റെഡ്മി നോട്ട് 9 പ്രോ ഇന്ത്യയിൽ ഓപ്പൺ സെയിലിൽ ലഭ്യമാകും: വില, സവിശേഷതകൾ

റെഡ്മി നോട്ട് 9 പ്രോ: ഇന്ത്യയിൽ വരുന്ന വില

റെഡ്മി നോട്ട് 9 പ്രോയുടെ 4 ജിബി റാം + 64 ജിബി സ്റ്റോറേജ് പതിപ്പിന് 13,999 രൂപയും, 4 ജിബി റാം + 128 ജിബി പതിപ്പിന് 15,999 രൂപയും, 6 ജിബി റാം + 128 ജിബി പതിപ്പിന് 16,999 രൂപയുമാണ് വില വരുന്നത്. അറോറ ബ്ലൂ, ഗ്ലേസിയർ വൈറ്റ്, ഇന്റെർസ്റ്റെല്ലർ ബ്ലാക്ക്, ഷാംപെയ്ൻ ഗോൾഡ് തുടങ്ങിയ കളർ ഓപ്ഷനുകളിൽ റെഡ്മി നോട്ട് 9 പ്രോ നിങ്ങൾക്ക് വാങ്ങാവുന്നതാണ്. ഒരു ദിവസം മുൻപാണ് ഷവോമി ഷാംപെയ്ൻ ഗോൾഡ് കളർ വേരിയന്റ് അവതരിപ്പിച്ചത്. റെഡ്മി നോട്ട് 9 പ്രോ ഇപ്പോൾ ആമസോൺ.ഇൻ, എംഐ.കോം, എംഐ ഹോം സ്റ്റോറുകൾ, മറ്റ് റീട്ടെയിൽ സ്റ്റോറുകൾ എന്നിവ വഴി വാങ്ങുവാൻ ഇപ്പോൾ ലഭ്യമാണ്.

റെഡ്മി നോട്ട് 9 പ്രോ: സവിശേഷതകൾ

ആൻഡ്രോയിഡ് 10 അടിസ്ഥാനപ്പെടുത്തി വരുന്ന എംഐയുഐ 11 ഓപ്പറേറ്റിംഗ് സിസ്റ്റത്തിലാണ് ഡ്യൂവൽ നാനോ സിമുള്ള റെഡ്മി നോട്ട് 9 പ്രോ പ്രവർത്തിക്കുന്നത്. 6.67 ഇഞ്ച് ഫുൾ-എച്ച്ഡി+ 1080x2400 പിക്‌സൽ ഐപിഎസ് ഡിസ്പ്ലേയാണ് ഈ സ്മാർട്ട്ഫോണിന് കമ്പനി നൽകിയിരിക്കുന്നത്. 20:9 ആസ്പെക്ട് റെഷിയോ വരുന്ന ഈ ഹാൻഡ്‌സെറ്റിന് കോർണിങ് ഗൊറില്ല ഗ്ലാസ് 5 പ്രൊട്ടക്ഷനും ലഭിക്കുന്നു. ഒക്ട-കോർ ക്വാൽകോം സ്നാപ്ഡ്രാഗൺ 720G SoC പ്രോസസറാണ് റെഡ്മി നോട്ട് 9 പ്രോയുടെ പ്രവർത്തനക്ഷമത മികച്ചതാക്കുന്നത്. അഡ്രിനോ 618 ജിപിയു, 6 ജിബി LPDDR4X റാം തുടങ്ങിയവയുമായി ഈ പ്രോസസർ പെയർ ചെയ്തിരിക്കുന്നു.

റെഡ്മി നോട്ട് 9 പ്രോ: ക്യാമറ സവിശേഷതകൾ

ക്വാഡ് റിയർ ക്യാമറ സെറ്റപ്പ് വരുന്ന റെഡ്മി നോട്ട് 9 പ്രോയ്ക്ക് 48-മെഗാപിക്സൽ സാംസങ് ഐസോസെൽ ജിഎം 2 പ്രൈമറി സെൻസർ, 8-മെഗാപിക്സൽ സെക്കണ്ടറി സെൻസർ, മാക്രോ ലെൻസുള്ള 5-മെഗാപിക്സൽ ടെർഷ്യറി സെൻസർ, 2-മെഗാപിക്സൽ ക്വാട്ടർണറി സെൻസർ എന്നിവ അടങ്ങുന്ന പിൻ ക്യാമറ സജ്ജീകരണം വരുന്നു. സെൽഫികൾക്കും വീഡിയോ കോളുകൾക്കുമായി ആർട്ടിഫിഷ്യൽ ഇന്റലിജൻസ് ഉൾപ്പെടുന്ന സവിശേഷതകൾ വരുന്ന 16 മെഗാപിക്സൽ ക്യാമറ മുൻഭാഗത്തായി ക്രമീകരിച്ചിട്ടുണ്ട്.

128 ജിബി യുഎഫ്എസ് 2.1 സ്റ്റോറേജാണ് റെഡ്മി നോട്ട് 9 പ്രോ സ്മാർട്ഫോണിൽ നൽകിയിട്ടുള്ളത്. ഈ സ്റ്റോറേജ് ഒരു മൈക്രോ എസ്ഡി കാർഡിന്റെ സഹായത്തോടെ 512 ജിബി വരെ വിപുലീകരിക്കുവാൻ കഴിയും. 4G വോൾട്ടെ, വൈ-ഫൈ 802.11ac, ബ്ലൂടൂത്ത് v5.0, ജിപിഎസ്/ A-GPS, യുഎസ്ബി ടൈപ്പ്-സി, ഒരു 3.5mm ഹെഡ്‍ഫോൺ ജാക്ക് തുടങ്ങിയ കണക്ടിവിറ്റി ഓപ്‌ഷനുകളാണ് റെഡ്മി നോട്ട് 9 പ്രോയിൽ വരുന്നത്. 18W ഫാസ്റ്റ് ചാർജിങ് സപ്പോർട്ടുള്ള 5,020mAh ബാറ്ററിയാണ് റെഡ്മി നോട്ട് 9 പ്രോയിൽ സജ്ജീകരിച്ചിരിക്കുന്നത്. സൈഡ് മൗണ്ട് ചെയ്ത ഫിംഗർപ്രിന്റ് സെൻസറുമായി ഈ സ്മാർട്ട്‌ഫോൺ വരുന്നു.