വേണമെന്ന് വച്ചാൽ വാങ്ങാം! സ്നാപ്ഡ്രാഗൺ 8 എലൈറ്റ് ജെൻ 5 കരുത്തുള്ള റെഡ്മാജിക് 11 പ്രോ എത്തി

ഒക്ട കോർ സ്നാപ്ഡ്രാഗൺ 8 എലൈറ്റ് ജെൻ 5 3nm മൊബൈൽ പ്ലാറ്റ്ഫോം കരുത്തുമായി റെഡ്മാജിക് 11 പ്രോ (REDMAGIC 11 Pro) ആഗോളതലത്തിൽ ലോഞ്ച് ചെയ്തു. ഇത് കഴിഞ്ഞ മാസം ​ചൈനയിൽ ലോഞ്ച് ചെയ്തിരുന്നു. ​ചൈനീസ് മോഡലിൽ നിന്ന് ഒരു പ്രധാന മാറ്റവുമായാണ് ഇപ്പോൾ ആഗോളതലത്തിൽ റെഡ്മാജിക് 11 പ്രോ അ‌വതരിപ്പിക്കപ്പെട്ടിരിക്കുന്നത്. ​ചൈനീസ് മോഡലിൽ 120W ഫാസ്റ്റ് ചാർജിങ് ഉണ്ടായിരുന്നു. എന്നാൽ ആഗോളതലത്തിൽ 80W ഫാസ്റ്റ് ചാർജിങ് സഹിതമാണ് ഈ ഫോൺ എത്തിയിരിക്കുന്നത്. മറ്റ് ഫീച്ചറുകളുടെ കാര്യത്തിൽ മാറ്റമൊന്നുമില്ല.

റെഡ്മാജിക് 11 പ്രോയുടെ പ്രധാന ഫീച്ചറുകൾ

6.85-ഇഞ്ച് (2688×1216 പിക്സൽസ്) 1.5K OLED BOE X10 ഡിസ്പ്ലേ, 144Hz വരെ റിഫ്രഷ് റേറ്റ്, 960Hz വരെ ടച്ച് സാമ്പിൾ റേറ്റ്, 10-ബിറ്റ് കളർ ഡെപ്ത്, 100% DCI-P3 കളർ ഗാമട്ട്, 2000 nits വരെ പീക്ക് ബ്രൈറ്റ്നസ്, DC ഡിമ്മിംഗ്, 2592Hz PWM ഡിമ്മിംഗ് എന്നിവ ഇതിലുണ്ട്.

ഒക്ട കോർ സ്നാപ്ഡ്രാഗൺ 8 എലൈറ്റ് ജെൻ 5 3nm മൊബൈൽ പ്ലാറ്റ്ഫോം ആണ് ഈ ഫോണിന്റെ കരുത്ത്. അഡ്രിനോ 840 GPU, 12GB / 16GB / 24GB LPDDR5T റാം, 256GB / 512GB / 1TB (UFS 4.1 പ്രോ) സ്റ്റോറേജ്, ആൻഡ്രോയിഡ് 16 അ‌ടിസ്ഥാനമാക്കിയുള്ള റെഡ്മാജിക് ഒഎസ് 11 എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, 1/1.55″ സെൻസറുള്ള 50MP മെയിൻ ക്യാമറ (f/1.88 അപ്പേർച്ചർ, OIS), 50MP120-ഡിഗ്രി അൾട്രാ-വൈഡ് ലെൻസ് ( f/2.2 അപ്പേർച്ചർ) എന്നിവ അ‌ടങ്ങുന്ന റിയർ ക്യാമറ സജ്ജീകരണവും 16MP ഓമ്‌നിവിഷൻ അണ്ടർ-ഡിസ്‌പ്ലേ ഫ്രണ്ട്-ഫേസിംഗ് ക്യാമറയും ഇതിലുണ്ട്. ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ എന്നിവയും ഉണ്ട്.

3.5mm ഓഡിയോ ജാക്ക്, ഡ്യുവൽ 1115K സ്പീക്കറുകൾ, DTS:X ULTRA, മൂന്ന് മൈക്കുകൾ, Dongci 0815 ഡ്യുവൽ X-ആക്സിസ് ലീനിയർ മോട്ടോറുകൾ, IPX8 റേറ്റിങ്സ്, ഡ്യുവൽ സിം (നാനോ + നാനോ), 5G NSA /SA, ഡ്യുവൽ 4G VoLTE, 7500mAh ബാറ്ററി, 80W ഫാസ്റ്റ് ചാർജിംഗ്, 80W വയർലെസ് ചാർജിംഗ് എന്നീ ഫീച്ചറുകളും ഇതിലുണ്ട്.

വിലയും ലഭ്യതയും

ഇന്ത്യയിൽ റെഡ്മാജിക് 11 പ്രോ അ‌വതരിപ്പിക്കപ്പെട്ടിട്ടില്ല. എന്നാൽ ഇന്ത്യക്ക് പുറത്തുള്ള ഇന്ത്യക്കാർക്ക് ഈ സ്മാർട്ട്ഫോൺ വാങ്ങാൻ നിരവധി അ‌വസരങ്ങളുണ്ട്. അ‌തിനാൽ വേണമെന്ന് വച്ചാൽ വാങ്ങാം. കുവൈറ്റ്, സൗദി അറേബ്യ, യുണൈറ്റഡ് അറബ് എമിറേറ്റ്സ്, ഒമാൻ സുൽത്താനേറ്റ്, ബഹ്‌റൈൻ, ഖത്തർ തുടങ്ങിയ ഗൾഫ് രാജ്യങ്ങളിൽ ഈ ഫോൺ വാങ്ങാൻ ലഭ്യമാണ്. കൂടാതെ യൂറോപ്പ്, യുഎസ്, യുകെ, സിംഗപ്പൂർ, മെക്സിക്കോ, കാനഡ തുടങ്ങി നിരവധി രാജ്യങ്ങളിലും ഇത് ലഭ്യമാണ്.

റെഡ്മാജിക് 11 പ്രോയുടെ 12GB+256GB വേരിയന്റിന് യുഎസിൽ $749 (ഏകദേശം 66,505 രൂപ) ആണ് വില. GCC-യിൽ 2699 AED, കാനഡ- CAD$999, UK- £629, EU- €699, സിംഗപ്പൂർ- S$1049, മെക്സിക്കോ- Mex$14999, മറ്റ് വിപണികളിൽ $699 എന്നിങ്ങനെയും വില നിശ്ചയിച്ചിരിക്കുന്നു.

16GB+512GB വേരിയന്റിന് യുഎസ്- $849 (ഏകദേശം 75,385 രൂപ), കാനഡ- CAD$1149, UK- £709, EU-യിൽ €799, സിംഗപ്പൂർ- S$1229, മെക്സിക്കോ- Mex$17999, GCC- 3099 AED, മറ്റ് വിപണികൾ- $799. 24GB+1TB വേരിയന്റിന് യുഎസിലും ആഗോള വിപണികളിലും- $999 (ഏകദേശം 88,705 രൂപ), കാനഡ- CAD$1149, UK- £879, EU- €999, സിംഗപ്പൂർ- S$1499, മെക്സിക്കോ- Mex$22999, GCC-യിൽ 3999 AED എന്നിങ്ങനെയാണ് വില.