ഷവോമിയുടെ റെഡ്മി 9 എ, റെഡ്മി 9 പവർ സ്മാർട്ഫോണുകൾക്ക് വില വർദ്ധിപ്പിച്ചു

ഷവോമി റെഡ്മി 9എ, റെഡ്മി 9 പവർ സ്മാർട്ഫോണുകൾക്ക് ഇന്ത്യയിൽ വരുന്ന വില

റെഡ്മി 9 എയ്ക്ക് 300 രൂപയാണ് വർദ്ധിപ്പിച്ചിരിക്കുന്ന വില. 3 ജിബി റാം + 32 ജിബി സ്റ്റോറേജ് ഓപ്ഷന് 7,499 രൂപയാണ് വിൽപ്പനയ്ക്ക് നൽകിയിരുന്നത്. എന്നാൽ, ഇപ്പോൾ ഈ സ്മാർട്ഫോണിന് 7,799 രൂപയാണ് വരുന്ന പുതിയ വില. നേച്ചർ ഗ്രീൻ, സീ ഗ്രീൻ, മിഡ്‌നൈറ്റ് ബ്ലാക്ക് തുടങ്ങിയ കളർ ഓപ്ഷനുകളിൽ ഈ ഹാൻഡ്‌സെറ്റ് വിപണിയിൽ നിന്നും നിങ്ങൾക്ക് ലഭിക്കും. റെഡ്മി 9 പവറിൻറെ 6 ജിബി റാമും 128 ജിബി സ്റ്റോറേജ് വേരിയന്റിനും 500 രൂപ വില വർദ്ധിപ്പിച്ചു. ഈ മോഡൽ ഇപ്പോൾ 12,999 രൂപയ്ക്ക് പകരം 13,499 രൂപയ്ക്കായിരിക്കും വിൽപ്പന നടത്തുന്നത്. മൈറ്റി ബ്ലാക്ക്, ഫിയറി റെഡ്, ഇലക്ട്രിക് ഗ്രീൻ, ബ്ലേസിംഗ് ബ്ലൂ നിറങ്ങളിൽ ഈ മോഡൽ ലഭ്യമാണ്. ഓൺലൈനിലും ഇന്ത്യയിൽ ബ്രിക്ക്, മോർട്ടാർ സ്റ്റോറുകളിലും ഇന്ന് മുതൽ പുതിയ വിലകൾ പ്രാബല്യത്തിൽ വരും.

പുതിയ വിലവർദ്ധനവ് ഉണ്ടായിട്ടും റെഡ്മി 9 എ, റെഡ്മി 9 പവർ വാങ്ങുന്നത് ഒരു മികച്ച ഓപ്ഷനാണോ?

എച്ച്ഡി + റെസല്യൂഷനോടുകൂടിയ 6.53 ഇഞ്ച് എൽസിഡി ഡിസ്‌പ്ലേയും സെൽഫി ക്യാമറയ്‌ക്കായി വാട്ടർ ഡ്രോപ്പ് നോച്ചും ഈ ഹാൻഡ്‌സെറ്റിൽ നൽകിയിട്ടുണ്ട്. 13 എംപി എഐ പിൻ ക്യാമറയും 5 എംപി സെൽഫി ക്യാമറയും റെഡ്മി 9 എയുടെ ഒപ്റ്റിക്‌സിൽ ഉൾപ്പെടുന്നു. സ്റ്റാൻഡേർഡ് ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയിലാണ് ഇതിൽ ഉൾപ്പെടുത്തിയിരിക്കുന്നത്. റെഡ്മി 9 പവറിന് മികച്ച സവിശേഷതകളാണ് നൽകിയിട്ടുള്ളത്. 6 ജിബി റാമും 128 ജിബി സ്റ്റോറേജും ചേർന്ന സ്നാപ്ഡ്രാഗൺ 662 SoC പ്രോസസറാണ് മികച്ച പ്രവർത്തനക്ഷമത നൽകുന്നത്. 48 എംപി മെയിൻ ലെൻസും 8 എംപി വൈഡ് ആംഗിൾ ലെൻസും ഉൾപ്പെടെ ക്വാഡ് റിയർ ക്യാമറ സംവിധാനമാണ് ഈ ഹാൻഡ്‌സെറ്റിലുള്ളത്. ഒരു ജോഡി 2 എംപി സെൻസറുകളും ഉണ്ട്. ഈ വേരിയന്റിന് 18W ഫാസ്റ്റ് ചാർജിംഗ് സപ്പോർട്ടുള്ള 6,000 എംഎഎച്ച് ബാറ്ററിയുമുണ്ട്.

ഈ രണ്ട് സ്മാർട്ഫോണുകളും നൽകിയിട്ടുള്ള വിലയ്ക്ക് മികച്ച ഹാർഡ്‌വെയറുകളുമായി വരുന്നു. എന്നാൽ, ഏറ്റവും പുതിയ വിലവർദ്ധനവ് ഉപയോക്താക്കൾക്കിടയിലെ ജനപ്രീതിയെ ബാധിച്ചേക്കാം. വില ഗണ്യമായി വർദ്ധിക്കുന്നില്ലെങ്കിലും ബജറ്റ് വിഭാഗത്തിൽ വരുന്ന വിലയിൽ ഒരു ചെറിയ വ്യത്യാസം മാത്രമേ ഉണ്ടാകുന്നുള്ളൂ.