വാട്ടർ ഡ്രോപ്പ് ഡിസ്പ്ലേ ഡിസൈനുമായി റെഡ്മി നോട്ട് 8 2021 സ്മാർട്ഫോൺ ഉടനെത്തും

റെഡ്മി നോട്ട് 10 (2021) സ്മാർട്ഫോണിൻറെ സവിശേഷതകളും വിലയും

ചൈനീസ് സ്മാർട്ട്‌ഫോൺ നിർമ്മാതാവ് പുതിയ സ്മാർട്ഫോൺ ഡിസൈൻ സ്ഥിരീകരിച്ചിട്ടുണ്ടെങ്കിലും, സവിശേഷതകളെ കുറിച്ചുള്ള വിശദാംശങ്ങളൊന്നും ഇതുവരെ വെളിപ്പെടുത്തിയിട്ടില്ല. എന്നാൽ, ഇൻറർ‌നെറ്റിൽ‌ പ്രചരിക്കുന്ന അഭ്യൂഹങ്ങളും ചോർച്ചകളും സൂചിപ്പിക്കുന്നത് റെഡ്മി നോട്ട് 8 2021 എഡിഷൻ യഥാർത്ഥ റെഡ്മി നോട്ട് 8 മായി താരതമ്യപ്പെടുത്തുമ്പോൾ മെച്ചപ്പെട്ട സവിശേഷതകൾ നൽകുന്നുവെന്നാണ് പറയുന്നത്. റെഡ്മി നോട്ട് 8 2021 ബോക്സിൽ ഫാസ്റ്റ് ചാർജിംഗ് സപ്പോർട്ടുള്ള 4000 എംഎഎച്ച് ബാറ്ററിയുണ്ട്. 4 ജിബി റാമും 64 ജിബി ഇന്റേണൽ സ്റ്റോറേജുമായി ജോടിയാക്കിയ മീഡിയടെക്കിന്റെ ഹിലിയോ ജി 85 പ്രോസസറാണ് സ്മാർട്ഫോണിന് കരുത്ത് പകരുന്നത്. ഉപയോക്താക്കൾക്ക് കൂടുതൽ റാമും സ്റ്റോറേജ് ഓപ്ഷനുകളും ലഭ്യമായിരിക്കും.

48 മെഗാപിക്സൽ പ്രൈമറി സെൻസറുള്ള നാല് പിൻ ക്യാമറകളുമായാണ് ഈ സ്മാർട്ട്‌ഫോൺ വരുന്നത്. മുൻവശത്ത്, സെൽഫികൾ പകർത്തുന്നതിന് ഒരൊറ്റ ഇമേജ് സെൻസർ ഉണ്ടായിരിക്കും, പക്ഷേ ഇതിൻറെ സവിശേഷത ഇതുവരെ വെളിപ്പെടുത്തിയിട്ടില്ല. മറ്റ് പുതിയ റെഡ്മി സ്മാർട്ട്ഫോണുകളെപ്പോലെ, റെഡ്മി നോട്ട് 8 2021 എംഐയുഐഐ 12.5 ഓപ്പറേറ്റിംഗ് സിസ്റ്റം അടിസ്ഥാനമാക്കി ആൻഡ്രോയിഡ് 11ൽ പ്രവർത്തിക്കുമെന്ന് പറയുന്നു. സ്മാർട്ട്‌ഫോണിനെക്കുറിച്ചുള്ള നിർദ്ദിഷ്ട വിശദാംശങ്ങൾ ഇതുവരെ കൃത്യമായി ലഭിച്ചിട്ടില്ല. പക്ഷേ, റെഡ്മി നോട്ട് 8 2021 വളരെ മെച്ചപ്പെട്ട ഒരു എഡിഷൻ സ്മാർട്ഫോൺ ആയിരിക്കും എന്ന കാര്യം തീർച്ചയാണ്.

6.3 ഇഞ്ച് ഫുൾ എച്ച്ഡി ഡിസ്‌പ്ലേ, ക്വാൽകോം സ്‌നാപ്ഡ്രാഗൺ 665 SoC പ്രോസസർ, 6 ജിബി വരെ റാമും 128 ജിബി സ്റ്റോറേജുമാണ് യഥാർത്ഥ റെഡ്മി നോട്ട് 8ൽ ഉൾപ്പെടുത്തിയിരിക്കുന്നത്. മൈക്രോ എസ്ഡി കാർഡ് സപ്പോർട്ടും നൽകിയിട്ടുണ്ട്. റെഡ്മി നോട്ട് 8 ൽ 18W ചാർജിംഗ് സപ്പോർട്ടുള്ള 4,000 എംഎഎച്ച് ബാറ്ററിയും ഉൾപ്പെടുന്നു. 48 മെഗാപിക്സൽ പ്രൈമറി സെൻസർ (സാംസങ് ജിഎം 1), 8 മെഗാപിക്സൽ അൾട്രാ-വൈഡ് ആംഗിൾ, 2 മെഗാപിക്സൽ മാക്രോ ലെൻസ്, 2 മെഗാപിക്സൽ ഡെപ്ത് സെൻസർ എന്നിവയുൾപ്പെടെ നാല് പിൻ ക്യാമറകൾ റെഡ്മി സ്മാർട്ട്‌ഫോണിലുണ്ട്. മുൻവശത്ത്, സെൽഫികൾക്കും വീഡിയോ കോളുകൾക്കുമായി 13 മെഗാപിക്സൽ ക്യാമറയും ഈ സ്മാർട്ട്ഫോണിൽ ഉൾപ്പെടുന്നു.

വരാനിരിക്കുന്ന റെഡ്മി നോട്ട് 8 2021 ൻറെ വില ഷവോമി ഇതുവരെ വെളിപ്പെടുത്തിയിട്ടില്ല. റെഡ്മി നോട്ട് 8 2021 ന് ഏകദേശം 10,000 രൂപ വിലയുണ്ടാകുമെന്നാണ് പ്രതീക്ഷിക്കുന്നത്. ഈ ചൈനീസ് സ്മാർട്ട്‌ഫോൺ നിർമ്മാതാവ് ലോഞ്ച് തീയതിയും ഇതുവരെ വെളിപ്പെടുത്തിയിട്ടില്ല. റെഡ്മി നോട്ട് 8 2021 എന്ന് അവതരിപ്പിക്കുമെന്ന് വരും ദിവസങ്ങളിൽ കമ്പനി പ്രഖ്യാപിക്കും.