റെഡ്മി നോട്ട് 9 5 ജി സ്മാർട്ഫോണിൻറെ സവിശേഷതകൾ വെളിപ്പെടുത്തി ലോഞ്ച് പോസ്റ്റർ

5 ജി വേരിയന്റുകൾക്ക് പുതിയ രൂപകല്പനയാണെങ്കിലും ഇന്ത്യയിൽ നിന്നും ലഭിക്കുന്ന റെഡ്മി നോട്ട് 9 പ്രോ മോഡലുകളുമായി അവയ്ക്ക് ധാരാളം സാമ്യതകളുണ്ട്. ഇതിൻറെ രൂപകൽപ്പന ഷവോമി എംഐ 10ടി ലൈറ്റിൽ നിന്ന് പ്രചോദനം ഉൾക്കൊണ്ട് നൽകിയതായി പറയുന്നു. വാസ്തവത്തിൽ, ചോർന്ന സവിശേഷതകൾ പരിശോധിച്ചുകഴിഞ്ഞാൽ ഈ സ്മാർട്ട്ഫോണുകൾ എംഐ 10ടി ലൈറ്റ് അടിസ്ഥാനമാക്കിയുള്ളതാണ്. ഈ ഹാൻഡ്സെറ്റിൻറെ ലോഞ്ച് തീയതിയും ഫോണിന്റെ രൂപകൽപ്പനയുടെ ഒരു ഭാഗവും ഷവോമി സൂചിപ്പിക്കുന്നുണ്ടെങ്കിലും ചോർച്ചകൾ കൂടുതൽ വിശദാംശങ്ങൾ നൽകി.

ക്വാൽകോം, മീഡിയടെക് എന്നിവയിൽ നിന്നുള്ള ഏറ്റവും പുതിയ ചിപ്‌സെറ്റുകൾ ഉപയോഗിച്ച് 5 ജി കണക്റ്റിവിറ്റിയുള്ള രണ്ട് മോഡലുകൾ വിപണിയിൽ ലഭ്യമാകും. 8 ജിബി റാമുമായി ജോടിയാക്കിയ സ്‌നാപ്ഡ്രാഗൺ 750 ജി ചിപ്‌സെറ്റുമായി വരുന്ന സീരിസിലെ ഒരു ഫ്രന്റ്ലൈൻ മോഡലാണ് റെഡ്മി നോട്ട് 9 പ്രോ 5 ജി. ഈ ഹാൻഡ്‌സെറ്റിന് 120 ഹെർട്സ് റിഫ്രഷ് റേറ്റ് 6.67 ഇഞ്ച് ഫ്യൂൾ എച്ച്ഡി + ഐപിഎസ് എൽസിഡി ഡിസ്‌പ്ലേയുണ്ട്‌. ഡിസ്‌പ്ലേയ്ക്ക് മുകളിലായി ഒരു പഞ്ച്-ഹോൾ കട്ട്‌ഔട്ടിൽ സെൽഫികൾ എടുക്കുന്നതിന് 16 മെഗാപിക്സൽ ക്യാമറയുമുണ്ട്. 33W ഫാസ്റ്റ് ചാർജിംഗ് സപ്പോർട്ട് വരുന്ന 4,820mAh ബാറ്ററിയാണ് ഈ ഡിവൈസിൽ വരുന്നത്. ഫിംഗർപ്രിന്റ് സെൻസറും ക്യാമറയുടെ രൂപകൽപ്പനയും ടീസർ ചിത്രം കാണിക്കുന്നു.

റെഡ്മി നോട്ട് 9 പ്രോ 5 ജി യുടെ ഭാഗമാകുമെന്ന് പ്രതീക്ഷിക്കുന്ന ഏറ്റവും വലിയ സവിശേഷതകളിൽ ഒന്നാണ് ഇതിൻറെ പ്രധാന ക്യാമറ സെറ്റപ്പ്. പ്രോ വേരിയന്റിൽ 108 മെഗാപിക്സൽ പ്രധാന സെൻസർ അവതരിപ്പിക്കുമെന്ന് ലീക്കുകളിൽ വെളിപ്പെടുത്തിരുന്നു. ഇത് ശരിയാണെങ്കിൽ, റെഡ്മി നോട്ട് 9 പ്രോ 5 ജി ഒരു വലിയ ക്യാമറ സെൻസറിന്റെ ആദ്യത്തെ മാസ്-മാർക്കറ്റ് മിഡ് റേഞ്ച് സ്മാർട്ട്‌ഫോൺ ആയിരിക്കും. ഇതുവരെ ഷവോമിയുടെ സ്വന്തം എംഐ 10 സീരീസ് സ്മാർട്ഫോണുകൾക്കും മോട്ടറോളയുടെ ഫ്രന്റ്ലൈൻ ഫോണുകൾക്കും മാത്രമാണ് ഈ ക്യാമറ സെൻസർ ലഭിച്ചിരുന്നത്.

റെഡ്മി നോട്ട് 9 5 ജിയിൽ 6.53 ഇഞ്ച് ഐപിഎസ് എൽസിഡി ഫുൾ എച്ച്ഡി + ഡിസ്പ്ലേയായിരിക്കും ലഭിക്കുക. ഈ മീഡിയടെക് ഡൈമെൻസിറ്റി 800 യു ചിപ്‌സെറ്റുമായി വരുന്ന ഈ ഫോണിന്റെ വാനില എഡിഷന് 22.5W ഫാസ്റ്റ് ചാർജിംഗ് സപ്പോർട്ട് വരുന്ന 5,000 എംഎഎച്ച് ബാറ്ററിയാണ് ഉള്ളത്. റെഡ്മി നോട്ട് 9 5 ജിയിൽ 48 മെഗാപിക്സൽ ട്രിപ്പിൾ റിയർ ക്യാമറ സിസ്റ്റവും 13 മെഗാപിക്സൽ ഫ്രണ്ട് ക്യാമറയുമാണ് വരുന്നത്.