റിലയന്‍സ് ജിയോയുടെ 4G ഫീച്ചര്‍ ഫോണ്‍ ഈ മാസം വിപണിയിലെത്തുന്നു

ജിയോ ഫോണ്‍ 3-ന്റെ സവിശേഷതകള്‍

മീഡിയടെക് ചിപ്‌സെറ്റായിരിക്കും പുതിയ ഫോണ്‍ ഉണ്ടാവുകയെന്ന് അഭ്യൂഹങ്ങളുണ്ട്. ജിയോയും മീഡിയടെക്കും ചേര്‍ന്ന് 4G ഫീച്ചര്‍ ഫോണ്‍ വിപണിയിലെത്തിക്കുമെന്ന് നേരത്തേ റിപ്പോര്‍ട്ടുകളുണ്ടായിരുന്നു. എന്നാല്‍ ഇരു കമ്പനികളും ഇതേക്കുറിച്ച് ഔദ്യോഗികമായി ഇതുവരെ പ്രതികരിച്ചിട്ടില്ല.

4G ഫീച്ചര്‍ ഫോണ്‍

4G ഫീച്ചര്‍ ഫോണ്‍ വികസിപ്പിക്കാനുള്ള പ്രവര്‍ത്തനങ്ങള്‍ പുരോഗമിക്കുകയാണെന്ന് മീഡിയടെക് വയര്‍ലെസ് കമ്മ്യൂണിക്കേഷന്‍ ബിസിനസ്സ് യൂണിറ്റ് മേധാവി ടിഎല്‍ ലീ വ്യക്തമാക്കിയിട്ടുണ്ട്. അധികം വൈകാതെ ഫോണ്‍ പുറത്തിറക്കാന്‍ കഴിയും. ആന്‍ഡ്രോയ്ഡ് ഗോ സ്മാര്‍ട്ട്‌ഫോണുകള്‍ക്ക് വേണ്ടി റിലയന്‍സുമായി സഹകരിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു. ഈ ഫോണുകള്‍ LYF എന്ന ബ്രാന്‍ഡിലാകും വിപണിയിലെത്തുക.

 

ജിയോയും മീഡിയടെക്കും

ഇതിനിടെയാണ് ജിയോയും മീഡിയടെക്കും ചേര്‍ന്ന് 4G ഫീച്ചര്‍ ഫോണുകള്‍ പുറത്തിറക്കാനുള്ള ചര്‍ച്ചകള്‍ തുടങ്ങിയത്. അടുത്തിടെ മീഡിയടെക്ക് അടുത്തിടെ ഹെലിയോ G90, G90T എന്നീ SoC-കള്‍ പുറത്തിറക്കിയിരുന്നു. ഇവ രണ്ടും ഗെയിമിംഗിന് പ്രാധാന്യം നല്‍കുന്ന സ്മാര്‍ട്ട്‌ഫോണുകള്‍ക്ക് വേണ്ടിയുള്ളവയാണ്. ഹെലിയോ G90T SoC-യോടുകൂടിയ സ്മാര്‍ട്ട്‌ഫോണ്‍ വിപണിയിലെത്തിക്കാനുള്ള ശ്രമം ഷവോമി ആരംഭിച്ചുകഴിഞ്ഞു.