കാത്തിരുന്ന് വലഞ്ഞോ, സാരമില്ല എല്ലാം നല്ലതിനാ! 5ജിയിൽ ഞെട്ടിക്കാൻ ജിയോയുടെ 5ജി ഫോൺ എത്തുന്നു

|

രാജ്യം 5ജി സേവനങ്ങളിലേക്ക് കടന്നതോടെ 5ജി സ്മാർട്ട്ഫോണുകളിലേക്ക് മാറാൻ ജനങ്ങളും തയാറെടുക്കുകയാണ്. കുറഞ്ഞ വിലയിൽ കൂടുതൽ ഫീച്ചറുകൾ നൽകുന്നൊരു 5ജി സ്മാർട്ട്ഫോൺ വാങ്ങാൻ സാധാരണക്കാർ ഏറെ ആഗ്രഹിക്കുകയും തിക്കിത്തിരക്കുകയും ചെയ്യുന്ന ഈ സമയത്ത് അ‌വർ മനസിൽ ആഗ്രഹിച്ചതുപോലൊരു ഫോണുമായി രംഗത്തെത്താൻ വ്യവസായ ഭീമന്മാരായ റിലയൻസ് ജിയോ തയാറെടുത്തിരിക്കുന്നു എന്നാണ് ഇപ്പോൾ വാർത്തകൾ പുറത്തുവന്നിരിക്കുന്നത്. ജിയോയുടെ 5ജി സ്മാർട്ട്ഫോൺ ഗീക്ക്ബെഞ്ചിൽ ഇടം പിടിച്ചതോടെയാണ് ജിയോ 5ജി ഫോൺ( Jio Phone 5G) ഉടൻ പുറത്തിറങ്ങുമെന്ന് വ്യക്തമായിരിക്കുന്നത്.

 

ഗീക്ക്ബെഞ്ച്

സ്മാർട്ട്ഫോണുകളുടെയും കമ്പ്യൂട്ടറുകളുടെയുമൊക്കെ ബഞ്ച് മാർക്കിങ് പ്ലാറ്റ്ഫോം ആണ് ഗീക്ക്ബെഞ്ച്. സ്മാർട്ട്ഫോണുകൾ വിപണിയിലിറങ്ങുന്നതിന് മുമ്പ് ഗീക്ക്ബെഞ്ചിൽ എത്താറുണ്ട്. തൊട്ടതെല്ലാം പൊന്നാക്കുന്ന ജിയോയുടെ പതിവ് അ‌വരുടെ 5ജി സ്മാർട്ട്ഫോണിലും ഉണ്ടാകും എന്ന വിശ്വാസത്താൽ ജിയോ 5ജി സ്മാർട്ട്ഫോണിനായി കാത്തിരിക്കുന്നവർ ഏറെയാണ്. വിലക്കുറവ് തന്നെയാകും ജിയോ 5ജി സ്മാർട്ട്ഫോണിന്റെ ഏറ്റവും വലിയ സവിശേഷത എന്നാണ് വിലയിരുത്തപ്പെടുന്നത്.

കളി കാര്യമാകും! 1ജിബിക്ക് ചെലവാകുക അ‌ഞ്ചുരൂപയിൽ താഴെ; ഡാറ്റ പ്രേമികൾക്ക് സന്തോഷിക്കാൻ വകയുമായി ജിയോകളി കാര്യമാകും! 1ജിബിക്ക് ചെലവാകുക അ‌ഞ്ചുരൂപയിൽ താഴെ; ഡാറ്റ പ്രേമികൾക്ക് സന്തോഷിക്കാൻ വകയുമായി ജിയോ

5ജി സ്മാർട്ട്ഫോൺ

ജിയോ LS1654QB5 എന്ന മോഡൽ നമ്പർ ഉള്ള സ്മാർട്ട്ഫോണാണ് നിലവിൽ ഗീക്ക്ബെഞ്ച് വെബ്‌സൈറ്റിൽ ലിസ്റ്റ് ചെയ്തിരിക്കുന്നത്. വിപണിയിൽ എത്തുമ്പോൾ ഇതിന്റെ പേര് എന്താകും എന്നത് ഇതുവരെ പുറത്തുവിട്ടിട്ടില്ല. 15000 രൂപയിൽ താഴെ വിലയിൽ വാങ്ങാൻ സാധിക്കുന്നൊരു 5ജി സ്മാർട്ട്ഫോൺ ആകും ജിയോ 5ജി ​ഫോൺ എന്നാണ് വിലയിരുത്തൽ. ഇതിന്റെ ബേസ് വേരിയന്റ് 8000- 10000 രൂപ വിലയിൽ ലഭ്യമാകും എന്നും സൂചനകളുണ്ട്.

സ്‌നാപ്ഡ്രാഗൺ 480+ SoC കരുത്ത്
 

ക്വാൽകോമുമായുള്ള ജിയോയുടെ പങ്കാളിത്തം അംബാനി ഇതിനകം സ്ഥിരീകരിച്ചിട്ടുണ്ട്. അ‌തിനാൽ ജിയോ ഫോൺ 5ജി ഒരു സ്നാപ്ഡ്രാഗൺ ചിപ്പ് പായ്ക്ക് ചെയ്യുമെന്ന് പ്രതീക്ഷിക്കാം. വരാനിരിക്കുന്ന ജിയോ ഫോണിന് സ്‌നാപ്ഡ്രാഗൺ 480+ SoC കരുത്ത് പകരുമെന്ന് ലിസ്റ്റിങ്ങും സൂചന നൽകുന്നു. ആൻഡ്രോയിഡ് 12 ഒഎസിലാണ് ഈ ജിയോ സ്മാർട്ട്ഫോൺ പ്രവർത്തിക്കുന്നത്. ഗൂഗിൾ ഇതിനകം തന്നെ ആൻഡ്രോയിഡ് 13 പുറത്തിറക്കിയതിനാൽ പലർക്കും ഇത് നിരാശാജനകമാണ്.

