വരാനുള്ളത് ​നൈജീരിയയിൽ തങ്ങില്ല! റെഡ്മി 13സി ലോഞ്ച് ചെയ്തു; 50എംപി ട്രിപ്പിൾ റിയർ ക്യാമറ, 5000mAh ബാറ്ററി

പ്രമുഖ ​ചൈനീസ് സ്മാർട്ട്ഫോൺ നിർമാതാക്കളായ റെഡ്മി തങ്ങളുടെ 13സി സീരീസിന് ​നൈജീരിയയിൽ തുടക്കം കുറിച്ചു. ഏറ്റവും പുതിയ റെഡ്മി 13സി ( Redmi 13C ) സ്മാർട്ട്ഫോൺ കമ്പനി ​നൈജീരിയയിൽ പുറത്തിറക്കി. ഇന്ത്യയുൾപ്പെടെയുള്ള മറ്റ് വിപണികളിലേക്കും ഈ എൻട്രിലെവൽ സ്മാർട്ട്ഫോൺ ഉടൻ അ‌വതരിപ്പിക്കും എന്നാണ് പ്രതീക്ഷിക്കുന്നത്.

റെഡ്മി 12 സിയുടെ പിൻഗാമിയായാണ് പുതിയ റെഡ്മി 13സി എത്തിയിരിക്കുന്നത്. കുറഞ്ഞ വിലയിൽ സ്മാർട്ട്ഫോൺ തേടുന്നവരെയാണ് ഇതിലൂടെ റെഡ്മി ലക്ഷ്യമിട്ടിരിക്കുന്നത്. 50എംപി പ്രൈമറി ക്യാമറ സെൻസർ, ആൻഡ്രോയിഡ് 13 ഒഎസ്, മീഡിയടെക് ഹീലിയോ ജി85 ചിപ്‌സെറ്റ്, 90Hz HD+ ഡിസ്‌പ്ലേ എന്നിവ സഹിതമാണ് ഈ ഫോണെത്തുന്നത്.

ചില വ്യത്യാസങ്ങൾ ഒഴിച്ചുനിർത്തിയാൽ പുതിയ റെഡ്മി 13സി പോക്കോയുടെ C65 ന് സമാനമാണ്. ​ആമസോണിന്റെ യുഎസ് ​സൈറ്റിൽ ഉൾപ്പെടെ കഴിഞ്ഞ ദിവസങ്ങളിൽ റെഡ്മി 13 സി പ്രത്യക്ഷപ്പെട്ടിരുന്നു. നൈജീരിയയിൽ ലോഞ്ച് ചെയ്തുകൊണ്ട് ആഗോള അ‌രങ്ങേറ്റം കുറച്ച റെഡ്മി 13സി അ‌ധികം ​വൈകാതെ എല്ലാ വിപണികളിലേക്കും എത്തുമെന്ന് പ്രതീക്ഷിക്കുന്നു. ഈ സ്മാർട്ട്ഫോണിലെ പ്രധാന ഫീച്ചറുകൾ പരിചയപ്പെടാം.

6.74 ഇഞ്ച് എൽസിഡി ഡിസ്‌പ്ലേയാണ് റെഡ്മി 13സിയിൽ ഉള്ളത്. 90Hz റിഫ്രഷ് റേറ്റും, 720 X 1600 പിക്‌സൽ റെസലൂഷനും മുകളിൽ ഒരു നോച്ചും ഡിസ്പ്ലേയ്ക്ക് റെഡ്മി നൽകിയിട്ടുണ്ട്. മീഡിയടെക് ഹീലിയോ ജി85 പ്രൊസസർ ആണ് ഈ സ്മാർട്ട്ഫോണിന് കരുത്ത് പകരുന്നത്.

