റെഡ്മി 9 ടി സ്മാർട്ഫോൺ ഷവോമി ഉടൻ അവതരിപ്പിക്കുമെന്ന് റിപ്പോർട്ട്: പ്രതീക്ഷിക്കുന്ന സവിശേഷതകൾ

റെഡ്മി 9 ടി (Redmi 9T) ഉടൻ തന്നെ വിപണിയിൽ അവതരിപ്പിക്കുമെന്ന് അഭ്യൂഹങ്ങൾ. ഈ സ്മാർട്ട്‌ഫോണിനെക്കുറിച്ചുള്ള കൂടുതൽ വിശദാംശങ്ങൾ അറിയില്ലെങ്കിലും, കമ്പനിയുടെ ഹോം മാർക്കറ്റ് ചൈനയിലും ഇന്ത്യയിൽ ലഭ്യമായ റെഡ്മി 9 പവറിലും ഇതിനകം ഔദ്യോഗികമായ റെഡ്മി നോട്ട് 9 4 ജിയുടെ റീബ്രാൻഡഡ് എഡിഷനായിരിക്കുമെന്ന് റിപ്പോർട്ടിൽ പറയുന്നു.

റെഡ്മി 9 ടി കൂടാതെ ആഗോള വിപണിയിൽ കുറഞ്ഞത് ഒമ്പത് പുതിയ സ്മാർട്ട്‌ഫോണുകൾ അവതരിപ്പിക്കുവാൻ കമ്പനി പ്രവർത്തിക്കുന്നുണ്ടെന്ന് ഊഹിക്കപ്പെടുന്നു. ഈ വരാനിരിക്കുന്ന സ്മാർട്ഫോണുകളിൽ ഷവോമി എംഐ 11 ലൈറ്റ് 4ജിയും ഉൾപ്പെടുന്നു. ഈ വർഷം ആദ്യം പുതിയ ഹാൻഡ്‌സെറ്റ് വിപണിയിലെത്താൻ സാധ്യതയുണ്ട്.

റെഡ്മി 9 ടി ലോഞ്ച് തീയതി

സ്നാപ്ഡ്രാഗൺ 888 5 ജി (@chunvn8888) എന്ന ഓമനപ്പേരുള്ള ടിപ്പ്സ്റ്റർ റെഡ്മി 9 ടി വരും ദിവസങ്ങളിൽ വിപണിയിലെത്തിക്കുമെന്ന് ട്വീറ്റ് ചെയ്തു. ഈ സ്മാർട്ട്‌ഫോൺ ജനുവരി ആദ്യം മലേഷ്യയിൽ അവതരിപ്പിച്ചതായി പറയുന്നു. കൃത്യമായി പറഞ്ഞാൽ, ഈ പുതിയ സ്മാർട്ഫോൺ 2021 ജനുവരി 8 ലോഞ്ച് ചെയ്യും. 2021 ന്റെ തുടക്കത്തിൽ ഒൻപത് സ്മാർട്ട്‌ഫോണുകൾ ആഗോള വിപണിയിൽ വിപണിയിലെത്തിക്കാൻ ഷവോമി പദ്ധതിയിട്ടിരിക്കുകയാണെന്നും ടിപ്പ്സ്റ്റർ ട്വീറ്റ് ചെയ്തു. ഇതിൽ റെഡ്മി നോട്ട് 9 ടി, എംഐ 11 ലൈറ്റ് 4 ജി, എംഐ 11 എന്നിവ ഉൾപ്പെടാൻ സാധ്യതയുണ്ട്. എന്നാൽ, കമ്പനി ഔദ്യോഗിക സ്ഥിരീകരണമൊന്നും ഇതുവരെ നടത്തിയിട്ടില്ല.

റെഡ്മി 9 ടി: പ്രതീക്ഷിക്കുന്ന സവിശേഷതകൾ

റെഡ്മി 9 ടി ഇതിനകം തന്നെ തായ്‌ലാൻഡിന്റെ എൻ‌ബി‌ടി‌സി സർ‌ട്ടിഫിക്കേഷൻ‌ ഡാറ്റാബേസ് സാക്ഷ്യപ്പെടുത്തി. അതേപോലെ തന്നെ, സ്മാർട്ട്‌ഫോൺ M2020J19ST എന്ന മോഡൽ നമ്പറുമായി വരുന്നതായി പറയുന്നു. റെഡ്മി നോട്ട് 9 4 ജി, റെഡ്മി 9 പവർ എന്നിവയുടെ പുനർനാമകരണം ചെയ്ത എഡിഷനാണെന്ന് വിശ്വസിക്കപ്പെടുന്നതിനാൽ റെഡ്മി 9 ടിയുടെ ഏതാനും സവിശേഷതകൾ നിലവിൽ ലഭ്യമാണ്.

റെഡ്മി 9 ടിക്ക് 6.53 ഇഞ്ച് എഫ്എച്ച്ഡി + ഡിസ്പ്ലേ, 4 ജിബി റാമും 128 ജിബി വരെ സ്റ്റോറേജുമായി ജോടിയാക്കിയ ഒക്ടാകോർ സ്നാപ്ഡ്രാഗൺ 662 SoC പ്രോസസർ വരുന്നു. സ്മാർട്ട്‌ഫോണിന്റെ മറ്റ് വശങ്ങൾ റെഡ്മി 9 പവറിന് സമാനമായിരിക്കും.