റെഡ്മി 9 എ പോക്കോ ബ്രാൻഡിന് കീഴിൽ അവതരിപ്പിച്ചേക്കും: വിശദാംശങ്ങൾ

റെഡ്മി 9 എ വില

എന്നാൽ, മിക്ക പ്രവർത്തനങ്ങളും മിഡ് റേഞ്ച് വിഭാഗത്തിലാണ് സംഭവിച്ചത്. അതിനാൽ, എൻ‌ട്രി ലെവൽ‌ വിഭാഗത്തിലെ ആദ്യത്തെ പോക്കോ സ്മാർട്ഫോണായി റെഡ്മി 9 എ മാറുന്നുണ്ടോ എന്നത് രസകരമായിരിക്കും. വരും മാസങ്ങളിൽ ഇത് സംഭവിക്കാമെന്നതിന്റെ ശക്തമായ സൂചനയാണ് ടി‌യുവി റൈൻ‌ലാൻ‌ഡ് സർ‌ട്ടിഫിക്കേഷൻ‌. കുറച്ച് ദിവസങ്ങൾക്ക് മുമ്പ് റെഡ്മി 9 എ മലേഷ്യയിൽ അവതരിപ്പിച്ചിരുന്നു. ഇതിന് ഇന്ത്യയിൽ വരുന്ന വില 6,330 രൂപയാണ്.

റെഡ്മി 9 എ സവിശേഷതകൾ

6.53 ഇഞ്ച് എൽസിഡി ഡിസ്‌പ്ലേ, എച്ച്ഡി + റെസല്യൂഷൻ, 20: 9 വീക്ഷണാനുപാതം എന്നിവ റെഡ്മി 9 എയിൽ വരുന്നു. MIUI 11 പതിപ്പിൽ പ്രവർത്തിക്കുന്ന ആൻഡ്രോയിഡ് 10 ഒഎസ് സോഫ്ട്‍വെയറാണ് ഈ സ്മാർട്ഫോണിൽ വരുന്നത്. മീഡിയടെക് ജി 25 ഒക്ടാ കോർ ചിപ്‌സെറ്റുള്ള ഈ ഫോൺ 5,000 എംഎഎച്ച് ബാറ്ററി സവിശേഷതയുമായി വരുന്നു. കൂടുതൽ സ്റ്റോറേജിനായി ഈ സ്മാർട്ഫോൺ മൈക്രോ എസ്ഡി കാർഡ് സ്ലോട്ടിനെ പിന്തുണയ്ക്കുന്നു.

മുൻവശത്ത് 5 മെഗാപിക്സൽ സെൽഫി ക്യാമറയുണ്ട്. റെഡ്മി 9 എ 13 മെഗാപിക്സലിന്റെ പിൻ ക്യാമറ മാത്രമേ ഇതിൽ കൊണ്ടുവരുന്നുള്ളു. ഫിംഗർപ്രിന്റ് റീഡർ ഈ സ്മാർട്ഫോണിൽ ലഭ്യമല്ല. ഡ്യൂവൽ സിം സ്ലോട്ട്, 4 ജി വോൾട്ട്, വൈ-ഫൈ, ബ്ലൂടൂത്ത് 5.0, ജിപിഎസ്, യുഎസ്ബി-സി, ഐആർ ബ്ലാസ്റ്റർ, 3.5 എംഎം ഓഡിയോ ജാക്ക് എന്നിവ റെഡ്മി 9 എയിൽ നിങ്ങൾക്ക് ലഭിക്കുന്നു. ജൂലൈ 7 ന് പോക്കോ എം 2 പ്രോ ഇന്ത്യയിൽ ഔദ്യോഗികമായി അവതരിപ്പിക്കും.

ട്വിറ്റർ വഴി കമ്പനി ഈ വാർത്ത സ്ഥിരീകരിച്ചു. ഏറ്റവും പുതിയ പോക്കോ ഫോൺ ഫ്ലിപ്പ്കാർട്ട് വഴി വാങ്ങാൻ ലഭ്യമാണ്. ചൈനീസ് ബ്രാൻഡും ഈ സ്മാർട്ഫോണിന്റെ ഒരു ചിത്രം ഇതിനോടകം പങ്കിട്ടു. ക്വാഡ് റിയർ ക്യാമറ സജ്ജീകരണത്തോടെ പുതിയ പോക്കോ ഫോൺ അവതരിപ്പിക്കുമെന്ന് ഇത് വ്യക്തമായി കാണിക്കുന്നു. ഈ പുതിയ സ്മാർട്ഫോണുമായി ബന്ധപ്പെട്ട് കമ്പനി മറ്റ് വിശദാംശങ്ങളൊന്നും വ്യക്തമാക്കിയിട്ടില്ല. വേഗത്തിലുള്ള ചാർജിംഗിനായി പോക്കോ എം 2 പ്രോ പിന്തുണ നൽകുമെന്ന് ഫ്ലിപ്കാർട്ട് ലിസ്റ്റിംഗ് സൂചിപ്പിക്കുന്നു.