റെഡ്മി നോട്ട് 10, റെഡ്മി നോട്ട് 10 പ്രോ, റെഡ്മി നോട്ട് 10 പ്രോ മാക്സ് ഉടനെ അവതരിപ്പിക്കും

മാർച്ച് 4 ന് നടക്കുന്ന ഷവോമിയുടെ ഗ്ലോബൽ ലോഞ്ച് പരിപാടി എങ്ങനെ കാണാനാകും?

റെഡ്മി നോട്ട് 10 സീരീസ് ഗ്ലോബൽ ലോഞ്ച് പരിപാടി ഔദ്യോഗിക വെബ്സൈറ്റ്, യൂട്യൂബ് ചാനൽ, ട്വിറ്റർ, ഫേസ്ബുക്ക് ഉൾപ്പെടെയുള്ള സാമൂഹ്യമാധ്യമ ചാനലുകളിൽ തത്സമയം സംപ്രേഷണം ചെയ്യും. എന്നാൽ, ലോഞ്ച് സമയം ഇതുവരെ വെളിപ്പെടുത്തിയിട്ടില്ല. ഔദ്യോഗിക ലോഞ്ചിന് മുന്നോടിയായി വരാനിരിക്കുന്ന റെഡ്മി സ്മാർട്ട്ഫോൺ സീരീസിനെക്കുറിച്ച് ധാരാളം കാര്യങ്ങൾ വെളിപ്പെടുത്തിയിട്ടുണ്ട്. റെഡ്മി 10 സീരീസിൻറെ ഗ്ലോബൽ ലോഞ്ച് ഇവന്റുമായി ബന്ധപ്പെട്ട കൂടുതൽ വിവരങ്ങൾക്ക് ഇവിടെ നമുക്ക് വിശദമായി പരിശോധിക്കാം.

റെഡ്മി നോട്ട് 10: ഇന്ത്യയിൽ പ്രതീക്ഷിക്കുന്ന വില, സവിശേഷതകൾ

റെഡ്മി നോട്ട് 10 സീരീസിൻറെ അടിസ്ഥാന മോഡൽ കഴിഞ്ഞ വർഷം അവതരിപ്പിച്ച റെഡ്മി നോട്ട് 9 ന് ശേഷം വരുന്നതാണ്. റെഡ്മി നോട്ട് 10 മോഡൽ നമ്പർ M2101K7A യുമായി വരും. ഐ‌പി‌എസ് ഡിസ്‌പ്ലേ, ക്വാൽകോം സ്‌നാപ്ഡ്രാഗൺ 678 SoC പ്രോസസർ, 48 മെഗാപിക്സൽ ക്വാഡ് ക്യാമറ സെറ്റപ്പ്, 6 ജിബി റാം, 128 ജിബി ഇന്റേണൽ സ്റ്റോറേജ് എന്നിവ ഫോണിൽ ഉണ്ടായിരിക്കുമെന്ന അഭ്യൂഹങ്ങളും ലീക്കുകളും സൂചിപ്പിക്കുന്നു. 4 ജി, 5 ജി മോഡൽ ഉണ്ടായിരിക്കുമെന്ന് മുമ്പത്തെ ലീക്കുകൾ സൂചിപ്പിച്ചിരുന്നു.

4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് മോഡലുകളിലാണ് ഈ സ്മാർട്ട്‌ഫോൺ വരുന്നത്. റെഡ്മി നോട്ട് 10 അക്വാ ഗ്രീൻ, ഫ്രോസ്റ്റ് വൈറ്റ്, ലേക്ക് ഗ്രീൻ, പെബിൾ വൈറ്റ്, ഷാഡോ ബ്ലാക്ക് കളർ ഓപ്ഷനുകളിൽ ലഭ്യമാകുമെന്ന് പറയപ്പെടുന്നു. അപ്പോൾ, റെഡ്മി നോട്ട് 10 ന്റെ വില എത്രയായിരിക്കും? ഇത് റെഡ്മി നോട്ട് 9 ന് വരുന്ന അതേ വിലയായിരിക്കുമെന്ന് സംസാരമുണ്ട്. ഇതിനർത്ഥം, ഈ ഫോണിന് ഇന്ത്യയിൽ 10,000 മുതൽ 12,000 രൂപ വരെ വില നൽകിയേക്കുമെന്നാണ്.

