പി9981, പോര്‍ഷെ ഡിസൈനില്‍ ഒരു റിം ഫോണ്‍

Posted By: Staff

പി9981, പോര്‍ഷെ ഡിസൈനില്‍ ഒരു റിം ഫോണ്‍

ബ്ലാക്ക്‌ബെറി സ്മാര്‍ട്ട്‌ഫോണുകളിലൂടെ മൊബൈല്‍ വിപണി കീഴടക്കിയ റിം ഇപ്പോഴിതാ പ്രശസ്ത ഡിസൈനിംഗ് കമ്പനിയായ പോര്‍ഷെയുമായി ചേര്‍ന്ന പുതിയൊരു ഹാന്‍ഡ്‌സെറ്റുമായി വരുന്നു. തികച്ചും ഒരു ആഢംബര മൊബൈല്‍ ഹാന്‍ഡ്‌സെറ്റ്.

ബ്ലാക്ക്‌ബെറി പി9981 എന്നു പേരിട്ടിരിക്കുന്ന ഈ പുതിയ സ്മാര്‍ട്ട്‌ഫോണ്‍ അതിന്റെ പോര്‍ഷെ കാര്‍ ഡിസൈനിലൂടെ മൊബൈല്‍ വിപണിയില്‍ പുതിയൊരു തരംഗം സൃഷ്ടിക്കും എന്നു പ്രതീക്ഷിക്കാം. 155 ഗ്രാം ഭാരമുള്ള ഈ പുതിയ ഫോണിന്റെ നീളം 115 എംഎം, വീതി 67 എംഎം, കട്ടി 11.3 എംഎം എന്നിങ്ങനെയാണ്.

640 x 480 പിക്‌സല്‍ റെസൊലൂഷനുള്ള ഇതിന്റെ 2.8 ഇഞ്ച് ടിഎഫ്ടി ടച്ച് സ്‌ക്രീന്‍ ഡിസ്‌പ്ലേ ആരെയും ആകര്‍ഷിക്കും. ഇതിന്റെ കീപാഡ് QWERTY മാതൃകയിലാണ്. ആക്‌സലറോമീറ്റര്‍, പ്രോക്‌സിമിറ്റി സെന്‍സര്‍ എന്നീ സെന്‍സറുകളും ഈ ഹാന്‍ഡ്‌സെറ്റിന്റെ പ്രത്യേകതകളില്‍ പെടുന്നു.

മികച്ച സംഗീത ആസ്വാദനം ഉറപ്പു നല്‍കി കൊണ്ട് ഒരും 3.5 എംഎം ഓഡിയോ ജാക്കും ഈ പുതിയ ബ്ലാക്ക്‌ബെറി സ്മാര്‍ട്ട്‌ഫോണിലുണ്ട്. 768 എംബി റാം, 8 ജിബി ഇന്റേണല്‍ സ്‌റ്റോറേജ് കപ്പാസിറ്റി, 32 ജിബി വരെ മെമ്മറി ഉയര്‍ത്താന്‍ സഹായിക്കുന്ന ഒരു മൈക്രോ എസ്ഡി കാര്‍ഡ് സ്ലോട്ട് എന്നിവയും ഈ ഫോണിന്റെ സവിശേഷതകളാണ്.

മികച്ച ഇന്റര്‍നെറ്റ് സംവിധാനം ഉറപ്പു നല്‍കുന്ന എഡ്ജ്, ജിപിആര്‍എസ് കണക്റ്റിവിറ്റികള്‍ക്കു പുറമെ ബ്ലൂടൂത്ത്, വൈഫൈ, യുഎസ്ബി കണക്റ്റിവിറ്റികളും ഈ ഹാന്‍ഡ്‌സെറ്റിലുണ്ട്.

ബ്ലാക്ക്‌ബെറി ഒഎസ് 7.0 ഓപറേറ്റിംഗ് സിസ്റ്റത്തിലാണ് ബ്ലാക്ക്‌ബെറി പി9981 പ്രവര്‍ത്തിക്കുന്നത്. 1.2 ജിഗാഹെര്‍ഡ്‌സ് പ്രോസസ്സറിന്റെ സപ്പോര്‍ട്ടുള്ള ക്വല്‍കോം എംഎസ്എം8655 ചിപ് സെറ്റു കൂടിയാവുമ്പോള്‍ പ്രവര്‍ത്തനക്ഷമതയുടെ കാര്യത്തില്‍ ഒന്നും പേടിക്കാനില്ല.

എച്ച്ടിഎംഎല്ലിലാണ് ഇതിലെ ബ്രൗസര്‍ പ്രവര്‍ത്തിക്കുക. 2592 x 1944 പിക്‌സല്‍ റെസൊലൂഷനുള്ള ഇതിലെ 5 മെഗാപിക്‌സല്‍ ക്യാമറയ്ക്ക് ഓട്ടോ ഫോക്കസും, എല്‍ഇഡി ഫ്ലാഷും ഉണ്ട്. 720p വേഗതയില്‍ വീഡിയോ റെക്കോര്‍ഡിംഗും ഈ ക്യാമറ വഴി സാധ്യമാണ്.

ജിയോ-റ്റാഗിംഗ്, ഫെയ്‌സ് ഡിറ്റെക്ഷന്‍, ഇമേജ് സ്റ്റെബിലൈസേഷന്‍ തുടങ്ങിയവയും ഈ 5 മെഗാപിക്‌സല്‍ ക്യാമറയുടെ പ്രത്യേകതകളില്‍ പെടുന്നു. 1000 mAh ലിഥിയം അയണ്‍ ബാറ്ററി ഉപയോഗപ്പെടുത്തിയിരിക്കുന്ന ഈ സ്മാര്‍ട്ട്‌ഫോണിന്റ ടോക്ക് ടൈം 5 മണിക്കൂര്‍ 30 മിനിട്ടും, സ്റ്റാന്റ്‌ബൈ സമയം 348 ണിക്കൂറും ആണ്.

ബ്ലാക്ക്‌ബെറി പോര്‍ഷെ പി9981 സ്മാര്‍ട്ട്‌ഫോണിന്റെ വില വിവരം ഇതുവരെ അറിവായിട്ടില്ല.

Please Wait while comments are loading...

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot