റെഡ്മി നോട്ട് 10 എസ് സ്റ്റാർലൈറ്റ് പർപ്പിൾ വേരിയന്റ് ഉടൻ ഇന്ത്യയിലേക്ക് വരുന്നു

ഇന്ത്യയിൽ റെഡ്മി നോട്ട് 10 സ്മാർട്ട്ഫോണുകൾ ഷവോമി അവതരിപ്പിച്ചയുടനെ ഈ സീരിസിലെ മറ്റൊരു മോഡലായി റെഡ്മി നോട്ട് 10 എസ് വരുന്നു. ഷാഡോ ബ്ലാക്ക്, ഫ്രോസ്റ്റ് വൈറ്റ്, ഡീപ് സീ ബ്ലൂ എന്നിങ്ങനെ മൂന്ന് നിറങ്ങളിലാണ് ഈ സ്മാർട്ട്ഫോൺ വിപണിയിൽ പുറത്തിറക്കിയത്. ഇവയ്‌ക്ക് പുറമേ, ഇപ്പോൾ ഒരു പുതിയ കളർ വേരിയന്റും ലഭിക്കുന്നു. ഇപ്പോൾ, സ്റ്റാർലൈറ്റ് പർപ്പിൾ എന്ന് വിളിക്കപ്പെടുന്ന ഒരു പുതിയ കളർ വേരിയൻറ് കൊണ്ടുവരാൻ ഈ ബ്രാൻഡ് തയ്യാറെടുക്കുന്നു. വരാനിരിക്കുന്ന ഈ പുതിയ വേരിയന്റിൻറെ ടീസർ പങ്കിടാൻ ഷവോമി ഗ്ലോബൽ ട്വിറ്റർ പേജ് സന്ദർശിക്കുകയുണ്ടായി. എന്നാൽ, ഈ പുതിയ കളർ വേരിയന്റ് എപ്പോൾ അവതരിപ്പിക്കുമെന്നോ അല്ലെങ്കിൽ കൃത്യമായ ഒരു ലോഞ്ച് തീയതിയോ ഇതുവരെ വെളിപ്പെടുത്തിയിട്ടില്ല.

ഒരു പുതിയ കളർ വേരിയന്റിൽ റെഡ്മി നോട്ട് 10 എസ് വരുന്നു

ഡാർക്ക് പർപ്പിൾ മിക്സ് ലാവെൻഡറിൻറെ സൂചനകളോടെ സ്റ്റാർലൈറ്റ് പർപ്പിൾ ഹ്യൂ വരുന്നു. ഈ പുതിയ നിറത്തിലുള്ള റെഡ്മി നോട്ട് 10 എസ് ഉടൻ ആഗോള വിപണിയിൽ ലഭ്യമാകും. എന്നാൽ, ഇത് ഇന്ത്യയിൽ ലഭ്യമാകുമോ ഇല്ലയോ എന്നതിനെക്കുറിച്ച് ഇതുവരെ ഒരു വ്യക്തതയുമില്ല. ഇത് ഇന്ത്യൻ വിപണിയിൽ എത്തിയാൽ ഇതിന് മറ്റൊരു പേര് ഉണ്ടാകാനുള്ള സാധ്യതയുണ്ട്. എന്നാൽ, ഷവോമി മറ്റ് നിറങ്ങൾക്ക് ഇന്ത്യയിൽ വ്യത്യസ്തമായി പേര് നൽകി. സവിശേഷതകളിൽ മാറ്റമില്ലാതെ ഈ സ്മാർട്ട്ഫോണിന് പുതിയ കളർ വേരിയന്റ് മാത്രമേ ലഭിക്കൂ എന്നതും ശ്രദ്ധിക്കേണ്ടതാണ്.

റെഡ്മി നോട്ട് 10 എസ് പുതിയ കളർ വേരിയന്റിൻറെ സവിശേഷതകൾ

കളർ വേരിയന്റിന് പുറമെ, പുതിയ വേരിയന്റിൻറെ സവിശേഷതകൾ മറ്റ് കളർ വേരിയന്റുകളുമായി സാദൃശ്യമുണ്ടാകുമെന്ന് പ്രതീക്ഷിക്കുന്നു. 6.43 ഇഞ്ച് ഫുൾ എച്ച്ഡി + (1080 x 2400 പിക്‌സൽ) അമോലെഡ് ഡിസ്‌പ്ലേ, കോർണിംഗ് ഗോറില്ല ഗ്ലാസ് 3 സുരക്ഷാ, എസ്‌ജി‌എസ് ലോ ബ്ലൂ ലൈറ്റ് സർട്ടിഫിക്കേഷൻ എന്നിവ റെഡ്മി നോട്ട് 10 എസിനുണ്ട്. 6 ജിബി എൽപിഡിഡിആർ 4 എക്സ് റാമും 128 ജിബി വരെ യുഎഫ്എസ് 2.2 സ്റ്റോറേജുമായി ജോടിയാക്കിയ മീഡിയടെക് ഹീലിയോ ജി 95 SoC പ്രോസസാണ് ഈ സ്മാർട്ഫോണിന് കരുത്ത് പകരുന്നത്. 64 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ ലെൻസ്, 2 എംപി മാക്രോ ഷൂട്ടർ, 2 എംപി ഡെപ്ത് സെൻസർ എന്നിവ അടങ്ങിയ ക്വാഡ് റിയർ ക്യാമറ സംവിധാനവുമുണ്ട്. 13 എം‌പി ഫ്രണ്ട് ക്യാമറ സെൻസറാണ് ഈ സ്മാർട്ട്ഫോണിൻറെ മറ്റൊരു സവിശേഷത.

