പുതിയ സാംസങ് ഗാലക്‌സി എ 52 സ്മാർട്ഫോൺ റീട്ടെയിൽ ബോക്‌സ് ഓൺലൈനിൽ

ട്വിറ്റർ ഉപയോക്താവ് അഹമ്മദ് ക്വൈഡർ അപ്‌ലോഡ് ചെയ്ത ഇമേജ് അനുസരിച്ച് ഗാലക്‌സി എ 52 64 എംപി ക്വാഡ് ക്യാമറ സെറ്റപ്പുമായി വരും. പ്രൈമറി ക്യാമറ സെൻസറും ഒ‌ഐ‌എസ് സപ്പോർട്ട് വരുന്നതായും സ്ഥിരീകരിച്ചു. ഇപ്പോൾ, ഈ ഹാൻഡ്‌സെറ്റിനെ ചുറ്റിപ്പറ്റിയുള്ള മറ്റൊരു ചോർച്ചയും ലഭ്യമായി. അത് പുതിയ സാംസങ് ഗാലക്‌സി എ 52വും അതിൻറെ റീട്ടെയിൽ ബോക്‌സും കാണിക്കുന്നുണ്ട്. സാംസങ് ഗാലക്‌സി എ 52 ലൈവ് ചിത്രം, സവിശേഷതകൾ, മറ്റ് വിശദാംശങ്ങൾ എന്നിവ ഇവിടെ വിശദമായി പരിശോധിക്കാം.

സാംസങ് ഗാലക്‌സി എ 52 റീട്ടെയിൽ ബോക്‌സ്

സാംസങ് ഗാലക്‌സി എ 52 ന്റെ ചോർന്ന റീട്ടെയിൽ ബോക്‌സ് ചിത്രം ട്വിറ്ററിൽ അഹമ്മദ് ക്വൈഡർ എന്ന ടിപ്പ്സ്റ്റർ ഓൺലൈനിൽ വെളിപ്പെടുത്തിയിരുന്നു. ചോർന്ന ചിത്രം പ്രധാന യൂണിറ്റും പവർ ബ്രിക്കും കാണിക്കുന്നു. കൂടാതെ, റീറ്റെയ്ൽ ബോക്സിൽ ചാർജ്ജിംഗിനും ഡാറ്റാ ട്രാൻസ്‌ഫർ ചെയ്യുവാനായി യുഎസ്ബി ടൈപ്പ്-എ മുതൽ ടൈപ്പ്-സി കേബിൾ വരെ ഇതോടപ്പം വരുന്നു. റീട്ടെയിൽ ബോക്സിനുള്ളിൽ ഇതുകൂടാതെ വരെ ഏതെങ്കിലും ആക്‌സസറീസ് പായ്ക്ക് ചെയ്തതായി കാണുന്നില്ല.

ഒ‌ഐ‌എസ് (ഒപ്റ്റിക്കൽ ഇമേജ് സ്റ്റെബിലൈസേഷൻ) സപ്പോർട്ടുള്ള 64 എംപി ക്വാഡ് ക്യാമറ മൊഡ്യൂൾ ചോർന്ന ലൈവ് ചിത്രങ്ങൾ സ്ഥിരീകരിക്കുന്ന സവിശേഷതകളിൽ ഉൾപ്പെടുന്നു. മുൻപ് ചോർച്ചയിൽ നിന്നും ലഭ്യമായ മറ്റ് ക്യാമറ ഹാർഡ്‌വെയറുകളുടെ സവിശേഷതകൾ ഇപ്പോൾ പുതുക്കിയിട്ടുണ്ട്. 12 എംപി വൈഡ് ആംഗിൾ ക്യാമറ, 5 എംപി മാക്രോ സെൻസർ, 2 എംപി ഡെപ്ത് സെൻസർ എന്നിവ ഉപയോഗിച്ച് ഈ ഹാൻഡ്‌സെറ്റ് വിപണിയിൽ ലോഞ്ച് ചെയ്തേക്കാം. ഗാലക്സി എ 52 യുടെ മറ്റൊരു ലൈവ് ചിത്രം ഒരു ഇൻഫിനിറ്റി-ഒ ഡിസ്പ്ലേ അതായത് പഞ്ച്-ഹോൾ ഡിസൈനുമായി വരുമെന്ന് സ്ഥിരീകരിക്കുന്നു.

ഇതിനുപുറമെ, വാട്ടർ ആൻഡ് ഡസ്റ്റ് റെസിസ്റ്റൻസിനായി ഐപി 62 സർട്ടിഫിക്കേഷനുള്ള ഒരു ഹാൻഡ്‌സെറ്റാകും ഇതെന്നുള്ള കാര്യം സ്ഥിരീകരിച്ചു. സ്‌നാപ്ഡ്രാഗൺ 750 ജി പ്രോസസറുമായി സാംസങ് ഗാലക്‌സി എ 52 വിപണിയിൽ എത്തുമെന്ന് പറയുന്നു. 8 ജിബി / 6 ജിബി റാം കോൺഫിഗറേഷനിലാണ് ഈ യൂണിറ്റ് അവതരിപ്പിച്ചത്. ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ ഇത് പ്രവർത്തിക്കുമെന്നും ഒരു യുഐ 3.1 സ്കിൻ ഉണ്ടെന്നും പറയപ്പെടുന്നു. 6.5 ഇഞ്ച് ഡിസ്‌പ്ലേ സാംസങിൽ വരുന്ന എഫ്‌എച്ച്‌ഡി + റെസല്യൂഷനോടുകൂടിയ സൂപ്പർ അമോലെഡ് പാനലായിരിക്കും ഇത്. ഡിസ്പ്ലേ 90Hz അല്ലെങ്കിൽ 120Hz റെസല്യൂഷൻ ഇതിൽ കമ്പനി അവതരിപ്പിക്കുന്നു.