സാംസങ് ഗാലക്‌സി എ 52 5 ജി സ്മാർട്ഫോൺ ഇന്ത്യയിൽ ഉടനെ അവതരിപ്പിച്ചേക്കും

സാംസങ് ഗാലക്‌സി എ 52 5 ജിയുടെ സപ്പോർട്ട് വെബ്‌സൈറ്റ്, പ്രതീക്ഷിക്കുന്ന വിലകൾ

സാംസങ് ഗാലക്‌സി എ 52 5 ജിയുടെ സപ്പോർട്ട് പേജ് രാജ്യത്ത് തത്സമയമായിരുന്നു. 91 മൊബൈൽസ് ആദ്യമായി കണ്ടെത്തിയ SM-A526B / DS എന്ന മോഡലിൻറെ പേരിൻറെ ലിസ്റ്റിംഗ് അതിൽ ഉണ്ടായിരുന്നു. മാർച്ചിൽ ആഗോളതലത്തിൽ വിപണിയിലെത്തിയ ഈ സ്മാർട്ട്‌ഫോണിൻറെ ലോഞ്ചിനെ കുറിച്ച് ഇത് പറയുന്നു. യൂറോ 429 (ഏകദേശം 38,000 രൂപ) ആരംഭ വിലയിൽ ഇത് യൂറോപ്പിൽ അവതരിപ്പിച്ചു. ഓസം ബ്ലാക്ക്, ഓസം ബ്ലൂ, ഓസം വയലറ്റ്, ഓസം വൈറ്റ് കളർ ഓപ്ഷനുകളിൽ ഇത് വിപണിയിൽ വരുന്നു. എന്നാൽ, സാംസങ് 5 ജി സ്മാർട്ട്‌ഫോണിൻറെ വിലയെക്കുറിച്ചും ഇന്ത്യയിൽ അവതരിപ്പിക്കുന്നതിനെക്കുറിച്ചും ഇതുവരെ ഒരു വിവരവുമില്ല. ഗാലക്‌സി എ 52 5 ജി ഉടൻ തന്നെ ഇന്ത്യയിൽ വിപണിയിലെത്തുമെന്ന് മറ്റൊരു റിപ്പോർട്ട് വ്യക്തമാക്കുന്നു. അതേ മോഡൽ പേരുള്ള ബിഐഎസ് ലിസ്റ്റിംഗിൽ ഇത് കണ്ടെത്തിയിട്ടുണ്ട്.

സാംസങ് ഗാലക്‌സി എ 52 5 ജി സ്മാർട്ഫോണിൻറെ സവിശേഷതകൾ

2021 മാർച്ചിൽ ആഗോളതലത്തിൽ അവതരിപ്പിച്ച ഗാലക്‌സി എ 52 5 ജി ആൻഡ്രോയിഡ് 11 അടിസ്ഥാനമാക്കി ഒരു യുഐ 3.1ൽ പ്രവർത്തിക്കുന്നു. 120 ഹെർട്സ് റിഫ്രഷ് റേറ്റിനൊപ്പം 6.5 ഇഞ്ച് ഫുൾ എച്ച്ഡി + സൂപ്പർ അമോലെഡ് ഇൻഫിനിറ്റി-ഒ ഡിസ്‌പ്ലേയാണ് ഇതിലുള്ളത്. മുൻപ് സൂചിപ്പിച്ചതുപോലെ, 8 ജിബി വരെ റാമുമായി ജോടിയാക്കിയ സ്നാപ്ഡ്രാഗൺ 750 ജി SoC പ്രോസസറാണ് ഈ ഹാൻഡ്‌സെറ്റിന് കരുത്തേകുന്നത്. മൈക്രോ എസ്ഡി കാർഡ് ഉപയോഗിച്ച് 1 ടിബി വരെ എക്സ്പാൻഡ് ചെയ്യുവാൻ കഴിയുന്ന 128 ജിബി അല്ലെങ്കിൽ 256 ജിബി ഓൺബോർഡ് സ്റ്റോറേജാണ് ഇതിലുള്ളത്.

സാംസങ് ഗാലക്‌സി എ 52 5 ജി സ്മാർട്ഫോണിൻറെ ക്യാമറ സവിശേഷതകൾ

64 മെഗാപിക്സൽ പ്രൈമറി സെൻസർ, 12 മെഗാപിക്സൽ അൾട്രാ വൈഡ് ഷൂട്ടർ, 5 മെഗാപിക്സൽ ഡെപ്ത് സെൻസർ, 5 മെഗാപിക്സൽ മാക്രോ ഷൂട്ടർ എന്നിവയുള്ള ക്വാഡ് റിയർ ക്യാമറ സംവിധാനമാണ് ഈ സ്മാർട്ഫോണിൽ ഉൾപ്പെടുത്തിയിരിക്കുന്നത്. ഗാലക്‌സി എ 52 5 ജിയിൽ സെൽഫികൾക്കും വീഡിയോ കോളുകൾക്കുമായി 32 മെഗാപിക്സൽ പ്രൈമറി സെൻസർ ഉണ്ട്. 25W ചാർജിംഗിനെ സപ്പോർട്ട് ചെയ്യുന്ന 15W ചാർജറിനൊപ്പം 4,500 എംഎഎച്ച് ബാറ്ററിയാണ് ഈ ഹാൻഡ്‌സെറ്റിൽ വരുന്നത്. കൂടുതൽ വിവരങ്ങൾക്കായി നമുക്ക് ഈ സ്മാർട്ഫോൺ ലോഞ്ച് ചെയ്യുന്നതുവരെ കാത്തിരിക്കേണ്ടി വരും.