റെഡ്‌മി നോട്ട് 10 എസ് സ്മാർട്ഫോൺ ഇന്ത്യയിൽ അവതരിപ്പിക്കുമെന്ന് വെളിപ്പെടുത്തി ടീസർ

റെഡ്മി ഇന്ത്യ ഇതുവരെ ഈ ഹാൻഡ്സെറ്റിൻറെ പേര് വെളിപ്പെടുത്തിയിട്ടില്ലെങ്കിലും ടീസർ റെഡ്മി നോട്ട് 10 എസിനെ കുറിച്ച് ധാരാളം സൂചനകൾ നൽകുന്നു. 120Hz ഡിസ്പ്ലേ, എംഐയുഐ 12.5, 64 മെഗാപിക്സൽ ക്യാമറ, വലിയ ബാറ്ററി, ഒരു ഹൈ-റെസ് ഓഡിയോ സർട്ടിഫിക്കേഷൻ തുടങ്ങിയ സവിശേഷതകളുമായി വരുമെന്ന് സൂചിപ്പിക്കുന്നു. "ഗെയിം-ഓൺ" ടാഗും ഒരു പ്രധാന സൂചനയാണ്. ഇന്ത്യയിലേക്ക് ഈ സ്മാർട്ഫോൺ നീല, വെള്ള, കറുപ്പ് എന്നിങ്ങനെ മൂന്ന് കളർ വേരിയന്റുകളിൽ വരുമെന്ന് കമ്പനി പറയുന്നു.

റെഡ്മി നോട്ട് 10 എസ് ഇന്ത്യയിൽ അവതരിപ്പിച്ചേക്കും

റെഡ്മി നോട്ട് 10 എസ് അടിസ്ഥാനപരമായി റെഡ്മി നോട്ട് 10 ന്റെ ബീഫ്ഡ് അപ്പ് എഡിഷനാണ്. സ്നാപ്ഡ്രാഗൺ 678 ചിപ്പിനുപകരം റെഡ്മി നോട്ട് 10 എസ് മീഡിയടെക് ഹീലിയോ ജി 95 ചിപ്പ് ഇതിൽ ഉപയോഗിച്ചിരിക്കുന്നു. റിയൽ‌മി 7, റിയൽ‌മി നർ‌സോ 20 പ്രോ തുടങ്ങിയ സ്മാർട്ട്ഫോണുകളിൽ‌ മുമ്പ്‌ കണ്ട അതേ ചിപ്പാണ് ഇതിൽ വരുന്നത്. ആൻഡ്രോയിഡ് 11 അടിസ്ഥാനമാക്കിയുള്ള അപ്ഡേറ്റഡ് എംഐയുഐ 12.5 സോഫ്റ്റ്‌വെയർ പ്ലാറ്റ്‌ഫോമിൽ ഇന്ത്യയിൽ അവതരിപ്പിക്കുമെന്ന് റെഡ്മി സൂചന നൽകുന്നു.

റെഡ്മി നോട്ട് 10 എസ് ഗ്ലോബൽ വേരിയന്റിൽ 60Hz സ്റ്റാൻഡേർഡ് റിഫ്രഷ് റേറ്റ് വരുന്ന 6.5 ഇഞ്ച് 1080 പിക്‌സൽ അമോലെഡ് ഡിസ്പ്ലേയാണ് വരുന്നത്. ഹൈ-റെസ് ഓഡിയോ സർട്ടിഫിക്കേഷനോടു കൂടിയ ഡ്യുവൽ സ്റ്റീരിയോ സ്പീക്കർ ഈ സ്മാർട്ട്ഫോണിൽ ഉൾപ്പെടുത്തും. 33W ഫാസ്റ്റ് ചാർജിംഗ് സൊല്യൂഷനുള്ള സപ്പോർട്ടുമായി 5000 എംഎഎച്ച് ബാറ്ററിയാണ് ഇതിലുള്ളത്. ഉപയോക്താക്കൾക്ക് 8 ജിബി റാം, 128 ജിബി സ്റ്റോറേജ് ഓപ്ഷനുകൾ തിരഞ്ഞെടുക്കാവുന്നതാണ്. റെഡ്മി നോട്ട് 10 എസിലെ ക്യാമറ സംവിധാനത്തിൽ 64 മെഗാപിക്സൽ പ്രൈമറി ക്യാമറ സെൻസറുള്ള 8 മെഗാപിക്സൽ അൾട്രാ വൈഡ് ക്യാമറയുണ്ട്. മാക്രോ, ഡെപ്ത് ഡിറ്റക്ഷൻ എന്നിവയ്ക്കായി രണ്ട് 2 മെഗാപിക്സൽ ക്യാമറകളുമുണ്ട്. മുൻ ക്യാമറയിൽ 13 മെഗാപിക്സൽ സെൻസറും നൽകിയിട്ടുണ്ട്.

റെഡ്മി നോട്ട് 10 എസിന് ഇന്ത്യയിൽ പ്രതീക്ഷിക്കുന്ന വില

റെഡ്മി നോട്ട് 10 എസ് ഇന്ത്യയിൽ വാനില റെഡ്മി നോട്ട് 10 നേക്കാൾ അൽപ്പം കൂടിയ വിലയിൽ വിപണിയിൽ എത്തുമെന്ന് പറയുന്നു. അതിനാൽ, ബേസിക് വേരിയന്റിന് 13,000 രൂപ മുതൽ വില ആരംഭിക്കാനും റെഡ്മി നോട്ട് 10 നും റെഡ്മി നോട്ട് 10 പ്രോയ്ക്കും ഇടയിലുള്ള വിടവ് നികത്താൻ ഷവോമിയെ സഹായിക്കാനും കഴിയും. ഔദ്യോഗിക പ്രഖ്യാപനങ്ങളൊന്നുമില്ലാതെ റെഡ്മി നോട്ട് 10 സീരീസിന് വില 500 രൂപ ഷവോമി അടുത്തിടെ ഉയർത്തിയിരുന്നു.