വില കുറയ്ക്കുന്നതിൽ പിശുക്കാതെ സാംസങ്; പുതിയ ഗാലക്സി A26 5ജി കുറഞ്ഞ വിലയിൽ ഇപ്പോൾ വാങ്ങാം

ഇന്ത്യയിലെ സാംസങ് സ്മാർട്ട്ഫോൺ ആരാധകർക്ക് 25000 രൂപയിൽ താഴെ വിലയിൽ വാങ്ങാൻ ലഭ്യമായിട്ടുള്ള മികച്ച സ്മാർട്ട്ഫോൺ മോഡലാണ് സാംസങ് ഗാലക്സി എ26 5ജി (Samsung Galaxy A26). ഈ വർഷം മാർച്ചിലാണ് ഗാലക്സി എ26 5ജി ആദ്യം ലോഞ്ച് ചെയ്തത്. അ‌ന്ന് 8GB + 128GB, 8GB + 256GB എന്നിങ്ങനെ രണ്ട് വേരിയന്റുകളിലായിരുന്നു ഈ ഫോൺ എത്തിയത്. എന്നാൽ കഴിഞ്ഞ മാസം സാംസങ് ഒരു പുതിയ വേരിയന്റിൽ കൂടി ഈ ഫോൺ ലഭ്യമാക്കി. കുറച്ചുകൂടി കുറഞ്ഞ വിലയിൽ ഈ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്കായി 6GB +128GB എന്ന വേരിയന്റാണ് അ‌വതരിപ്പിച്ചത്.

സാംസങ് ഗാലക്സി A26 5ജിയുടെ 6GB + 128GB മോഡലിന് 23,499 രൂപയായിരുന്നു വില. 8GB + 128GB വേരിയന്റിന് 24,999 രൂപയും 8GB + 256GB വേരിയന്റിന് 27,999 രൂപയും. എന്നാലിപ്പോൾ സാംസങ് വെബ്​സൈറ്റിലും ആമസോണിലും ഇതിന്റെ അ‌ടിസ്ഥാന വേരിയന്റ് 22999 രൂപ വിലയിലാണ് ലിസ്റ്റ് ചെയ്തിരിക്കുന്നത്.

എന്നാൽ ആമസോണിൽ സാംസങ് ഗാലക്സി എ26 5ജിക്ക് 2000 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാ​ൽ ആകെ 2500 രൂപ ഡിസ്കൗണ്ടിന് ശേഷം ഇപ്പോൾ 20999 രൂപ വിലയിൽ ഈ സ്മാർട്ട്ഫോൺ വാങ്ങാൻ സാധിക്കും. സാംസങ്ങിന്റെ ഔദ്യോഗിക വെബ്​സൈറ്റിൽ ഈ ഡീൽ കാണാനും സ്വന്തമാക്കാനും Samsung Galaxy A26 5G എന്നതിൽ ക്ലിക്ക് ചെയ്യുക.

സാംസങ് ഗാലക്‌സി എ26 5Gയുടെ പ്രധാന ഫീച്ചറുകൾ: 120Hz റിഫ്രഷ് റേറ്റുള്ള 6.7 ഇഞ്ച് (1080×2340 പിക്സലുകൾ) FHD+ ഇൻഫിനിറ്റി-യു സൂപ്പർ അമോലെഡ് ഡിസ്‌പ്ലേയാണ് ഇതിൽ ഉള്ളത്. ഡിസ്പ്ലേ സുരക്ഷയ്ക്കായി കോർണിംഗ് ഗൊറില്ല ഗ്ലാസ് വിക്ടസ് പ്ലസ് പ്രൊട്ടക്ഷനും ഉണ്ട്. ഒക്ട കോർ (2.4GHz ക്വാഡ് A78 + 2GHz ക്വാഡ് A55 സിപിയുകൾ) എക്സിനോസ് 1380 പ്രോസസർ ആണ് ഈ സാംസങ് 5ജി ഫോണിന്റെ കരുത്ത്.

f/1.8 അപ്പേർച്ചറുള്ള 50 എംപി മെയിൻ ക്യാമറ, OIS, f/2.2 അപ്പേർച്ചറുള്ള 8 എംപി അൾട്രാ-വൈഡ് ആംഗിൾ ക്യാമറ, f/2.4 അപ്പേർച്ചറുള്ള 2 എംപി മാക്രോ സെൻസർ, LED ഫ്ലാഷ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരമാണ് ഇതിൽ സാംസങ് സജ്ജീകരിച്ചിരിക്കുന്നത്. സെൽഫിക്കും മറ്റുമായി ഫ്രണ്ടിൽ f/2.2 അപ്പേർച്ചറുള്ള 13 എംപി ഫ്രണ്ട് ക്യാമറയും ഉണ്ട്.

ആൻഡ്രോയിഡ് 15 അടിസ്ഥാനമാക്കിയുള്ള വൺ UI 7.0 ൽ ആണ് പ്രവർത്തനം. 6 OS വേർഷനുകളും 6 വർഷത്തെ സുരക്ഷാ അപ്‌ഡേറ്റുകളും ലഭിക്കും. ഗ്രാഫിക്സിനായി മാലി-ജി68 എംപി5 ജിപിയു ഇതിൽ ഉണ്ട്. മൈക്രോ എസ്ഡി കാർഡ് വഴി സ്റ്റോറേജ് 2TB വരെ വർധിപ്പിക്കാനുള്ള സൗകര്യവും ഉണ്ട്.

25W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി (ബോക്സിൽ ചാർജർ ഉണ്ടാകില്ല), IP67 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, സൈഡ്-മൗണ്ടഡ് ഫിംഗർപ്രിന്റ് സ്കാനർ, 5G SA/NSA, 4G VoLTE, USB ടൈപ്പ്-C, എന്നിവയാണ് മറ്റ് പ്രധാന ഫീച്ചറുകൾ. 164x 77.5 x 7.7mm വലിപ്പവും 200 ഗ്രാം ഭാരവും ഈ ഫോണിന് ഉണ്ട്. ഓസം ബ്ലാക്ക്, ഓസം മിന്റ്, ഓസം ​വൈറ്റ്, ഓസം പീച്ച് നിറങ്ങളിൽ വാങ്ങാനാകും.

അഫിലിയേറ്റ് വെളിപ്പെടുത്തൽ

ഈ വെബ്സൈറ്റിലെ അഫിലിയേറ്റ് ലിങ്കുകൾ വഴി നടത്തുന്ന പർച്ചേസുകളിൽ നിന്ന് ഗിസ്ബോട്ട് കമ്മീഷൻ നേടുന്നു. പ്രോഡക്ടുകൾ സത്യസന്ധമായ അഭിപ്രായങ്ങളുടെയും വ്യക്തിപരമായ അനുഭവത്തിന്റെയും അടിസ്ഥാനത്തിൽ, യാതൊരു അധിക ചെലവുമില്ലാതെ നിങ്ങൾക്ക് ശുപാർശ ചെയ്യുന്നു.