്നു. 55W ഫാസ്റ്റ് ചാർജിംഗ് സപ്പോർട്ടുള്ള 4,200 എംഎഎച്ച് ബാറ്ററിയാണ് റെഡ് മാജിക് 6 ആറിൽ ഉൾപ്പെടുത്തിയിരിക്കുന്നത്. എന്നാൽ, റെഡ് മാജിക് 6 ൽ 66W ചാർജിംഗുള്ള 5,050 എംഎഎച്ച് ബാറ്ററിയുണ്ട്.