ഡൈമെൻസിറ്റി 1200 SoC പ്രോസസറുമായി വരുന്ന റെഡ്‌മി ഗെയിമിംഗ് സ്മാർട്ട്‌ഫോൺ ഈ മാസം അവതരിപ്പിച്ചേക്കും

റെഡ്മി ഗെയിമിംഗ് സ്മാർട്ട്ഫോൺ വിശദാംശങ്ങൾ

ഡൈമെൻസിറ്റി 1200 ചിപ്‌സെറ്റ് വരുന്ന റെഡ്മി ഗെയിമിംഗ് സ്മാർട്ട്‌ഫോണിന് മോഡൽ നമ്പർ M2104K10C നൽകിയേക്കുമെന്ന് മുൻപ് പ്രസിദ്ധപ്പെടുത്തിയ റിപ്പോർട്ടുകൾ വെളിപ്പെടുത്തിയിട്ടുണ്ട്. ചൈനയിലെ ടെന, 3 സി സർട്ടിഫിക്കേഷൻ ഡാറ്റാബേസുകളിൽ ഈ ഹാൻഡ്‌സെറ്റ് ഇതിനകം കണ്ടെത്തിയിട്ടുണ്ട്. ഇത് കാർഡുകളിൽ ഉണ്ടാകാമെന്ന് സൂചന നൽകുന്നു. മോഡൽ നമ്പറിനുപുറമെ, ഈ ഹാൻഡ്‌സെറ്റിന് 'ആരെസ്' എന്ന രഹസ്യനാമം നൽകാമെന്നും വെളിപ്പെടുത്തിയിട്ടുണ്ട്.

64 എംപി പ്രൈമറി സോണി ഐ‌എം‌എക്സ് 686 ക്യാമറ സെൻസറുള്ള ക്വാഡ് ക്യാമറ സെറ്റപ്പ് ഇതിൽ വരുവാനുള്ള സാധ്യതയുണ്ട്. നിലവിലെ കണക്കനുസരിച്ച്, വരാനിരിക്കുന്ന റെഡ്മി സ്മാർട്ട്‌ഫോണിൻറെ മറ്റ് സവിശേഷതകളെക്കുറിച്ച് കൂടുതൽ വിവരങ്ങൾ ഒന്നുംതന്നെ ഇതുവരെ ലഭ്യമായിട്ടില്ല. ചൈനയിൽ 1799 യുവാൻ (ഏകദേശം 16,000 രൂപ) മുതൽ റിയൽ‌മി നിയോ ജിടിയുടെ വില വരുന്നു. ഡൈമെൻസിറ്റി 1200 പ്രോസസറുള്ള റെഡ്മി ഗെയിമിംഗ് സ്മാർട്ട്‌ഫോൺ വിപണിയിൽ ഇതിന് നേരിട്ടുള്ള ഒരു എതിരാളിയാകുമെന്ന് സൂചനയുള്ളതിനാൽ ഇതിന് സമാനമായ വിലയും പ്രതീക്ഷിക്കാവുന്നതാണ്.

റെഡ്മി ഗെയിമിംഗ് ഫോൺ ഇന്ത്യൻ വേരിയൻറ്

ഇതിനിടയിൽ, ഡൈമെൻസിറ്റി 1200 പ്രോസസറുള്ള റെഡ്മി ഗെയിമിംഗ് സ്മാർട്ട്‌ഫോണിന്റെ ഇന്ത്യൻ വേരിയൻറ് IM2I ഡാറ്റാബേസിൽ M2104K10I എന്ന മോഡൽ നമ്പറിനൊപ്പം കണ്ടെത്തിയിട്ടുണ്ട്. കൂടാതെ, പോക്കോ ബ്രാൻഡിംഗ് ഉപയോഗിച്ച്ഈ സ്മാർട്ട്‌ഫോൺ ഇന്ത്യയിൽ അവതരിപ്പിക്കുമെന്ന് ലിസ്റ്റിംഗ് വെളിപ്പെടുത്തിയിട്ടുണ്ട്. എന്നാൽ, ഇത് സംബന്ധിച്ച് ഔദ്യോഗിക സ്ഥിരീകരണമൊന്നും കമ്പനി ഇതുവരെ നൽകിയിട്ടില്ല. ഡൈമെൻസിറ്റി 1200 SoC പ്രോസസർ സ്നാപ്ഡ്രാഗൺ 870 SoC പ്രോസസറിന് സമാനമായ ഒരു മുൻനിര ഗ്രേഡ് പ്രകടനം നൽകുമെന്ന് പറയുന്നു. പോക്കോ എഫ് മുൻനിര സീരീസിൽ ഈ സ്മാർട്ട്‌ഫോൺ അവതരിപ്പിക്കുമെന്നും വർത്തമാനമുണ്ട്.

ഡൈമെൻസിറ്റി 1200 SoC പ്രോസസറുള്ള റെഡ്മി ഗെയിമിംഗ് ഫോൺ

എന്നാൽ, ഈ സ്മാർട്ട്‌ഫോൺ ഇനിയും സ്ഥിരീകരിക്കപ്പെട്ടിട്ടില്ലാത്തതിനാൽ ഇതുവരെ ഒരു നിഗമനത്തിലെത്തുവാൻ കഴിയില്ല, മാത്രമല്ല റെഡ്മിയിൽ നിന്നോ പോക്കോയിൽ നിന്നോ ഇത് ഇന്ത്യയിലേക്ക് വരുമ്പോൾ റീബ്രാൻഡ് ചെയ്യുമോ എന്ന വസ്തുതയും അറിയാൻ കാത്തിരിക്കേണ്ടതുണ്ട്. എന്തുതന്നെ ആയാലും ഈ ഹാൻഡ്സെറ്റിനെ കുറിച്ച് അധികം വൈകാതെ തന്നെ കൂടുതൽ വിശദാംശങ്ങൾ നിങ്ങൾക്ക് അറിയുവാൻ സാധിക്കുന്നതാണ്.