ഇത് സ്നാപ്ഡ്രാഗൺ 8 എ​ലൈറ്റ് ജെൻ 5 ചിപ്സെറ്റുള്ള 'മാജിക്'! റെഡ്മാജിക് 11 പ്രോ, 11 പ്രോ+ മോഡലുകൾ എത്തി

റെഡ്മാജിക് പുതിയ ചിപ്സെറ്റ് കരുത്തിൽ തങ്ങളുടെ ഏറ്റവും പുതിയ പ്രീമിയം സ്മാർട്ട്ഫോണുകൾ പുറത്തിറക്കി. റെഡ്മാജിക് ​11 പ്രോ (RedMagic 11 Pro) , റെഡ്മാജിക് 11 പ്രോ പ്ലസ് (RedMagic 11 Pro+) എന്നിങ്ങനെ രണ്ട് പുതിയ സ്മാർട്ട്ഫോണുകളാണ് സ്നാപ്ഡ്രാഗൺ 8 എ​ലൈറ്റ് ജെൻ 5 ചിപ്സെറ്റ് കരുത്തിൽ ​ചൈനയിൽ ലോഞ്ച് ചെയ്തിരിക്കുന്നത്. അൾട്രാ ഗ്രാഫിക്സ് എഞ്ചിൻ 3.0, സ്വയം വികസിപ്പിച്ചെടുത്ത റെഡ്കോർ R4 ചിപ്പും ഉൾപ്പെടെയുള്ള ഫീച്ചറുകളുമായാണ് ഈ മോഡലുകൾ എത്തിയിരിക്കുന്നത്. തിരഞ്ഞെടുത്ത ഗെയിമുകളെ 144Hz-ൽ 2K റെസല്യൂഷനിലേക്ക് ഉയർത്താൻ ഇവ സഹായിക്കുന്നു.

ഈ ഫോണുകളുടെ എയർ-കൂളിംഗ് ഘടകത്തിൽ 24,000 rpm ഉള്ള അപ്‌ഗ്രേഡ് ചെയ്ത വാട്ടർപ്രൂഫ് ടർബോ ഫാൻ 4.0 ഉണ്ട്. ഇത് ഒരു 4D കൂളർ VC സിസ്റ്റവും ലിക്വിഡ് മെറ്റൽ 3.0-യും ചേർന്ന് പ്രവർത്തിക്കുന്നു. ലിക്വിഡ്-കൂളിംഗ് മെക്കാനിസം സജീവമാകുമ്പോൾ റിയർ പാനലിൽ കറങ്ങുന്ന ഒരു അർദ്ധസുതാര്യ നീല വളയം കാണാനാകുന്ന ഡി​സൈൻ ഈ ഫോണുകളുടെ ഒരു ആകർഷണമാണ്. ക്യാമറ ബമ്പ് ഇല്ലാതെ ഫ്ലാറ്റ്-എഡ്ജ് ഡിസൈൻ ഈ സീരീസ് നിലനിർത്തുന്നു.

റെഡ്മാജിക് 11 പ്രോ, 11 പ്രോ+ ഫീച്ചറുകൾ

144Hz വരെ റിഫ്രഷ് റേറ്റ് ഉള്ള 6.85-ഇഞ്ച് (2688×1216 പിക്സലുകൾ) 1.5K OLED BOE X10 ഡിസ്പ്ലേയാണ് ഇവയിലുള്ളത്. ഇത് 960Hz വരെ ടച്ച് സാമ്പിൾ റേറ്റ്, 10-ബിറ്റ് കളർ ഡെപ്ത്, 100% DCI-P3 കളർ ഗാമട്ട്, 2000 nits വരെ പീക്ക് ബ്രൈറ്റ്നസ്, DC ഡിമ്മിംഗ്, 2592Hz PWM ഡിമ്മിംഗ് എന്നിവ സഹിതം എത്തുന്നു.

