അടുത്ത തുറുപ്പ് ചീട്ടിറക്കാൻ ഒരുങ്ങി സാംസങ്; സാംസങ് ഗാലക്‌സി A06നെ കുറിച്ച് അറിയേണ്ടതെല്ലാം...

സാംസങ് ഗാലക്‌സി A06 (Samsung Galaxy A06) കുറച്ച് ദിവസങ്ങളായി നഗരത്തിലെ സംസാര വിഷയമാണ്. കഴിഞ്ഞ മാസം ആണ് ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് (ബിഐഎസ്) സർട്ടിഫിക്കേഷനിൽ ഫോൺ കണ്ടെത്തിയത്. ഇപ്പോൾ, ഗാലക്‌സി A06നുള്ള സപ്പോർട്ട് പേജ് ഇന്ത്യയിൽ ലൈവ് ആണ്. ഇത് സാംസങ് ഗാലക്‌സി A06ന്റെ ഉടനെ ഉള്ള ലോഞ്ച് ആണ് സൂചിപ്പിക്കുന്നത്. വരാനിരിക്കുന്ന ഗാലക്‌സി A06ൽ നിന്ന് എന്താണ് പ്രതീക്ഷിക്കേണ്ടത് എന്ന് ആണ് ഈ ലേഖനത്തിൽ പറയുന്നത്. കൂടുതൽ അറിയാൻ ഈ ലേഖനം തുടർന്ന് വായിക്കുക.

സാംസങ് ഗാലക്‌സി A06ൽ നിന്ന് എന്താണ് പ്രതീക്ഷിക്കേണ്ടത്? ഗാലക്‌സി A06ൻ്റെ സപ്പോർട്ട് പേജ് MySmartPrice കണ്ടെത്തി. ഫോണിന് SM-A065F/DS എന്ന മോഡൽ നമ്പർ ആണ് ഇതിൽ ഉള്ളത്. ഇത് കൂടാതെ, ഇത് സാംസങ് ഗാലക്‌സി A06 ഹാൻഡ്‌സെറ്റിൻ്റെ സവിശേഷതകൾ ഒന്നും സപ്പോർട്ട് പേജിൽ വെളിപ്പെടുത്തുന്നില്ല.

എന്നിരുന്നാലും, ഒന്നിൽ അധികം സർട്ടിഫിക്കേഷൻ സൈറ്റുകളിൽ സാംസങ് ഗാലക്‌സി A06 ഇതിനകം പ്രത്യക്ഷപ്പെട്ടു. പുറത്ത് വന്ന റിപ്പോർട്ടിൽ നിന്ന് എന്താണ് പ്രതീക്ഷിക്കേണ്ടതെന്ന് ഒരു ആശയം നൽകുന്നു. സാംസങ് ഗാലക്‌സി A06 2.4GHz, 5GHz വൈഫൈ എന്നിവയിൽ വരുമെന്ന് വൈഫൈ അലയൻസ് സർട്ടിഫിക്കേഷൻ വെളിപ്പെടുത്തി.

അതേ സമയം ഗീക്ക്ബെഞ്ചിൻ്റെ സിംഗിൾ-കോർ, മൾട്ടി-കോർ ടെസ്റ്റുകളിൽ ഫോണിന് യഥാക്രമം 1,644 പോയിൻ്റുകളും 5,326 പോയിൻ്റുകളും സ്കോർ ചെയ്യാൻ കഴിഞ്ഞു. സാംസങ് ഗാലക്‌സി A06, മാലി-ജി52 എംപി2 ജിപിയു, 6 ജിബി റാമുമായി ജോടിയാക്കിയ ഒക്ടാ-കോർ SoC സഹിതം ഷിപ്പ് ചെയ്യുമെന്ന് പ്രതീക്ഷിക്കുന്നു.

