കളർ ഇഷ്ടമായാലും ഇല്ലെങ്കിലും വില ഇഷ്ടമാകും; പുതിയ കളറിൽ, 10849 രൂപ വിലയിൽ റിയൽമി P3 ​ലൈറ്റ് 5G വാങ്ങാം

സ്മാർട്ട്ഫോണുകൾക്ക് ഡിസ്കൗണ്ടുകളുമായി റിപ്പബ്ലിക് ഡേ സെയിലുകൾ മുന്നേറുകയാണ്. ഈ സമയത്ത് ബജറ്റ് വിലയിൽ വാങ്ങാൻ ഒരു 5G ഫോൺ പരിചയപ്പെടാം. നാല് മാസം മുമ്പ്, കൃത്യമായി പറഞ്ഞാൽ 2025 സെപ്റ്റംബറിൽ റിയൽമി ഇന്ത്യയിൽ അ‌വതരിപ്പിച്ച ബജറ്റ് 5ജി ഫോൺ ആണ് റിയൽമി പി3 ​ലൈറ്റ് 5ജി (realme P3 Lite 5G). ഇതിന്റെ 4GB +128GB മോഡലിന് 10,499 രൂപയും 6GB+ 128GB മോഡലിന് 11,499 രൂപയുമായിരുന്നു ലോഞ്ച് വില. എന്നാൽ അ‌ടുത്തിടെ ഉണ്ടായ സ്മാർട്ട്ഫോൺ വില വർധനയെ തുടർന്ന് ഈ റിയൽമി 5ജി ഫോണിന്റെ വിലയിലും ചെറിയ വർധന ഉണ്ടായി.

ഇപ്പോൾ റിയൽമി പി3 ​ലൈറ്റ് 5ജിയുടെ അ‌ടിസ്ഥാന മോഡലിന് 11999 രൂപയും 12999 രൂപയുമാണ് വില. അ‌തായത് 1500 രൂപയുടെ വില വർധന ഉണ്ടായിരിക്കുന്നു. എന്നാൽ ഇപ്പോൾ റിയൽമിയുടെ ഔദ്യോഗിക ​വെബ്​സൈറ്റിൽ റിപ്പബ്ലിക് ഡേ സെയിലിന്റെ ഭാഗമായി ഈ ഫോണിന് 1150 രൂപയുടെ കൂപ്പൺ ഡിസ്കൗണ്ട് ലഭ്യമാണ്.

കൂപ്പൺ ഡിസ്കൗണ്ട് പ്രയോജനപ്പെടുത്തിയാൽ റിയൽമി പി3 ​ലൈറ്റ് 5ജി വേരിയന്റുകൾ യഥാക്രമം 10849 രൂപ, 11,849 രൂപ വിലകളിൽ വാങ്ങാനാകും. ബജറ്റ് വിലയിൽ വാങ്ങാൻ അ‌നുയോജ്യമായ ഓപ്ഷൻ തന്നെയാണ് ഇത്. നേരത്തെ മൂന്ന് കളർ ഓപ്ഷനിൽ മാത്രമാണ് ഈ ഫോൺ ലഭ്യമായിരുന്നത്. പർപ്പിൾ ബ്ലോസം, മിഡ്‌നൈറ്റ് ലില്ലി, ലില്ലി വൈറ്റ് എന്നിവയായിരുന്നു അ‌വ.

ഇപ്പോൾ റിയൽമി വെബ്​സൈറ്റിൽ പുതിയ ജേഡ് ഗ്രീൻ, ​ഒനിക്സ് ബ്ലാക്ക് അ‌ടക്കം ആകെ അ‌ഞ്ച് കളർ ഓപ്ഷനുകളിൽ ഈ 5ജി ഫോൺ വാങ്ങാനാകും. പുതിയ കളർ ഇഷ്ടപ്പെട്ടാലും ഇല്ലെങ്കിലും ഇപ്പോഴുള്ള ഡിസ്കൗണ്ട് വില ആരും ഇഷ്ടപ്പെട്ടുപോകും. ഫ്ലിപ്പ്കാർട്ടിലും ഈ ഫോൺ ലഭ്യമാണെങ്കിലും യഥാർഥ വിലയിലാണ് ലിസ്റ്റ് ചെയ്തിരിക്കുന്നത്.

പ്രധാന ഫീച്ചറുകൾ

ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) ആണ് ഈ ബജറ്റ് 5ജി ഫോണിന്റെ കരുത്ത്. ഗാലക്സികോർ GC32E2 സെൻസറുള്ള 32MP മെയിൻ ക്യാമറ (f/1.8 അപ്പർച്ചർ), LED ഫ്ലാഷ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 8MP ഫ്രണ്ട് ക്യാമറയും (f/2.0 അപ്പർച്ചർ) ഇതിൽ ഉണ്ട്.

120Hz റിഫ്രഷ് റേറ്റ് ഉള്ള 6.67 ഇഞ്ച് (720×1604 പിക്സലുകൾ) HD+ IPS LCD സ്ക്രീൻ ആണ് ഇതിലുള്ളത്. ആം മാലി-G57 MC2 GPU, 4GB / 6GB LPDDR4X റാം, 12GB വരെ ഡൈനാമിക് റാം, 128GB (UFS 2.2) സ്റ്റോറേജ്, മൈക്രോ എസ്ഡി വഴി 2TB വരെ സ്റ്റോറേജ് വികസിപ്പിക്കാനുള്ള സൗകര്യം എന്നിവയും ഇതിലുണ്ട്.

45W ഫാസ്റ്റ് ചാർജിംഗുള്ള 6000mAh ബാറ്ററി സഹിതമാണ് റിയൽമി പി3 ​ലൈറ്റ് 5ജി എത്തിയിരിക്കുന്നത്. മിലിട്ടറി-ഗ്രേഡ് ഷോക്ക് റെസിസ്റ്റൻസ് സർട്ടിഫിക്കേഷൻ (MIL-STD 810H സർട്ടിഫിക്കേഷൻ) ഈ​ ഫോണിന് ഉണ്ട് എന്ന് റിയൽമി പറയുന്നു. പൊടി, ജല പ്രതിരോധത്തിനായി IP64 റേറ്റിങ്ങും ഉണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി UI 6.0 -ൽ ആണ് പ്രവർത്തനം.

സൈഡ്-മൗണ്ടഡ് ഫിംഗർപ്രിന്റ് സെൻസർ, അൾട്രാ ലീനിയർ ബോട്ടം-പോർട്ടഡ് സ്പീക്കർ, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA/ NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS, USB ടൈപ്പ്-C എന്നിവയാണ് മറ്റ് പ്രധാന ഫീച്ചറുകൾ. 165.6 x 76.22x 7.94mm കനവും 197 ഗ്രാം ഭാരവും ഈ ബജറ്റ് 5ജി ഫോണിനുണ്ട്.