പോക്കറ്റിൽ 'ഓട്ട' വീഴില്ല! റെഡ്മി 12 സീരീസ് ലോഞ്ച് ചെയ്തു, 5ജി മോഡലിന്റെ വില 10,999 രൂപ മുതൽ

ആരാധകരുടെ ഏറെ നാളത്തെ കാത്തിരിപ്പിന് വിരാമമിട്ടുകൊണ്ട് ഷവോമി ബജറ്റ് വിലയിൽ റെഡ്മി 12 4G-യിലും റെഡ്മി 12 5G മോഡലുകൾ ഇന്ത്യയിൽ ലോഞ്ച് ചെയ്തു. ​5ജി ഫോൺ വാങ്ങാൻ ആഗ്രഹിക്കുന്നവർക്ക് അ‌ധികം തുക ചെലവഴിക്കാതെ ആ ആഗ്രഹം നിറവേറ്റാൻ റെഡ്മി 12 5ജിയിലൂടെ ഷവോമി അ‌വസരമൊരുക്കിയിരിക്കുന്നു.

രണ്ട് റെഡ്മി 12 വേരിയന്റുകളിലും 6.79 ഇഞ്ച് ഫുൾ-എച്ച്ഡി+ (1,080 x 2,460 പിക്സലുകൾ) ഡിസ്‌പ്ലേ 90Hz, ടച്ച് സാംപ്ലിംഗ് നിരക്ക് 240Hz, പീക്ക് ബ്രൈറ്റ്‌നസ് ലെവൽ 450 നിറ്റ്, കോർണിംഗ് ഗൊറില്ല ഗ്ലാസ് സംരക്ഷണം എന്നിവയുണ്ട്. ആൻഡ്രോയിഡ് 13 അടിസ്ഥാനമാക്കിയുള്ള MIUI 14-ലാണ് പ്രവർത്തനം.

റെഡ്മി 12 4ജിയുടെ സവിശേഷതകൾ: റെഡ്മി 12 4G മോഡലിൽ മീഡിയടെക് ഹീലിയോ ജി88 ചിപ്സെറ്റ് കരുത്തിൽ എത്തുന്നു. റെഡ്മി 12 4ജിക്ക് രണ്ട് വേരിയന്റുകളാണുള്ളത്, ഒന്ന് 4 ജിബി റാമും 128 ജിബി സ്റ്റോറേജും മറ്റൊന്ന് 6 ജിബി റാമും 128 ജിബി സ്റ്റോറേജും.

റെഡ്മി 12 4G ഒരു ഗ്ലാസ് ബാക്ക് പാനലോടെയാണ് വരുന്നത്, അത് പ്രീമിയം ലുക്ക് നൽകുന്നു. ക്യാമറ ലെൻസുകൾക്ക് ചുറ്റും സിൽവർ മെറ്റാലിക് റിമ്മുകളും കാണാം. മൈക്രോ എസ്ഡി കാർഡ് ഉപയോഗിച്ച് സ്റ്റോറേജ് 1TB വരെ വികസിപ്പിക്കാം. ഫോണുകൾ യഥാക്രമം 12GB, 16GB വരെയുള്ള വെർച്വൽ റാം പിന്തുണയും നൽകുന്നുണ്ട്.

ക്യാമറയുടെ കാര്യത്തിലേക്ക് വന്നാൽ റെഡ്മി 12 4Gയിൽ ട്രിപ്പിൾ റിയർ ക്യാമറ സജ്ജീകരണമാണ് ഉള്ളത്. 50 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെൻസർ, മാക്രോ സെൻസറുള്ള 2 മെഗാപിക്സൽ സെൻസർ എന്നിവ ഇതിൽ ഉൾപ്പെടുന്നു. രണ്ട് ഹാൻഡ്‌സെറ്റുകൾക്കും 8-മെഗാപിക്‌സൽ ഫ്രണ്ട് ക്യാമറയാണ് നൽകിയിരിക്കുന്നത്.

ഡിസ്‌പ്ലേയുടെ മുകളിൽ മധ്യഭാഗത്ത് അലൈൻ ചെയ്‌തിരിക്കുന്ന പഞ്ച്-ഹോൾ സ്ലോട്ടിൽ ഫ്രണ്ട് ക്യാമറ സ്ഥാപിച്ചിരിക്കുന്നു. WiFi, GPS, Bluetooth, v5.0, NFC, USB Type-C കണക്റ്റിവിറ്റി, 3.5 എംഎം ഓഡിയോ ജാക്കുകളും സൈഡ് മൗണ്ടഡ് ഫിംഗർപ്രിന്റ് സെൻസറുകൾ എന്നിവയുടെ പിന്തുണ രണ്ട് ഫോണുകളിലുമുണ്ട്.

റെഡ്മി 12 5ജിയുടെ സവിശേഷതകൾ: ക്വാൽക്കോം സ്നാപ്ഡ്രാഗൺ 4 ജെൻ 2 ചിപ്സെറ്റും 8GB വരെ റാമും 256ജിബി സ്റ്റോറേജും റെഡ്മി 12 5ജി വാഗ്ദാനം ചെയ്യുന്നു. 4ജിബി റാം + 128ജിബി സ്റ്റോറേജ്, 6ജിബി റാം+ 128ജിബി സ്റ്റോറേജ്, 8ജിബി റാം, 256ജിബി സ്റ്റോറേജ് എന്നിങ്ങനെ മൂന്ന് വേരിയന്റുകളിൽ ഈ ഫോൺ ലഭ്യമാകും.

റെഡ്മി 12 5G യിൽ 50 മെഗാപിക്സൽ പ്രൈമറി ക്യാമറയും 2 മെഗാപിക്സൽ ഡെപ്ത് ക്യാമറയും എൽഇഡി ഫ്ലാഷുമുണ്ട്. മുൻ ക്യാമറ 8 മെഗാപിക്സലിന്റേതാണ്. ചിപ്‌സെറ്റും 5G സാങ്കേതികവിദ്യയുമാണ് റെഡ്മി 12 4ജി, 5ജി മോഡലുകൾ തമ്മിലുള്ള പ്രധാന വ്യത്യാസം. മറ്റ് ഫീച്ചറുകളെല്ലാം ഏതാണ്ട് സമാനമാണ്.

രണ്ട് ഫോണുകളിലും 5000 mAh ബാറ്ററിയുണ്ട്, അത് ടൈപ്പ് C USB പോർട്ട് വഴി 18W ചാർജിംഗിനെ പിന്തുണയ്ക്കുന്നു. ജേഡ് ബ്ലാക്ക്, മൂൺസ്റ്റോൺ സിൽവർ, പാസ്റ്റൽ ബ്ലൂ എന്നീ നിറങ്ങളിൽ റെഡ്മി 12 മോഡലുകൾ ലഭ്യമാകും. റെഡ്മി 12 4G രണ്ട് വേരിയന്റുകളാണുള്ളത് 4GB + 128GB അ‌ടിസ്ഥാന വേരിയന്റിന് 8,999 രൂപയാണ് വില.

റെഡ്മി 12 4ജിയുടെ 6ജിബി + 128ജിബി വേരിയന്റിന് 10,999 രൂപയാണ് വില. റെഡ്മി 12 ന്റെ 5ജി മോഡലിന്റെ 4ജിബി + 128ജിബി വേരിയൻറ് 10,999 രൂപ വിലയിൽ എത്തുന്നു. 6ജിബി + 128 ജിബി വേരിയന്റിന് 12,499 രൂപയും 8ജിബി + 256ജിബി വേരിയന്റിന് 14,999 രൂപയും വിലവരും.