റെഡ്മി നോട്ട് 10 പ്രോ: പ്രതീക്ഷിക്കുന്ന വില, സവിശേഷതകൾ

റെഡ്മി നോട്ട് 10 പ്രോയിൽ 120 ഹെർട്സ് ഐപിഎസ് ഡിസ്‌പ്ലേ, 5,050 എംഎഎച്ച് ബാറ്ററി, ക്വാൽകോം സ്‌നാപ്ഡ്രാഗൺ 732 ജി SoC, 64 മെഗാപിക്സൽ ക്വാഡ് ക്യാമറ സെറ്റപ്പ്, 8 ജിബി റാം, 128 ജിബി ഇന്റേണൽ സ്റ്റോറേജ് എന്നിവ ഉൾപ്പെടുമെന്നാണ് അഭ്യൂഹങ്ങൾ. 6 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ്, 8 ജിബി റാം + 128 ജിബി സ്റ്റോറേജ് എന്നിങ്ങനെ മൂന്ന് മോഡലുകളിലാണ് ഈ സ്മാർട്ട്ഫോൺ വിപണിയിൽ വരുന്നത്.

ഡാർക്ക് നൈറ്റ്, ഗ്ലേസിയർ ബ്ലൂ, ഗ്രേഡിയന്റ് വെങ്കലം, വിന്റേജ് വെങ്കലം, ഫീനിക്സ് ഗ്രേ എന്നിവ കളർ ഓപ്ഷനുകളിൽ വരുന്നു. റെഡ്മി നോട്ട് 10 പ്രോയ്ക്ക് റെഡ്മി നോട്ട് 10 പ്രോ തുല്യമാകുമെന്ന് പറയുന്നുണ്ട്. ഇതിനർത്ഥം, ഈ സ്മാർട്ട്ഫോണിന് ഇന്ത്യയിൽ 12,000 മുതൽ 15,000 രൂപ വരെ വില വന്നേക്കുമെന്നാണ്. ഈ മോഡൽ 4 ജി, 5 ജി മോഡലുകളിൽ ലഭ്യമാകുമെന്നും വാർത്തയുണ്ട്.

റെഡ്മി നോട്ട് 10 പ്രോ മാക്സ്: പ്രതീക്ഷിക്കുന്ന വില, സവിശേഷതകൾ

റെഡ്മി നോട്ട് 10 ൻറെ ബേസിക് എഡിഷനായിരിക്കും ഇത്. മോഡൽ നമ്പർ M2101K6I, ഐ‌പി‌എസ് 120 ഹെർട്സ് ഡിസ്‌പ്ലേ, ക്വാൽകോം സ്‌നാപ്ഡ്രാഗൺ 768 ജി SoC പ്രോസസർ, 108 മെഗാപിക്സൽ പ്രൈമറി സെൻസർ, 5050 എംഎഎച്ച് ബാറ്ററി, 8 ജിബി റാം വരെ, 128 ജിബി ഇന്റേണൽ സ്റ്റോറേജ്. 6 ജിബി റാം + 128 ജിബി സ്റ്റോറേജ്, 8 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് വേരിയന്റുകളിൽ ഈ സ്മാർട്ട്ഫോൺ ലഭ്യമാകുമെന്ന് പറയുന്നു.

ഡാർക്ക് നൈറ്റ്, ഗ്ലേസിയർ ബ്ലൂ, ഗ്രേഡിയന്റ് ബ്രോൺസ്, വിന്റേജ് ബ്രോൺസ്, ഫീനിക്സ് ഗ്രേ എന്നീ നാല് കളർ ഓപ്ഷനുകളിലാണ് ഈ സ്മാർട്ട്ഫോൺ വരുന്നത്. റെഡ്മി നോട്ട് 10 പ്രോ മാക്സ് റെഡ്മി നോട്ട് 9 പ്രോ മാക്സുമായി തുല്യമാകുമെന്ന് പ്രതീക്ഷിക്കുന്നു. ഇതിനർത്ഥം, ഈ സ്മാർട്ട്ഫോണിന്റെ വില 15,000 മുതൽ 20,000 രൂപ വരെ ആയിരിക്കുമെന്നാണ്. ഈ മോഡലും 4 ജി, 5 ജി മോഡലുകളിൽ ലഭ്യമാകുമെന്ന് പറയുന്നു.