ടോപ് എംഐയുഐ 12.5 ആൻഡ്രോയ്‌ഡ് 11ൽ പ്രവർത്തിക്കുന്ന ഇതിന് 5,000 എംഎഎച്ച് ബാറ്ററിയും 33W ഫാസ്റ്റ് ചാർജിംഗ് സപ്പോർട്ടുമുണ്ട്. വാട്ടർ ആൻഡ് ഡസ്റ്റ് റെസിസ്റ്റൻസുള്ള ഐപി 53 സർട്ടിഫിക്കേഷൻ, ഹൈ-റെസ് ഓഡിയോ സർട്ടിഫിക്കേഷനോടുകൂടിയ ഡ്യൂവൽ സ്പീക്കറുകൾ, സൈഡ് മൗണ്ട് ചെയ്ത ഫിംഗർപ്രിന്റ് സ്കാനർ എന്നിവയാണ് മറ്റ് സവിശേഷതകൾ. ഈ ഹാൻഡ്‌സെറ്റ് 4 ജി, വൈ-ഫൈ, ജിപിഎസ്, ബ്ലൂടൂത്ത്, ഐആർ ബ്ലാസ്റ്റർ, എൻ‌എഫ്‌സി, കണക്റ്റിവിറ്റിക്കായി 3.5 എംഎം ഹെഡ്‌ഫോൺ ജാക്ക് സപ്പോർട്ട് ചെയ്യുന്നു.

ഇന്ത്യയിലേക്ക് ഈ പുതിയ കളർ വേരിയന്റ് വരുന്നുണ്ടോ?

പുതിയ കളർ വേരിയൻറ് ഇന്ത്യയിൽ എത്തുമോ ഇല്ലയോ എന്നതിനെക്കുറിച്ച് ഇപ്പോൾ ഒരു വിവരവുമില്ല. ഈ സ്മാർട്ട്‌ഫോൺ ഇന്ത്യയിൽ മെയ് മാസത്തിൽ അവതരിപ്പിച്ചു. ഈ സ്മാർട്ട്ഫോൺ നിലവിൽ രാജ്യത്ത് ഷാഡോ ബ്ലാക്ക്, ഫ്രോസ്റ്റ് വൈറ്റ്, ഡീപ് സീ ബ്ലൂ കളർ ഓപ്ഷനിൽ ലഭ്യമാണ്. അന്താരാഷ്ട്രതലത്തിൽ അവതരിപ്പിച്ചതിന് ശേഷം പുതിയ സ്റ്റാർലൈറ്റ് പർപ്പിൾ ഇന്ത്യയിലെത്തുമെന്ന് പറയുന്നു. എന്നാൽ, ബ്രാൻഡ് ഇതിനെ കുറിച്ചുള്ള കൂടുതൽ കാര്യങ്ങൾ പങ്കിടുന്നതുവരെ ഇത് വെറുമൊരു അഭ്യുഹമായി കണക്കാക്കിയാൽ മതിയാകും.

നോട്ട് 10 സീരീസിൽ നിന്നുള്ള ബജറ്റ് ഹാൻഡ്‌സെറ്റാണ് റെഡ്മി നോട്ട് 10 എസ്. അമോലെഡ് ഡിസ്പ്ലേ, ഗെയിമിംഗ് ഓറിയന്റഡ് പ്രോസസർ, 64 എംപി ക്വാഡ് ക്യാമറകൾ തുടങ്ങി ആകർഷകമായ സവിശേഷതകളാണ് ഈ സ്മാർട്ട്‌ഫോണിനെ മറ്റുള്ള ബജറ്റ് ഫോണുകളിൽ നിന്നും വ്യത്യസ്‍തമാക്കുന്നത്. എന്നാൽ, ഇത് ഉയർന്ന റിഫ്രഷ് റേറ്റ് ഒഴിവാക്കിയിരിക്കുന്നു, അതേസമയം നോട്ട് 10 പ്രോയ്ക്ക് 120Hz ഡിസ്പ്ലേയുണ്ട്.