15W ചാർജിംഗ് സപ്പോർട്ടുമായി സാംസങ് ഗ്യാലക്‌സി എ 22 5 ജി സ്മാർട്ഫോൺ വരുന്നു

ടി‌യുവി റൈൻ‌ലാൻ‌ഡ് സർ‌ട്ടിഫിക്കേഷൻ‌ വെബ്സൈറ്റിൽ‌ നിന്നും ഒരു സ്ക്രീൻ‌ഷോട്ട് ടിപ്പ്സ്റ്റർ സുധാൻ‌ഷു അം‌ബോർ‌ ട്വീറ്റ് ചെയ്യുകയുണ്ടായി. മോഡൽ നമ്പർ SM-A226B നൽകിയിട്ടുള്ള ഒരു സാംസങ് സ്മാർട്ട്ഫോണിനെ കുറിച്ചുള്ള വിശദാംശങ്ങൾ സ്ക്രീൻഷോട്ട് കാണിക്കുന്നു. ഇത് സാംസങ് ഗ്യാലക്സി എ 22 5 ജി ആയി അവതരിപ്പിക്കുമെന്ന് അഭ്യൂഹമുണ്ട്. 9V, 1.67A ഇൻപുട്ട് വരെ ഈ സ്മാർട്ട്ഫോൺ സപ്പോർട്ട് ചെയ്യുന്നുവെന്ന് സ്ക്രീൻഷോട്ട് കാണിക്കുന്നു. ഇത് 15W ചാർജിംഗ് വേഗതയ്ക്കുള്ള അവസരമൊരുക്കുന്നു.

സാംസങ് ഗാലക്‌സി എ 22 5 ജി സ്മാർട്ഫോണിന് പ്രതീക്ഷിക്കുന്ന വില

സാംസങ് ഗ്യാലക്സി എ 22 5 ജി 2021 സ്മാർട്ഫോണിന് കെ‌ആർ‌ഡബ്ല്യു 2,00,000 (ഏകദേശം 13,100 രൂപ) വിലയ്ക്ക് അവതരിപ്പിക്കുമെന്നാണ് നിഗമനം. ഇളം പച്ച, വെള്ള ഷേഡുകൾ ഉൾപ്പെടെ നാല് വ്യത്യസ്ത കളർ ഓപ്ഷനുകൾ ഈ ഹാൻഡ്‌സെറ്റിന് ലഭിക്കുമെന്നും അഭ്യൂഹമുണ്ട്. വാട്ടർ ഡ്രോപ്പ്-സ്റ്റൈൽ ഡിസ്‌പ്ലേ നോച്ചും 3.5 എംഎം ഹെഡ്‌ഫോൺ ജാക്കും അവതരിപ്പിക്കാമെന്ന് സാംസങ് ഗാലക്‌സി എ 22 ൻറെ സമീപകാല റെൻഡറുകൾ സൂചിപ്പിക്കുന്നുണ്ട്. ഈ ഹാൻഡ്‌സെറ്റിന് 6.5 ഇഞ്ച് ഡിസ്‌പ്ലേയുണ്ടെന്നും 167.2x76.4x8.7 മില്ലിമീറ്റർ അളവിൽ വരുമെന്നും അഭ്യൂഹമുണ്ട്.

പുറകിലായി 48 മെഗാപിക്സൽ പ്രൈമറി ക്യാമറയും 8 മെഗാപിക്സൽ സെക്കൻഡറി സെൻസറും രണ്ട് 2 മെഗാപിക്സൽ സെൻസറുകളും സാംസങ് ഗാലക്‌സി എ 22 ൻറെ മറ്റ് സവിശേഷതകളിൽ ഉൾപ്പെടുന്നു. മുൻവശത്ത് 13 മെഗാപിക്സൽ സെൽഫി ക്യാമറ സെൻസറുമായി ഈ ഹാൻഡ്‌സെറ്റ് വരുന്നു. ഈ പുതിയ സാംസങ് സ്മാർട്ഫോണിനെ കുറിച്ച് കൂടുതൽ കാര്യങ്ങൾ അധികം വൈകാതെ തന്നെ അറിയുവാൻ സാധിക്കുന്നതാണ്. അതിനായി നിങ്ങൾ ഇത് അവതരിപ്പിക്കുന്നതുവരെ കാത്തിരിക്കേണ്ടി വരും.