വന്നു 3 ഉശിരന്മാർ! റെഡ്മി നോട്ട് 14 പ്രോ സീരീസും റെഡ്മി നോട്ട് 14 5ജിയും ലോഞ്ച് ചെയ്തു

റെഡ്മി ആരാധകരിൽ ആവേശം സൃഷ്ടിച്ച് മൂന്ന് പുത്തൻ സ്മാർട്ട്ഫോണുകൾ ​ചൈനയിൽ ലോഞ്ച് ചെയ്തു. റെഡ്മി നോട്ട് 14 സീരീസ് (Redmi Note 14 series) എന്ന് ഇവയെ മൊത്തത്തിൽ വിളിക്കാം. എങ്കിലും റെഡ്മി നോട്ട് 14 5ജി (Redmi Note 14 5G ) പ്രത്യേകവും റെഡ്മി നോട്ട് 14 പ്രോ (Redmi Note 14 Pro), റെഡ്മി നോട്ട് 14 ​പ്രോ പ്ലസ് (Redmi Note 14 Pro+) എന്നിവ റെഡ്മി നോട്ട് 14 പ്രോ സീരീസായുമാണ് എത്തിയിരിക്കുന്നത്.

റെഡ്മി നോട്ട് 14 5ജിയുടെ പ്രധാന ഫീച്ചറുകൾ: 6.67-ഇഞ്ച് FHD+ (1080×2400 പിക്സലുകൾ) 60/90/120Hz റിഫ്രഷ് റേറ്റ് ഉള്ള സൂപ്പർ AMOLED ഡിസ്പ്ലേ, 2100 nits വരെ പീക്ക് ​ബ്രൈറ്റ്നസ്, 1920Hz ഹൈ-ഫ്രീക്വൻസി PWM ഡിമ്മിംഗ്, 10-ബിറ്റ് കളർ ഡെപ്ത്, കോർണിംഗ് ഗൊറില്ല ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

ഒക്ട കോർ മീഡിയടെക് ഡൈമെൻസിറ്റി 7025 അൾട്രാ 6nm പ്രൊസസർ ആണ് നോട്ട് 14 5ജിയുടെ കരുത്ത്. IMG BXM-8-256 ജിപിയുവും ഇതിലുണ്ട്. 6GB/ 8GB/ 12GB LPDDR4X റാം, 128GB / 256GB UFS 2.2 ഇൻ്റേണൽ സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഈ ഫോൺ വാഗ്ദാനം ചെയ്യുന്നു.

ക്യാമറകളുടെ കാര്യമെടുത്താൽ സോണി LYT-600 സെൻസറോട് കൂടിയ 50MP മെയിൻ ക്യാമറ, f/1.7 അപ്പേർച്ചർ, f/2.4 അപ്പേർച്ചറുള്ള 2MP സെക്കൻഡറി ക്യാമറ, LED ഫ്ലാഷ് എന്നിവയടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ഇതിലുള്ളത്. സെൽഫിക്കും മറ്റുമായി 16എംപി ഫ്രണ്ട് ക്യാമറയും ഉണ്ട്.

ആൻഡ്രോയിഡ് 14 അ‌ടിസ്ഥാനമാക്കിയുള്ള ഷവോമി ​ഹൈപ്പർ ഒഎസ്, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, 3.5എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ, IP64 റേറ്റിങ് എന്നിവയും റെഡ്മി നോട്ട് 14 5ജിയിൽ ഉണ്ട്.

5G SA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS + GLONASS, USB ടൈപ്പ്-C, 45W ഫാസ്റ്റ് ചാർജിംഗുള്ള 5110mAh ബാറ്ററി എന്നിവയും ഈ സ്റ്റാന്റേർഡ് മോഡൽ വാഗ്ദാനം ചെയ്യുന്നു. സ്റ്റാറി വൈറ്റ്, ഫാൻ്റം ബ്ലൂ, മിഡ്‌നൈറ്റ് ബ്ലാക്ക് എന്നീ നിറങ്ങളിൽ ഈ ഫോൺ ലഭ്യമാകും.

റെഡ്മി നോട്ട് 14 പ്രോ, നോട്ട് 14 പ്രോ+ ഫീച്ചറുകൾ: 6.67-ഇഞ്ച് (2712×1220 പിക്‌സൽ) 1.5K OLED ഡിസ്‌പ്ലേ, 120Hz റിഫ്രഷ് റേറ്റ്, 240Hz ടച്ച് സാംപ്ലിംഗ് റേറ്റ്, 2560Hz വരെ ഇൻസ്റ്റന്റ് ടച്ച് സാംപ്ലിംഗ് റേറ്റ്, 3000 നിറ്റ്‌സ് വരെ പീക്ക് ​ബ്രൈറ്റ്നസ്, HDR10+, കോർണിങ് ഗൊറില്ല ഗ്ലാസ് വിക്ടസ് 2 പ്രൊട്ടക്ഷൻ എന്നിവ ഇവയിലുണ്ട്.

​റെഡ്മി നോട്ട് 14 പ്രോയിൽ 2.5GHz ഒക്ടാ കോർ മീഡിയടെക് ഡൈമെൻസിറ്റി 7300 അൾട്ര 4nm പ്രൊസസർ ആണ് ഉള്ളത്. മാലി-G615 MC2 GPU, 8GB / 12GB LPDDR4X റാം, 128GB / 256GB / 512GB UFS 2.2 സ്റ്റോറേജ് എന്നിവയും പ്രോ മോഡലിൽ എത്തുന്നു.