അഡ്രിനോ 840 GPU ഉള്ള ഒക്ട കോർ സ്നാപ്ഡ്രാഗൺ 8 എലൈറ്റ് ജെൻ 5 3nm മൊബൈൽ പ്ലാറ്റ്ഫോം ആണ് ഇരുമോഡലുകളുടെയും കരുത്ത്. 12GB / 16GB / 24GB LPDDR5T റാം, 256GB / 512GB / 1TB (UFS 4.1) സ്റ്റോറേജ് ഓപ്ഷനുകൾ എന്നിവയുമുണ്ട്.

1/1.55″ സെൻസറുള്ള 50MP മെയിൻ ക്യാമറ (f/1.88 അപ്പേർച്ചർ, OIS), 50MP 120-ഡിഗ്രി അൾട്രാ-വൈഡ് ലെൻസ് (f/2.2 അപ്പേർച്ചർ) എന്നിവ അ‌ടങ്ങുന്ന റിയർ ക്യാമറ സജ്ജീകരണവും 16MP ഓമ്‌നിവിഷൻ അണ്ടർ-ഡിസ്‌പ്ലേ ഫ്രണ്ട്-ഫേസിംഗ് ക്യാമറയും അ‌ടങ്ങുന്നതാണ് ഇതിലെ ക്യാമറ സജ്ജീകരണം. ആൻഡ്രോയിഡ് 16 അ‌ടിസ്ഥാനമാക്കിയുള്ള REDMAGIC OS 11-ൽ ആണ് പ്രവർത്തനം.

ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, 3.5mm ഓഡിയോ ജാക്ക്, ഡ്യുവൽ 1115K സ്പീക്കറുകൾ, X ULTRA, മൂന്ന് മൈക്കുകൾ, Dongci 0815 ഡ്യുവൽ X-ആക്സിസ് ലീനിയർ മോട്ടോറുകൾ, IPX8 റേറ്റിങ്സ്, 5G NSA /SA, ഡ്യുവൽ 4G VoLTE എന്നിവയും ഇവയിലുണ്ട്.

ബാറ്ററിയുടെയും ഫാസ്റ്റ് ചാർജിങ്ങിന്റെയും കാര്യത്തിലാണ് ഈ മോഡലുകൾ പ്രധാനമായും വ്യത്യാസപ്പെട്ടിരിക്കുന്നത്. 11 പ്രോ മോഡലിൽ 80W ഫാസ്റ്റ് ചാർജിംഗ് സഹിതം 8000mAh ബാറ്ററിയും 11 പ്രോ പ്ലസ് മോഡലിൽ 120W ഫാസ്റ്റ് ചാർജിംഗ്, 80W വയർലെസ് ചാർജിംഗ് എന്നിവ സഹിതം 7500mAh ബാറ്ററിയും സജ്ജീകരിച്ചിരിക്കുന്നു.

വിലയും ലഭ്യതയും

റെഡ്മാജിക് 11 പ്രോയുടെ 12GB+256GB മോഡലിന് 4999 യുവാനും (ഏകദേശം 61,790 രൂപ), 16GB+512GB മോഡലിന് 5699 യുവാനും (ഏകദേശം 70,440 രൂപ) ആണ് വില. 11 പ്രോ പ്ലസ് മോഡലിന്റെ ബ്ലാക്ക് 12GB+256GB മോഡലിന് 5699 യുവാൻ (ഏകദേശം 70,440 രൂപ) ആണ് വില.

റെഡ്മാജിക് 11 പ്രോ പ്ലസിന്റെ ട്രാൻസ്പരന്റ് ബ്ലാക് ആൻഡ് ട്രാൻസ്പരന്റ് സിൽവർ 16GB+512GB മോഡലിന് 6499 യുവാനും (ഏകദേശം 80,330 രൂപ), ട്രാൻസ്പരന്റ് സിൽവർ 16GB+ 1TB മോഡലിന് 6999 യുവാനും (ഏകദേശം 86,510 രൂപ), 24GB + 1TB മോഡലിന് 7999 യുവാനും (ഏകദേശം 98,850 രൂപ) ആണ് വില. റെഡ്മാജിക് 11പ്രോയുടെ ഗ്ലോബൽ വേരിയന്റ് നവംബർ 7-ന് പ്രഖ്യാപിക്കും.