4GB/ 6GB/ 8GB റാം ഓപ്ഷനുകളും 128GB/ 256GB ഇന്റേണൽ സ്‌റ്റോറേജ് ഓപ്ഷനും റെഡ്മി 13സിയ്ക്ക് ഉണ്ട്. ഇന്റേണൽ സ്റ്റോറേജിന് പുറമേ, മൈക്രോ എസ്ഡി കാർഡ് വഴി സ്റ്റോറേജ് വർധിപ്പിക്കാനുള്ള സൗകര്യവുമുണ്ട്. ആൻഡ്രോയിഡ് 13 അടിസ്ഥാനമാക്കിയുള്ള MIUI 13 കസ്റ്റം സ്‌കിൻ ഔട്ട് ഓഫ് ബോക്‌സിലാണ് റെഡ്മി ഹാൻഡ്‌സെറ്റ് പ്രവർത്തിക്കുന്നത്.

ട്രിപ്പിൾ റിയർ ക്യാമറ സജ്ജീകരണവും ഈ ബജറ്റ് സ്മാർട്ട്ഫോൺ വാഗ്ദാനം ചെയ്യുന്നു. 50എംപി പ്രൈമറി ക്യാമറ, 2എംപി ഡെപ്ത് ക്യാമറ, 2എംപി മാക്രോ ലെൻസ് എന്നിവ അ‌ടങ്ങുന്നതാണ് റെഡ്മി 13സിയിലെ ട്രിപ്പിൾ ക്യാമറ സജ്ജീകരണം. സെൽഫികൾക്കായി, 8 എംപി ഫ്രണ്ട് ക്യാമറയും ഈ റെഡ്മി ഫോണിലുണ്ട്.

18W ചാർജറിനൊപ്പം 5,000mAh ബാറ്ററിയാണ് റെഡ്മി 13സി പായ്ക്ക് ചെയ്യുന്നത്. സുരക്ഷയ്ക്കായി സൈഡ് മൗണ്ടഡ് ഫിംഗർപ്രിന്റ് സെൻസറും നൽകിയിരിക്കുന്നു. 4G, ഡ്യുവൽ-ബാൻഡ് Wi-Fi, ബ്ലൂടൂത്ത്, ജിപിഎസ്, ചാർജ് ചെയ്യാനുള്ള യുഎസ്ബി ടൈപ്പ്-സി പോർട്ട് എന്നിവയാണ് പ്രധാന കണക്ടിവിറ്റി ഓപ്ഷനുകൾ. ഇതൊരു 4ജി സ്മാർട്ട്ഫോൺ ആണെന്ന് ഈ ഓപ്ഷനുകൾ വ്യക്തമാക്കുന്നു.

ഇന്നത്തെ മിക്ക ബജറ്റ് ഫോണുകളിലും ഉള്ള ഒരു സാധാരണ ഡിസൈൻ റെഡ്മി 13 സി അവതരിപ്പിക്കുന്നു. സെൽഫി ഷൂട്ടറിനായി ഒരു വാട്ടർഡ്രോപ്പ് നോച്ച്, ഫ്ലാറ്റ് അരികുകൾ, സ്ക്രീനിന് ചുറ്റും വലിപ്പമുള്ള ബെസലുകൾ എന്നിവ ഞങ്ങൾ കാണുന്നു. വോളിയം റോക്കറും പവർ ബട്ടണും വലത് വശത്ത് നൽകിയിരിക്കുന്നു, ഇതിനൊപ്പം ഫിംഗർപ്രിന്റ് സെൻസറും എത്തുന്നു.

ബ്ലാക്ക്, ക്ലോവർ ഗ്രീൻ എന്നീ നിറങ്ങളിലാണ് ഈ റെഡ്മി ഹാൻഡ്‌സെറ്റ് എത്തുന്നത്. 13 സിയുടെ 4ജിബി റാം+ 128ജിബി സ്റ്റോറേജ് മോഡലിന് 98,100 എൻജിഎൻ (ഏകദേശം 10,200 രൂപ) ആണ് വില. 8ജിബി റാം+ 256 ജിബി സ്റ്റോറേജ് മോഡലിന് 108,100 എൻജിഎൻ (ഏകദേശം 11,200 രൂപ) വിലവരും.