സാംസങ് കരുതിക്കൂട്ടിത്തന്നെ! എക്‌സിനോസ് 1380 കരുത്തുമായി ഗാലക്സി എ26 5ജി കളത്തിൽ

ഉപയോക്താക്കൾക്ക് കൂടുതൽ സ്മാർട്ട്ഫോൺ ഓപ്ഷനുകൾ വാഗ്ദാനം ചെയ്തുകൊണ്ട് വിപണി പിടിക്കാനുള്ള തന്ത്രങ്ങൾ പയറ്റുകയാണ് സാംസങ്. അ‌തിന്റെ ഭാഗമായി ഒറ്റയടിക്ക് മൂന്ന് സ്മാർട്ട്ഫോണുകളാണ് സാംസങ് ഇന്ന് ലോകത്തിന് പരിചയപ്പെടുത്തിയത്. ഈ മൂന്ന് പുതിയ സാംസങ് ഫോണുകളും 5ജി ഫോണുകളാണ്, മാത്രമല്ല ഇവ ഗാലക്സി A സീരീസിന്റെ ഭാഗമായിട്ടാണ് അ‌വതരിപ്പിക്കപ്പെട്ടിരിക്കുന്നത്. സാംസങ് ഗാലക്സി എ26 (Samsung Galaxy A26) , സാംസങ് ഗാലക്സി എ36 (Samsung Galaxy A36), സാംസങ് ഗാലക്സി എ56 (Samsung Galaxy A56) എന്നിങ്ങനെയാണ് ഇവയുടെ പേര്.

സാംസങ് ഗാലക്സി എ26 5ജിയുടെ പ്രധാന ഫീച്ചറുകൾ: 120Hz റിഫ്രഷ് റേറ്റുള്ള 6.7-ഇഞ്ച് (1080×2340 പിക്സലുകൾ) FHD+ ഇൻഫിനിറ്റി-യു സൂപ്പർ AMOLED ഡിസ്പ്ലേയാണ് ഇതിലുള്ളത്. ഒക്ട കോർ (2.4GHz ക്വാഡ് A78 + 2GHz ക്വാഡ് A55 സിപിയുകൾ) എക്സിനോസ് 1380 പ്രൊസസർ ആണ് ഈ ഫോണിന്റെ കരുത്ത്.

മാലി-G68 MP5 ജിപിയു, 6GB / 8GB റാം, 128GB / 256GB ഇന്റേണൽ സ്റ്റോറേജ്, മൈക്രോ SD കാർഡ് വഴി 1TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവ ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള സാംസങ് വൺ UI 7ൽ ആണ് ഈ ഫോണിന്റെ പ്രവർത്തനം. 6 ഒഎസ് അ‌പ്ഡേറ്റുകളും 6 വർഷത്തെ സുരക്ഷാ അപ്‌ഡേറ്റുകളും ഈ മോഡലിന് കമ്പനി വാഗ്ദാനം ചെയ്യുന്നുണ്ട്.

ട്രിപ്പിൾ റിയർ ക്യാമറ സജ്ജീകരണവുമായാണ് ഗാലക്സി എ26 5ജി എത്തിയിരിക്കുന്നത്. അ‌തിൽ f/1.8 അപ്പേർച്ചറുള്ള 50MP മെയിൻ ക്യാമറ, OIS, f/2.2 അപ്പേർച്ചറുള്ള 8MP അൾട്രാ-വൈഡ് ആംഗിൾ ക്യാമറ, f/2.4 അപ്പേർച്ചറുള്ള 2MP മാക്രോ സെൻസർ, LED ഫ്ലാഷ് എന്നിവ ഉൾപ്പെടുന്നു. സെൽഫിക്കും മറ്റുമായി f/2.2 അപ്പേർച്ചറുള്ള 13MP ഫ്രണ്ട് ക്യാമറയും ഇതിലുണ്ട്.

സൈഡ്-മൗണ്ടഡ് ഫിംഗർപ്രിന്റ് സ്കാനർ, 3.5mm ഓഡിയോ ജാക്ക്, സ്റ്റീരിയോ സ്പീക്കറുകൾ, IP67 റേറ്റിങ്, ഡ്യുവൽ സിം, 5G SA / NSA, 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS + GLONASS, USB ടൈപ്പ്-C, 25W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി എന്നിവയും ഇതിലുണ്ട്.

ഗാലക്‌സി എ26 5ജി ബ്ലാക്ക്, ​വൈറ്റ്, മിന്റ്, പീച്ച് പിങ്ക് കളർ ഓപ്ഷനുകളിൽ ആണ് വാങ്ങാൻ ലഭ്യമാകുക. ഈ ഗാലക്സി 5ജി ഫോണിന് 164x 77.5 x 7.7mm വലിപ്പവും 200 ഗ്രാം ഭാരവുമാണ് ഉള്ളത്. ആഗോള തലത്തിൽ ഈ മൂന്ന് ഗാലക്സി എ സീരീസ് ഫോണുകളും മാർച്ച് മുതൽ ലഭ്യമാകും എന്നാണ് കമ്പനി അ‌റിയിച്ചിട്ടുള്ളത്. പക്ഷേ ഗാലക്‌സി എ56 5ജി ഈ വർഷം അവസാനത്തോടെ യുഎസിൽ ലഭ്യമാകുക.

വില: സാംസങ് ഗാലക്‌സി എ26 5ജിയുടെ 6ജിബി + 128ജിബി പ്രാരംഭ വേരിയന്റിന് 299.99 യുഎസ് ഡോളർ (ഏകദേശം 26,240 രൂപ) ആണ് വില. ഇതിന്റെ 8ജിബി + 256ജിബി വേരിയന്റിന് 375 ഡോളർ (ഏകദേശം 32,895 രൂപ) ആണ് വില നിശ്ചയിച്ചിരിക്കുന്നത്.

ഗാലക്‌സി എ56 5ജിയുടെ 8ജിബി + 128ജിബി വേരിയന്റിന് 499.99 ഡോളറും (ഏകദേശം 43,735 രൂപ) 8ജിബി+ 256ജിബി വേരിയന്റിന് 549 ഡോളറും (ഏകദേശം 549 രൂപ) ആണ് വില. സാംസങ് ഗാലക്‌സി എ36 5ജിയുടെ 6ജിബി+ 128ജിബി വേരിയന്റിന് 399.99 ഡോളറും (ഏകദേശം 34,990 രൂപ), 8ജിബി+ 256ജിബി വേരിയന്റിന് 415 ഡോളറും (ഏകദേശം 36,205 രൂപ) വില നിശ്ചയിച്ചിരിക്കുന്നു