റെഡ്മി 9 ഐ ഇന്ന് ഉച്ചയ്ക്ക് 12 മണിക്ക് ഇന്ത്യയിൽ വിൽപ്പനയ്ക്കെത്തും: വില, സവിശേഷതകൾ

മൂന്ന് കളർ ഓപ്ഷനുകളിലാണ് റെഡ്മി 9 ഐ ഒരു എൻട്രി ലെവൽ ഹാൻഡ്‌സെറ്റ് വരുന്നത്. യഥാർത്ഥത്തിൽ റെഡ്മി 9 എയുടെ റീബ്രാൻഡഡ്‌ പതിപ്പാണ് റെഡ്മി റെഡ്മി 9 ഐ. ഷവോമിയുടെ റെഡ്മി 9 സീരീസിലേക്കുള്ള പുതിയ പ്രവേശനമായാണ് റെഡ്മി 9 ഐ ഇന്ത്യയിൽ അവതരിപ്പിച്ചത്.

ഇന്ത്യയിൽ റെഡ്മി 9 ഐ: വില, ലഭ്യത

4 ജിബി റാം + 64 ജിബി ഓൺബോർഡ് സ്റ്റോറേജ്, 4 ജിബി റാം + 128 ജിബി ഓൺബോർഡ് സ്റ്റോറേജ് എന്നിങ്ങനെ രണ്ട് പതിപ്പുകളിൽ വിപണയിൽ വരുന്ന റെഡ്മി 9 ഐയ്ക്ക് യഥാക്രമം 8,299 രൂപയും, 9,299 രൂപയും ആണ് വില വരുന്നത്. റെഡ്മി 9 ഐ ഇന്ന് ഉച്ചയ്ക്ക് 12 മണിക്ക്ഫ്ലി പ്പ്കാർട്ട്, എംഐ.കോം, എംഐ.ഹോം സ്റ്റോറുകൾ വഴി വിൽപ്പനയ്‌ക്കെത്തും. റെഡ്മി 9 എയ്ക്ക് സമാനമായി മിഡ്‌നൈറ്റ് ബ്ലാക്ക്, നേച്ചർ ഗ്രീൻ, സീ ബ്ലൂ എന്നിങ്ങനെ 3 നിറങ്ങളിലാണ് റെഡ്മി 9 ഐയും വില്പനക്കെത്തുന്നത്.

റെഡ്മി 9 ഐ: സവിശേഷതകൾ

ആൻഡ്രോയിഡ് 10 അധിഷ്ഠിത എംഐയുഐ 12 ഓപ്പറേറ്റിംഗ് സിസ്റ്റത്തിലാണ് ഈ ഹാൻഡ്‌സെറ്റ് പ്രവർത്തിക്കുന്നത്. എംഐയുഐയുടെ ഏറ്റവും പുതിയ പതിപ്പാണ് ഇത്. ഡ്യുവൽ സിമ്മിൽ വരുന്ന റെഡ്മി 9 ഐയ്ക്ക് 19.5:9 ആസ്പെക്ട് റേഷ്യോയുള്ള 6.53 ഇഞ്ച് എച്ച്ഡി+ (720x1,600 പിക്‌സൽ) എൽസിഡി ഡിസ്‌പ്ലേയ്ക്ക് 270 നിറ്റ്സ് ബ്രൈറ്റ്നെസ്സുണ്ട്. ഒക്ടകോർ മീഡിയടെക് ഹെലിയോ ജി 25 SoC പ്രോസസറാണ് ഈ ഡിവൈസിന് കരുത്ത് നൽകുന്നത്. എഫ്/2.2 അപർച്ചർ വരുന്ന 13 മെഗാപിക്സൽ പിൻ ക്യാമറയും, 5 മെഗാപിക്സൽ സെൽഫി ക്യാമറയും റെഡ്മി 9 ഐയ്ക്കുണ്ട്.

128 ജിബി വരെയുള്ള ഈ ഡിവൈസിൻറെ ഇന്റെർണൽ സ്റ്റോറേജ് ഒരു മൈക്രോ എസ്ഡി കാർഡിന്റെ സഹായത്തോടെ 512 ജിബി വരെയായി വിപുലീകരിക്കാവുന്നതാണ്. 10W ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററിയാണ് റെഡ്മി 9 ഐയ്ക്ക് കമ്പനി നൽകിയിരിക്കുന്നത്. 4G വോൾട്ടേ, വൈ-ഫൈ 802.11 802.11 ബി/ജി/എൻ, ബ്ലൂടൂത്ത് 5, ജിപിഎസ്, യുഎസ്ബി ടൈപ്പ്-സി എന്നിവയാണ് കണക്ടിവിറ്റി ഓപ്ഷനുകളിൽ വരുന്നത്.

സ്‌ക്രീനിന്റെ വലതുവശത്തായി ഫിസിക്കൽ ബട്ടണുകളും നൽകിയിട്ടുണ്ട്. 5,000 എംഎഎച്ച് ബാറ്ററി ചാർജ് ചെയ്യാനായി യുഎസ്ബി ടൈപ്പ്-സി പോർട്ടാണ് ഡിവൈസിൽ വരുന്നത്. ടിയുവി സർട്ടിഫിക്കേഷനും പി 2 ഐ കോട്ടിങ്ങുമായാണ് റെഡ്മി 9 ഐ അവതരിപ്പിച്ചിരിക്കുന്നത്. ഓൺ‌ബോർഡിലെ സെൻസറുകളിൽ ഒരു ഗൈറോ സെൻസർ, പ്രോക്‌സിമിറ്റി സെൻസർ, ആംബിയന്റ് ലൈറ്റ് സെൻസർ, ഇ-കോമ്പസ് എന്നിവ ഉൾപ്പെടുന്നു.