കൈയ്യിലൊതുങ്ങും കിടിലങ്ങൾ; 40,000 രൂപയിൽ താഴെ വിലയുള്ള അഫോർഡബിൾ ഫ്ലാഗ്ഷിപ്പ്സിനേക്കുറിച്ചറിയാംകൈയ്യിലൊതുങ്ങും കിടിലങ്ങൾ; 40,000 രൂപയിൽ താഴെ വിലയുള്ള അഫോർഡബിൾ ഫ്ലാഗ്ഷിപ്പ്സിനേക്കുറിച്ചറിയാം

മറ്റ് സവിശേഷതകളിലേക്ക്

മറ്റ് സവിശേഷതകളിലേക്ക് വന്നാൽ, ജിയോ ഫോൺ 5ജി 6.5 ഇഞ്ച് HD+ LCD 90Hz സ്‌ക്രീൻ, 5,000എംഎച്ച് ബാറ്ററി, 13 മെഗാപിക്‌സൽ ഡ്യുവൽ റിയർ ക്യാമറ സജ്ജീകരണം എന്നിവ വാഗ്ദാനം ചെയ്യുമെന്ന് ഇതുവരെ പുറത്തു വന്ന വിവരങ്ങൾ വ്യക്തമാക്കുന്നു. മുൻവശത്ത്, സെൽഫികൾക്കായി 8 മെഗാപിക്സൽ സെൻസറും ഉണ്ടാകും. 18വാട്ട് ഫാസ്റ്റ് ചാർജിങ് സപ്പോർട്ടും ഉണ്ടാകും. 4ജിബി റാം 64 ജിബി ഇന്റേണൽ സ്റ്റോറേജാകും അ‌ടിസ്ഥാന മോഡലിൽ ഉണ്ടാകുക. അഡ്രിനോ 619 ജിപിയു ആകും ഫോണിന്റെ ഗ്രാഫിക്‌സ് കൈകാര്യം ചെയ്യുക.

അ‌ധികം ​വൈകില്ല

ഗീക്ക്‌ബെഞ്ചിലെ സിംഗിൾ കോർ ടെസ്റ്റിൽ ഫോൺ 549 പോയിന്റും മൾട്ടി കോറിൽ 1,661 പോയിന്റും നേടിയെന്നാണു ലഭ്യമായ റിപ്പോർട്ട്. തങ്ങളുടെ 5ജി സ്മാർട്ട്ഫോൺ പുറത്തിറക്കുന്ന തീയതി സംബന്ധിച്ച് ജിയോ ഔദ്യോഗികമായി അ‌റിയിപ്പുകൾ ഒന്നും നൽകിയിട്ടില്ല. എങ്കിലും ഗീക്ക്ബെഞ്ചിൽ ഇടം പിടിച്ച സ്ഥിതിക്ക് അ‌ധികം ​വൈകില്ല എന്നാണ് നിഗമനം. അ‌ടുത്തു തന്നെ നടക്കാനിരിക്കുന്ന റിലയൻസിന്റെ എജിഎം ഇവന്റിൽ ഈ 5ജി ഫോൺ പുറത്തിറക്കുമെന്നാണ് വിവരം.

ഉശിരനൊരു സ്മാർട്ട്ഫോണിനായുള്ള കാത്തിരിപ്പിലാണോ? നിരാശരാകേണ്ട, അ‌തിശയിപ്പിക്കാൻ റെഡ്മി 12 എത്തുന്നുഉശിരനൊരു സ്മാർട്ട്ഫോണിനായുള്ള കാത്തിരിപ്പിലാണോ? നിരാശരാകേണ്ട, അ‌തിശയിപ്പിക്കാൻ റെഡ്മി 12 എത്തുന്നു

ജിയോ തരംഗം

രാജ്യത്തെ വിവിധ നഗരങ്ങളിൽ ഇതിനോടകം റിലയൻസ് 5ജി ലഭ്യമാക്കി തുടങ്ങിയിട്ടുണ്ട്. ഇന്ത്യയിലെ ഏറ്റവും വലിയ ടെലിക്കോം ഓപ്പറേറ്ററാണ് നിലവിൽ റിലയൻസ് ജിയോ. പ്രവർത്തനം ആരംഭിച്ച് ചുരുങ്ങിയ നാളുകൾക്കുള്ളിൽ ഒന്നാം സ്ഥാനത്തേക്ക് വന്ന ജിയോയുടെ പ്രവർത്തന മികവ് അ‌വരുടെ 5ജി സ്മാർട്ട്ഫോണിനെക്കുറിച്ചുള്ള പ്രതീക്ഷകൾക്ക് കനം കൂട്ടുന്നു. അ‌ടുത്തിടെ കുറഞ്ഞ വിലയിൽ ലാപ്ടോപ് ഇറക്കിയും ജിയോ തരംഗം സൃഷ്ടിച്ചിരുന്നു. ഈ മികവ് തുടർന്നാൽ 5ജിയോടൊപ്പം രാജ്യം റിലയൻസിന്റെ 5ജി ഫോണിനെയും ഏറ്റെടുക്കാൻ സാധ്യതയുണ്ട്.

Best Mobiles in India

English summary
With a place on Geekbench, there is an indication that Jio's 5G smartphone will be released soon. The smartphone with the model number Jio LS1654QB5 is currently listed on the Geekbench website. It has not yet been revealed what it will be called when it hits the market. The Jio 5G phone will be available for less than 15000 rupees.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X