15W ചാർജിംഗ് സപ്പോർട്ട് ഉള്ള 5,000 mAh ബാറ്ററി യൂണിറ്റ് പായ്ക്ക് ചെയ്യാൻ ഫോണിന് കഴിയും. ഡിസ്‌പ്ലേ, ക്യാമറ സ്പെസിഫിക്കേഷനുകൾ തുടങ്ങിയ മറ്റ് വിശദാംശങ്ങൾ ഇപ്പോൾ അജ്ഞാതമാണ്. ഗാലക്‌സി A06ൻ്റെ വരവ് ബ്രാൻഡ് ഉടൻ തന്നെ ടീസർ രൂപത്തിൽ പുറത്ത് ഇറക്കുമെന്ന് ആണ് പ്രതീക്ഷിക്കുന്നത്.

കൂടാതെ, ഇന്ത്യയിൽ 10,000 രൂപയ്ക്ക് താഴെ വിൽക്കുന്ന കഴിഞ്ഞ വർഷത്തെ ഗാലക്‌സി A05ൻ്റെ പിൻഗാമിയായാണ് ഗാലക്‌സി A06 വരുന്നത്. അത് കണക്കിലെടുക്കുമ്പോൾ, വരാനിരിക്കുന്ന ഗാലക്‌സി A06നും താങ്ങാനാവുന്ന വില ലഭിക്കും എന്ന് പ്രതീക്ഷിക്കുന്നു. 720x1600 പിക്സൽ റെസല്യൂഷനുള്ള വിശാലമായ 6.7 ഇഞ്ച് HD+ ഡിസ്‌പ്ലേയാണ് സാംസങ് ഗാലക്‌സി A05ൽ ഉള്ളത്.

ഒക്ടാ-കോർ മീഡിയടെക് ഹീലിയോ G85 ചിപ്‌സെറ്റാണ് ഈ ഫോണിൽ നൽകിയിരിക്കുന്നത്. 6 ജിബി റാമും 128 ജിബി ഇൻ്റേണൽ സ്‌റ്റോറേജും ഉള്ള ഈ സ്‌മാർട്ട്‌ഫോൺ ആപ്പുകൾക്കും മീഡിയയ്‌ക്കും ധാരാളം ഇടം നൽകുന്നു. മൈക്രോ എസ്ഡി കാർഡ് വഴി ഉപയോക്താക്കൾക്ക് 1 ടിബി വരെ സ്റ്റോറേജ് വർദ്ധിപ്പിക്കാൻ കഴിയും.

സാംസങ്ങിൻ്റെ വൺ യുഐ കോർ ലെയറിന് ഒപ്പം ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഗാലക്‌സി എ05 ഉപയോക്തൃ സൗഹൃദ അനുഭവം നൽകുന്നു. എഫ്/1.8 അപ്പേർച്ചർ ഉള്ള 50 എംപി മെയിൻ സെൻസറും എഫ്/2.4 അപ്പേർച്ചർ ഉള്ള 2 എംപി ഡെപ്ത് ക്യാമറയും ഉൾപ്പെടെ ഡ്യുവൽ റിയർ ക്യാമറ സജ്ജീകരണം ആണ് ഇതിൽ ഉള്ളത്.

സെൽഫികൾക്ക് ആയി, 8 എംപി ഫ്രണ്ട് ഫേസിംഗ് ക്യാമറ ആണ് സാംസങ് ഗാലക്‌സി A05ൽ നൽകിയിരിക്കുന്നത്. 25 W ഫാസ്റ്റ് ചാർജിംഗിന് ഉള്ള സപ്പോർട്ട് നൽകുന്ന കരുത്തുറ്റ 5000mAh ബാറ്ററി ആണ് ഉപകരണം പവർ അപ്പ് ആയി നിലനിർത്തുന്നത്. 12,499 രൂപയ്ക്കാണ് സാംസങ് ഗാലക്‌സി എ05 സ്‌മാർട്ട്‌ഫോൺ അവതരിപ്പിച്ചത്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.