30999 രൂപ വിലയിൽ വന്ന സാംസങ് ഗാലക്സി 5G ഫോൺ, ഇപ്പോൾ വില 18499; കൂടെ ഡിസ്കൗണ്ടും

ഉയർന്ന വിലയുടെ സ്മാർട്ട്ഫോൺ വില കുറഞ്ഞിട്ട് വാങ്ങാൻ കാത്തിരുന്നവർക്കായി സാംസങ് ഗാലക്സി എ35 5ജി (Samsung Galaxy A35 5G) നിലവിലെ ഏറ്റവും കുറഞ്ഞ വിലയിൽ ലഭ്യമാക്കി ഫ്ലിപ്പ്കാർട്ട്. കഴിഞ്ഞ വർഷം സാംസങ് അ‌വതരിപ്പിച്ച ഈ എ സീരീസ് സ്മാർട്ട്ഫോണിന്റെ 8GB + 128GB വേരിയന്റിന് 30,999 രൂപയും 8GB + 256GB വേരിയന്റിന് 33,999 രൂപയും ആയിരുന്നു ലോഞ്ച് വില. എന്നാലിപ്പോൾ ഫ്ലിപ്പ്കാർട്ടിൽ ഇതിന്റെ അ‌ടിസ്ഥാന മോഡൽ 18499 രൂപ വിലയിലാണ് ലിസ്റ്റ് ചെയ്തിരിക്കുന്നത്. ഇത് സാംസങ്ങിന്റെ ഔദ്യോഗിക വെബ്​സൈറ്റിൽ ലഭ്യമാകുന്നതിനെക്കാൾ കുറഞ്ഞ വിലയാണ്.

സാംസങ് വെബ്​സൈറ്റിൽ ഗാലക്സി എ35 5ജിയുടെ അ‌ടിസ്ഥാന വേരിയന്റിന് 18999 രൂപയാണ് വില. ആമസോണിൽ ഈ ഫോൺ 18,679 രൂപ വിലയിൽ ലിസ്റ്റ് ചെയ്തിരിക്കുന്നു, ഒപ്പം 560 രൂപ ക്യാഷ്ബാക്കും ലഭ്യമാണ്. അ‌തേസമയം ഫ്ലിപ്പ്കാർട്ട് 18499 രൂപ വിലയിൽ അ‌ടിസ്ഥാന മോഡൽ ലിസ്റ്റ് ചെയ്തിരിക്കുന്നതിന് പുറമേ 5 ശതമാനം ക്യാഷ്ബാക്കും ലഭ്യമാക്കിയിരിക്കുന്നു.

ക്യാഷ്ബാക്ക് ഓഫർ പ്രയോജനപ്പെടുത്തിയാൽ 1000 രൂപയ്ക്കടുത്ത് വിലക്കുറവ് നേടാനാകും. അ‌തുവഴി 18000 രൂപയിൽ താഴെ വിലയിൽ ഫ്ലിപ്പ്കാർട്ടിൽ നിന്ന് ഗാലക്സി എ35 5ജി സ്വന്തമാക്കാനാകും. ആൻഡ്രോയിഡ് 14 അ‌ടിസ്ഥാനമാക്കി എത്തിയ ഈ മോഡലിന് നാല് വർഷ ഒഎസ് അപ്‌ഗ്രേഡുകളും അഞ്ച് വർഷത്തെ സുരക്ഷാ അപ്‌ഡേറ്റുകളും ലഭിക്കും.

ഒപ്റ്റിക്കൽ ഇമേജ് സ്റ്റെബിലൈസേഷനോടുകൂടിയ ട്രിപ്പിൾ റിയർ ക്യാമറ സിസ്റ്റം, ഇൻഫിനിറ്റി-ഒ എച്ച്‌ഡിആർ ഉള്ള സൂപ്പർ അമോലെഡ് ഡിസ്‌പ്ലേ, 25W ഫാസ്റ്റ് ചാർജിംഗുള്ള 5000mAh ബാറ്ററി തുടങ്ങിയ കിടിലൻ ഫീച്ചറുകളുമായി ഒരു പ്രീമിയം സ്മാർട്ട്ഫോണിന്റെ ലെവലിൽ എത്തിയ ഈ ഫോൺ ഇപ്പോൾ 20000 രൂപയിൽ താഴെ വിലയിൽ വാങ്ങാനാകുന്നു എന്നത് ശ്രദ്ധേയമാണ്.

പ്രധാന ഫീച്ചറുകൾ

ഒക്ട കോർ എക്സിനോസ് 1380 പ്രോസസർ ആണ് ഗാലക്സി എ35 5ജിയുടെ കരുത്ത്. 8ജിബി റാം, 128ജിബി /256ജിബി ഇൻ്റേണൽ സ്റ്റോറേജ് എന്നിവയും ഇതോടൊപ്പം എത്തുന്നു. 6.6 ഇഞ്ച് FHD+ (2340 x 1080 പിക്സലുകൾ) സൂപ്പർ അമോലെഡ് ഇൻഫിനിറ്റി-ഒ എച്ച്ഡിആർ ഡിസ്പ്ലേയാണ് ഇതിലുള്ളത്.

120Hz റിഫ്രഷ് റേറ്റ് സഹിതമാണ് ഇതിലെ ഡിസ്പ്ലേ എത്തുന്നത്. ട്രിപ്പിൾ റിയർ ക്യാമറ സജ്ജീകരണമാണ് ഗാലക്സി എ35 5ജിയിലുള്ളത്. അ‌തിൽ f/1.8 അപ്പേർച്ചറുള്ള 50MP മെയിൻ ക്യാമറ, OIS, f/2.2 അപ്പേർച്ചറുള്ള 8MP അൾട്രാ വൈഡ് ആംഗിൾ ക്യാമറ, f/2.4 അപ്പേർച്ചറുള്ള 5MP മാക്രോ സെൻസർ, LED ഫ്ലാഷ് എന്നിവയടങ്ങുന്നു.

സെൽഫിക്കും വീഡിയോ കോളുകൾക്കുമായി f/2.2 അപ്പേർച്ചറുള്ള 13MP ഫ്രണ്ട് ക്യാമറയും ഗാലക്സി എ35 5ജിയിൽ ഉണ്ട്. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, ഹൈബ്രിഡ് ഡ്യുവൽ സിം (നാനോ+ നാനോ/ മൈക്രോ എസ്ഡി), 5G SA / NSA, ഡ്യുവൽ 4G VoLTE, യുഎസ്ബി ​ടൈപ്പ്-C, IP67 റേറ്റിങ് തുടങ്ങിയ ഫീച്ചറുകളും ഇതിലുണ്ട്.

25W ഫാസ്റ്റ് ചാർജിംഗ് പിന്തുണയുള്ള 5000mAh ബാറ്ററിയാണ് ഈ ഗാലക്സി എ35 5ജിയിൽ സജ്ജീകരിച്ചിരിക്കുന്നത്. ഓസം ഐസ്ബ്ലൂ, ​ഓസം ലൈലാക്, ഓസം നേവി എന്നീ മൂന്ന് കളർ ഓപ്ഷനുകളിലാണ് ഈ സാംസങ് സ്മാർട്ട്ഫോൺ വാങ്ങാൻ ലഭ്യമാകുക. താൽപര്യമുള്ളവർക്ക് ഫ്ലിപ്പ്കാർട്ടിലെ ഈ ഡീൽ പരിഗണിക്കാവുന്നതാണ്.