വാട്ടർ ഡ്രോപ്പ് ഡിസ്‌പ്ലേ, ക്വാഡ് ക്യാമറകളുമായി സാംസങ് ഗാലക്‌സി എ 12 അവതരിപ്പിച്ചു: വില, സവിശേഷതകൾ

സാംസങ് ഗാലക്‌സി എ 12: ഇന്ത്യയിലെ വിലയും, ലോഞ്ച് ഓഫറുകളും

സാംസങ് ഗാലക്‌സി എ 12 സ്മാർട്ഫോണിൻറെ 4 ജിബി റാം + 64 ജിബി സ്റ്റോറേജ് വേരിയന്റിന് ഇന്ത്യയിൽ 12,999 രൂപയും 4 ജിബി റാം + 128 ജിബി സ്റ്റോറേജ് ഓപ്ഷന് 13,999 രൂപയുമാണ് വില വരുന്നത്. ഈ ഫോൺ ബ്ലാക്ക്, ബ്ലൂ, വൈറ്റ് കളർ ഓപ്ഷനുകളിൽ വിപണിയിൽ വരുന്നു. ഫെബ്രുവരി 17 മുതൽ റീട്ടെയിൽ സ്റ്റോറുകൾ, സാംസങ്.കോം, പ്രമുഖ ഓൺലൈൻ പോർട്ടലുകൾ എന്നിവ വഴി ഇത് നിങ്ങൾക്ക് വാങ്ങാവുന്നതാണ്.

സാംസങ് ഗാലക്‌സി എ 12 ലെ ലോഞ്ച് ഓഫറുകളിൽ 349 രൂപയുടെ പ്രീപെയ്ഡ് റീചാർജിൽ ജിയോ ഉപഭോക്താക്കൾക്ക് 3,000 രൂപയുടെ തൽക്ഷണ ക്യാഷ്ബാക്ക് ഓഫർ ഉൾപ്പെടുന്നുണ്ട്. കൂടാതെ, പങ്കാളികളിൽ നിന്ന് 4000 വിലയുള്ള വൗച്ചറുകളും ലഭിക്കുന്നതാണ്. പുതിയതും നിലവിലുള്ളതുമായ ജിയോ വരിക്കാർക്ക് ഈ ഓഫർ ബാധകമാണ്. വിഐയിലെ ഗാലക്‌സി എ 12 ഉപഭോക്താക്കൾക്ക് 299 രൂപയുടെ ആദ്യ മൂന്ന് മാസത്തെ റീചാർജ് അല്ലെങ്കിൽ ആദ്യത്തെ മൂന്ന് റീചാർജുകൾക്ക് ഡ്യൂവൽ ഡാറ്റാ ആനുകൂല്യങ്ങൾ ലഭിക്കുന്നതാണ്. സീറോ ഡൗൺ-പേയ്‌മെന്റ് ഇഎംഐ ഓഫറുകൾക്കൊപ്പം ഈ സ്മാർട്ട്ഫോൺ നിങ്ങൾക്ക് സ്വന്തമാക്കാവുന്നതാണ്.

ബേസിക് 3 ജിബി റാം + 32 ജിബി സ്റ്റോറേജ് വേരിയന്റിന് യൂറോ 179 (ഏകദേശം 15,800 രൂപ) ആരംഭ വിലയുമായി യൂറോപ്പിൽ ഈ സ്മാർട്ട് ഫോൺ പുറത്തിറക്കി. യൂറോ 199 (ഏകദേശം 17,600 രൂപ) വിലയിൽ 6 ജിബി റാം + 128 ജിബി സ്റ്റോറേജ് മോഡലിലാണ് സാംസങ് ഗാലക്‌സി എ 12 യൂറോപ്യൻ വിപണിയിൽ വരുന്നത്.

സാംസങ് ഗാലക്‌സി എ 12 സവിശേഷതകൾ

ഡ്യുവൽ നാനോ സിം വരുന്ന സാംസങ് ഗാലക്‌സി എ 12 ആൻഡ്രോയിഡ് 10 യുഐ കോർ 2.5 സോഫ്ട്‍വെയർ പ്ലാറ്റ്‌ഫോമിൽ പ്രവർത്തിക്കുന്നു. കൂടാതെ, 6.5 ഇഞ്ച് എച്ച്ഡി + (720x1,600 പിക്‌സൽ) ടിഎഫ്ടി ഇൻഫിനിറ്റി-വി ഡിസ്‌പ്ലേ 20: 9 ആസ്പെക്റ്റ് റേഷിയോയിൽ വരുന്നു. 4 ജിബി റാമിനൊപ്പം ഒക്ടാകോർ മീഡിയടെക് ഹെലിയോ പി 35 SoC പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത ഉറപ്പാക്കുന്നത്. 48 മെഗാപിക്സൽ പ്രൈമറി സെൻസർ, എഫ് / 2.0 ലെൻസ്, 5 മെഗാപിക്സൽ അൾട്രാ വൈഡ് ആംഗിൾ ഷൂട്ടർ, 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഈ സ്മാർട്ട്‌ഫോണിൻറെ മറ്റൊരു പ്രധാന സവിശേഷത. മുൻവശത്ത് ഒരു എഫ് / 2.2 ലെൻസുള്ള 8 മെഗാപിക്സൽ ക്യാമറ സെൻസറും സാംസങ് നൽകിയിട്ടുണ്ട്.

മൈക്രോ എസ്ഡി കാർഡ് വഴി 1 ടിബി വരെ എക്സ്പാൻഡ് ചെയ്യാവുന്ന 128 ജിബി വരെ ഓൺബോർഡ് സ്റ്റോറേജാണ് സാംസങ് ഗാലക്‌സി എ 12ൽ വരുന്നത് . 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്ന കണക്റ്റിവിറ്റി ഓപ്ഷനുകൾ ഈ സ്മാർട്ട്ഫോണിലുണ്ട്. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. ഈ ഡിവൈസിൻറെ ഒരു വശത്തായി ഫിംഗർപ്രിന്റ് സെൻസറും നൽകിയിട്ടുണ്ട്. 15W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയുമായി വരുന്ന സാംസങ് ഗാലക്‌സി എ 12 യുടെ ഭാരം 205 ഗ്രാമാണ്.