റെഡ്മി നോട്ട് 14 പ്രോ പ്ലസ് മോഡലിൽ 2.5GHz ഒക്ടാ കോർ സ്നാപ്ഡ്രാഗൺ 7s Gen 3 4nm മൊബൈൽ പ്ലാറ്റ്ഫോം ആണ് ഉള്ളത്. അഡ്രിനോ 720 GPU, 12GB LPDDR4X / 16GB LPDDR5 റാം, 256GB UFS 2.2 / 512GB UFS 3.1 സ്റ്റോറേജ് എന്നിവ ഈ ഫോണിന്റെ ഫീച്ചറുകളിൽപ്പെടുന്നു.

ക്യാമറകളുടെ കാര്യമെടുത്താൽ പ്രോ മോഡലിൽ 50MP മെയിൻ ക്യാമറ (Sony LYT-600 സെൻസർ, f/1.5 അപ്പർച്ചർ), 8MP അൾട്രാ വൈഡ് ആംഗിൾ (Sony IMX355, f/2.2 അപ്പേർച്ചർ) സെൻസർ, 2MP മാക്രോ ക്യാമറ (f/2.4 അപ്പേർച്ചർ) എന്നിവയുള്ള ട്രിപ്പിൾ റിയർ ക്യാമറ സജ്ജീകരണമാണ് ഉള്ളത്.

റെഡ്മി നോട്ട് 14 പ്രോ പ്ലസ് മോഡലിൽ 50MP മെയിൻ ക്യാമറ (ലൈറ്റ് ഫ്യൂഷൻ 800, 1/1.55″, OIS), 8MP അൾട്രാ വൈഡ് ആംഗിൾ (Sony IMX355) സെൻസർ, 50MP പോർട്രെയ്റ്റ് ടെലിഫോട്ടോ (സാംസങ് S5KJN1 സെൻസർ) ക്യാമറ എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് ഉള്ളത്.

OmniVision OV20B സെൻസറോട് കൂടിയ 20MP ഫ്രണ്ട് ക്യാമറയാണ് ഈ രണ്ട് പ്രോ മോഡലുകളിലും ഉള്ളത്. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, യുഎസ്ബി ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, IP66 + IP68 + IP68 റേറ്റിങ് എന്നിവയും ഈ ഫോണുകളിലുണ്ട്. ആൻഡ്രോയിഡ് 14 അ‌ടിസ്ഥാനമാക്കിയുള്ള ​ഹൈപ്പർഒഎസിലാണ് ഇവയുടെയും പ്രവർത്തനം.

5G SA / NSA, ഡ്യുവൽ 4G VoLTE, Wi-Fi 6 802.11 ac (2.4GHz + 5GHz), ബ്ലൂടൂത്ത് 5.4, GPS + GLONASS, USB ടൈപ്പ്-C, NFC എന്നിവയാണ് ഈ ഫോണുകിലെ മറ്റ് പ്രധാന ഫീച്ചറുകൾ. നോട്ട് 14 പ്രോയിൽ 45W ഫാസ്റ്റ് ചാർജിങ് സഹിതം 5500mAh ബാറ്ററിയും 4 പ്രോ+ മോഡലിൽ 90W ഫാസ്റ്റ് ചാർജിംഗുള്ള 6200mAh ബാറ്ററിയും ഉണ്ട്.

റെഡ്മി നോട്ട് 14 പ്രോ ട്വിലൈറ്റ് പർപ്പിൾ, ഫാൻ്റം ബ്ലൂ, മിറർ പോർസലൈൻ വൈറ്റ്, മിഡ്‌നൈറ്റ് ബ്ലാക്ക് എന്നീ നിറങ്ങളിലും നോട്ട് 14 പ്രോ+ സ്റ്റാർ സാൻഡ് ഗ്രീൻ, മിറർ പോർസലൈൻ വൈറ്റ്, മിഡ്‌നൈറ്റ് ബ്ലാക്ക് എന്നീ നിറങ്ങളിലും ലഭ്യമാണ്. അ‌ധികം ​വൈകാതെ ഈ റെഡ്മി നോട്ട് 14 സീരീസ് ഫോണുകൾ ഇന്ത്യയിലും ലോഞ്ച് ചെയ്യും എന്നാണ് പ്രതീക്ഷിക്കപ്പെടുന്നത്.

റെഡ്മി നോട്ട് 14 5ജി വില: 6GB+ 128GB - 1199 യുവാൻ ( ഏകദേശം 14,300 രൂപ), 8GB+ 128GB - 1399 യുവാൻ ( ഏകദേശം 16,685 രൂപ), 8GB+ 256GB - 1499 യുവാൻ ( ഏകദേശം 17,875 രൂപ), 12GB+ 256GB - 1699 യുവാൻ (ഏകദേശം 20,260 രൂപ).

റെഡ്മി നോട്ട് 14 പ്രോ വില: 8GB+ 128GB - 1499 യുവാൻ (ഏകദേശം 17,870 രൂപ), 8GB+ 256GB - 1599 യുവാൻ (ഏകദേശം 19,060 രൂപ), 12GB + 256GB - 1799 യുവാൻ (ഏകദേശം 21,450 രൂപ), 12GB + 512GB - 1999 യുവാൻ (ഏകദേശം 23,835 രൂപ).

റെഡ്മി നോട്ട് 14 പ്രോ പ്ലസ് വില: 12GB + 256GB - 1999 യുവാൻ (ഏകദേശം 23,835 രൂപ), 12GB + 512GB - 2199 യുവാൻ (ഏകദേശം 26,220 രൂപ), 16GB + 512GB - 2399 യുവാൻ (ഏകദേശം 17,870 രൂപ).