റെഡ്മി 9 സ്മാർട്ട്ഫോണിന്റെ 6ജിബി റാം 128 ജിബി സ്റ്റോറേജ് വേരിയന്റ് വൈകാതെ പുറത്തിറങ്ങും

ചൈനീസ് ഏജൻസിയുടെ ഡാറ്റാബേസിൽ, മോഡൽ കോഡ് M2004J19G ഉള്ള ഒരു സ്മാർട്ട്‌ഫോൺ ലിസ്റ്റുചെയ്‌തു. 6 ജിബി റാമും 128 ജിബി സ്റ്റോറേജുമുള്ള റെഡ്മി 9 സ്മാർട്ട്‌ഫോണാണിത്. പ്രാദേശിക ബ്രാൻഡുകൾക്കിടയിൽ വളരെയധികം മത്സരങ്ങളുള്ള ചൈനീസ് വിപണിയെ ലക്ഷ്യം വച്ചുള്ളതാണ് ഈ സവിശേഷതകൾ. ബ്ലാക്ക്, ബ്ലൂ, ഗ്രീൻ, പിങ്ക്, റെഡ്, വൈറ്റ് എന്നീ നിറങ്ങളിൽ ഈ സ്മാർട്ഫോൺ ലഭ്യമാകുമെന്ന് ലിസ്റ്റിംഗ് വെളിപ്പെടുത്തുന്നു. റെഡ്മി 9 പുതിയ വേരിയന്റിലെ മറ്റ് സവിശേഷതകൾ അതിന്റെ ആഗോളതലത്തിലുള്ള ഫോണുകളുടെ സവിശേഷതകൾക്ക് സമാനമായി തുടരും.

ചൈനീസ് വിപണിയിൽ അരങ്ങേറ്റം കുറിക്കുമ്പോൾ സ്മാർട്ട്‌ഫോണിന് ഒരു പുതിയ പേര് നേടാനാകും. ചൈനയിൽ വിപണിയിലെത്തിയ ശേഷം ഈ വേരിയൻറ് അന്താരാഷ്ട്ര വിപണിയിലും വാഗ്ദാനം ചെയ്യാനാണ് സാധ്യത. ബജറ്റ് സ്മാർട്ട്ഫോൺ വിഭാഗത്തിലേക്കാണ് ഈ പുതിയ ഷവോമി സ്മാർട്ട്ഫോൺ ഉൾപ്പെടുത്തിയിരിക്കുന്നത്. റെഡ്മി 8 ന്റെ പിൻഗാമിയായിട്ടാണ് ഈ ഡിവൈസ് വരുന്നത്. ഏറെ ജനപ്രീതി നേടിയ സ്മാർട്ട്ഫോണാണ് റെഡ്മി 8.

ഷവോമി റെഡ്മി 9: സവിശേഷതകൾ

മീഡിയടെക് ഹെലിയോ ജി 8- പ്രോസസർ, ക്വാഡ് ക്യാമറ സെറ്റപ്പ് തുടങ്ങിയ സവിശേഷതകളോടെയാണ് റെഡ്മി 9 പുറത്തിറക്കിയിരിക്കുന്നത്. 6.53 ഇഞ്ച് വലുപ്പമുള്ള എൽസിഡി ഡിസ്‌പ്ലേയോടുകൂടിയാണ് റെഡ്മി 9 പുറത്തിറക്കിയിരിക്കുന്നത്. 1080 x 2340 പിക്സൽ എഫ്എച്ച്ഡി + റെസല്യൂഷനുള്ള ഈ ഡിസ്പ്ലെ 19: 5: 9 ആസ്പാക്ട് റേഷിയോട് കൂടിയാണ് വരുന്നത്. കോർണിംഗ് ഗോറില്ല ഗ്ലാസ് 3 പ്രോട്ടക്ഷനുള്ള ഡിസ്പ്ലെയിൽ ഒരു വാട്ടർ ഡ്രോപ്പ് നോച്ചും നൽകിയിട്ടുണ്ട്. റെഡ്മി 9 സ്മാർട്ട്ഫോൺ ക്വാഡ് റിയർ ക്യാമറ സെറ്റപ്പുമായാണ് വരുന്നത്.

13 എംപി പ്രൈമറി സെൻസറുള്ള ഡിവൈസിൽ പ്രധാന ലെൻസിനൊപ്പം 8 എംപി വൈഡ് ആംഗിൾ ലെൻസ്, 5 എംപി മാക്രോ, 2 എംപി ഡെപ്ത് സെൻസറുകളും നൽകിയിട്ടുണ്ട്. സെൽഫികൾക്കും വീഡിയോ കോളുകൾക്കുമായി 8 എംപി ക്യാമറയാണ് ഡിവൈസിൽ ഉള്ളത്. മാലി-ജി 52 ജിപിയുവിനൊപ്പം ക്ലബ്ബ് ചെയ്തിരിക്കുന്ന മീഡിയടെക് ഹീലിയോ ജി 80 പ്രോസസറാണ് ഈ ഹാൻഡ്‌സെറ്റിന് കരുത്ത് നൽകുന്നത്. 4 ജിബി റാമും 64 ജിബി സ്റ്റോറേജ് കോൺഫിഗറേഷനും ഉള്ള ഡിവൈസൽ സോഫ്റ്റ്വെയർ-സൈഡ് കൈകാര്യം ചെയ്യുന്നത് ആൻഡ്രോയിഡ് 10 ഒ.എസ് ആണ്. ഇത് MIUI 11 സ്കിൻ ഉപയോഗിച്ച് ലേയേർഡ് ചെയ്തിട്ടുണ്ട്.

റെഡ്മി 9 സ്മാർട്ട്ഫോണിൽ സുരക്ഷയ്‌ക്കായി പിൻ പാനലിലൊരു ഫിംഗർപ്രിന്റ് സ്‌കാനർ നൽകിയിട്ടുണ്ട്. കണക്റ്റിവിറ്റി ഓപ്ഷനുകളിൽ യുഎസ്ബി ടൈപ്പ്-സി പോർട്ട്, 4 ജി എൽടിഇ, എൻ‌എഫ്‌സി, ബ്ലൂടൂത്ത് എന്നിവ ഉൾപ്പെടുന്നു. ക്വിക്ക് ചാർജ് 3.0 സപ്പോർട്ടുള്ള 5,020 എംഎഎച്ച് ബാറ്ററി യൂണിറ്റാണ് ഡിവൈസിൽ ഉള്ളത്.