ഡിസ്കൗണ്ട് ഓഫറുകളുമായി റെഡ്‌മി നോട്ട് 10 സീരീസ് ഫ്ലാഷ് സെയിൽ ഇന്ന് ഇന്ത്യയിൽ ആരംഭിക്കും

റെഡ്മി നോട്ട് 10: ഇന്ത്യയിലെ വില

റെഡ്മി നോട്ട് 10 ബേസിക് മോഡൽ രണ്ട് വേരിയന്റുകളിലാണ് വരുന്നത്. ബേസിക് മോഡലിൽ 4 ജിബി റാമും 64 ജിബി സ്റ്റോറേജ് മോഡലുകളും ഉൾപ്പെടുന്നു. ഇതിന് 11,999 രൂപയാണ് ഇപ്പോൾ നൽകിയിരിക്കുന്ന വില. 6 ജിബി റാമും 128 ജിബി സ്റ്റോറേജുമുള്ള ഈ സ്മാർട്ട്‌ഫോണിന്റെ ടോപ്പ് എൻഡ് മോഡലിന് 13,999 രൂപയാണ് വില വരുന്നത്.

റെഡ്മി നോട്ട് 10 പ്രോ: ഇന്ത്യയിലെ വില

മൂന്ന് വേരിയന്റുകളിലാണ് റെഡ്മി നോട്ട് 10 പ്രോ വരുന്നത്. ബേസിക് മോഡലിൽ 6 ജിബി റാമും 64 ജിബി ഇന്റേണൽ സ്റ്റോറേജും ഉൾപ്പെടുന്നു, രണ്ടാമത്തെ മോഡലിന് 6 ജിബി റാം + 128 ജിബി സ്റ്റോറേജും, ടോപ്പ് എൻഡ് മോഡലിന് 8 ജിബി റാം + 128 ജിബി സ്റ്റോറേജുണ്ട്. 6 ജിബി റാം / 64 ജിബി സ്റ്റോറേജ് മോഡൽ 15,999 രൂപയ്ക്കും, 6 ജിബി റാം / 128 ജിബി സ്റ്റോറേജ് 16,999 രൂപയ്ക്കും, 8 ജിബി റാം / 128 ജിബി സ്റ്റോറേജ് 18,999 രൂപയ്ക്കും വിൽപ്പന നടത്തുന്നു.

റെഡ്മി നോട്ട് 10 പ്രോ മാക്‌സ്: ഇന്ത്യയിലെ വില

റെഡ്മി നോട്ട് 10 പ്രോ മാക്സും മൂന്ന് വേരിയന്റുകളിൽ വിപണിയിൽ വരുന്നു. ഈ ഹാൻഡ്‌സെറ്റിൻറെ ബേസിക് 6 ജിബി റാം + 64 ജിബി സ്റ്റോറേജ് മോഡലിന് 18,999 രൂപയാണ് വില നൽകിയിട്ടുള്ളത്. 6 ജിബി റാം + 128 ജിബി സ്റ്റോറേജ് മോഡലിന് 19,999 രൂപയും, 8 ജിബി റാം + 128 ജിബി സ്റ്റോറേജ് മോഡലിന് 21,999 രൂപയുമാണ് വില വരുന്നത്.

റെഡ്മി നോട്ട് 10 സീരീസ്: ഡിസ്‌കൗണ്ട് ഓഫറുകൾ

റെഡ്മി നോട്ട് 10 സീരീസിനായി ഷവോമി ഐസിഐസിഐ ബാങ്കുമായി സഹകരിച്ച് ഐസിഐസിഐ ബാങ്ക് ക്രെഡിറ്റ് കാർഡുകൾ വഴിയുള്ള വാങ്ങലുകൾക്കും ഇഎംഐ ഇടപാടുകൾക്കും 1,500 രൂപ കിഴിവ് നൽകുന്നുണ്ട്. ആമസോൺ വഴിയുള്ള ഓൺലൈൻ വാങ്ങലുകൾക്ക് മാത്രമേ ഈ ഓഫർ ബാധകമാകൂകയുള്ളു.