ഗാലക്സി എ53 5ജി Vs റെനോ7 പ്രോ 5ജി; മിഡ് റേഞ്ച് ഫ്ലാഗ്ഷിപ്പ് സെഗ്മെന്റിലെ വമ്പൻ പോരാട്ടം

ഡിസ്പ്ലെയും ഡിസൈനും

സാംസങ് ഗാലക്സി എ53 5ജി സ്മാർട്ട്ഫോൺ 6.5 ഇഞ്ച് ഫുൾ എച്ച്‌ഡി പ്ലസ് സൂപ്പർ അമോലെഡ് ഇൻഫിനിറ്റി ഒ ഡിസ്‌പ്ലെ ഫീച്ചർ ചെയ്യുന്നു., 120 Hz റിഫ്രഷ് റേറ്റും സാംസങ് ഗാലക്സി എ53 സ്മാർട്ട്ഫോണിന്റെ ഡിസ്പ്ലെ ഓഫർ ചെയ്യുന്നു. ഓപ്പോ റെനോ7 പ്രോ 5ജി സ്മാർട്ട്ഫോൺ 90 Hz റിഫ്രഷ് റേറ്റും ഫുൾ എച്ച്ഡി പ്ലസ് റെസല്യൂഷനുമുള്ള 6.55 ഇഞ്ച് അമോലെഡ് ഡിസ്‌പ്ലെയാണ് അവതരിപ്പിക്കുന്നത്. സാംസങ് സ്മാർട്ട്ഫോണിന് 159.6 × 74.8 × 8.1mm വലിപ്പവും 189 ഗ്രാം ഭാരവുമുണ്ട്.

മറുവശത്ത് ഓപ്പോ റെനോ7 പ്രോ 5ജി സ്മാർട്ട്ഫോണിന് 180 ഗ്രാം ഭാരവും 158.2 x 73.2 x 7.5 mm അളവുകളും ഉണ്ട്. സാംസങ് ഗാലക്സി എ53 5ജി സ്മാർട്ട്ഫോണും ഓപ്പോ റെനോ7 പ്രോ 5ജി സ്മാർട്ട്ഫോണും മികച്ച ഡിസൈനുകൾ അവതരിപ്പിക്കുന്നു. സാംസങ് സ്മാർട്ട്ഫോണിനെ അപേക്ഷിച്ച് ഓപ്പോ റെനോ7 പ്രോ 5ജി സ്മാർട്ട്ഫോണിൽ കളർ ചേഞ്ചിങ് സാങ്കേതിക വിദ്യയും ലൈറ്റ് വെയ്റ്റ് ഡിസൈനും ഉണ്ട്.

പെർഫോമൻസും ബാറ്ററിയും

സാംസങ് ഗാലക്സി എ53 5ജി സ്മാർട്ട്ഫോൺ ആൻഡ്രോയിഡ് 12 ബേസ്ഡ് യുഐ 4.1ൽ പ്രവർത്തിക്കുന്നു. ഓപ്പോ റെനോ7 പ്രോ 5ജി സ്മാർട്ട്ഫോൺ ആൻഡ്രോയിഡ് 11 ഒഎസുമായി ഷിപ്പ് ചെയ്യുന്നു. മീഡിയാടെക്ക് ഡൈമൻസിറ്റി 1200 മാക്സ് 5ജി ചിപ്പ്സെറ്റ് ഓപ്പോ റെനോ7 പ്രോ 5ജി സ്മാർട്ട്ഫോണിന് കരുത്ത് പകരുന്നു. സാംസങ് ഗാലക്സി എ53 5ജി സ്മാർട്ട്ഫോൺ എക്സിനോസ് 1280 എസ്ഒസിയുമായി വിപണിയിൽ എത്തുന്നു. ഗാലക്സി എ53 5ജിയിൽ അധിക സ്റ്റോറേജ് വിപുലീകരണത്തിനുള്ള സൌകര്യം ഉണ്ട്. എന്നാൽ ഓപ്പോ റെനോ7 പ്രോ 5ജി സ്മാർട്ട്ഫോണിൽ ഈ ഫീച്ചർ ലഭ്യമല്ല.

ഓപ്പോ റെനോ7 പ്രോ 5ജി സ്മാർട്ട്ഫോണിൽ എക്സ്പാൻഡബിൾ റാം ഫീച്ചർ ലഭ്യമാണ്. സാംസങ് ഗാലക്സി എ53 5ജി സ്മാർട്ട്ഫോൺ 5,000 എംഎഎച്ച് ബാറ്ററി പായ്ക്ക് ചെയ്യുന്നു. 25 വാട്ട് ഫാസ്റ്റ് ചാർജിങ് സപ്പോർട്ടും സാംസങ് ഗാലക്സി എ53 5ജി സ്മാർട്ട്ഫോണിൽ ലഭ്യമാണ്. ഓപ്പോ റെനോ7 പ്രോ 5ജി സ്മാർട്ട്ഫോൺ 4,500 എംഎഎച്ച് ബാറ്ററിയുമായി വരുന്നു. 65 വാട്ട് സൂപ്പർ വൂക്ക് ഫാസ്റ്റ് ചാർജിങ് സപ്പോർട്ടും റിവേഴ്സ് ചാർജിങ് സപ്പോർട്ടും ഓപ്പോ റെനോ7 പ്രോ 5ജി സ്മാർട്ട്ഫോണിൽ ലഭ്യമാണ്.

ക്യാമറ ഫീച്ചറുകൾ

ട്രിപ്പിൾ ക്യാമറ സജ്ജീകരണവുമായാണ് ഓപ്പോ റെനോ7 പ്രോ 5ജി സ്മാർട്ട്ഫോൺ വിപണിയിൽ എത്തുന്നത്. 50 മെഗാ പിക്സൽ പ്രൈമറി ലെൻസ്, 8 മെഗാ പിക്സൽ അൾട്രാ വൈഡ് ഷൂട്ടർ, 2 മെഗാ പിക്സൽ മാക്രോ ക്യാമറ എന്നിവയാണ് ഓപ്പോ റെനോ7 പ്രോ 5ജി സ്മാർട്ട്ഫോണിലെ റിയർ ക്യാമറ ക്ലസ്റ്ററിൽ ഉള്ളത്.

മറുവശത്ത്, സാംസങ് ഗാലക്സി എ53 5ജി സ്മാർട്ട്ഫോൺ ഒരു ക്വാഡ് റിയർ ക്യാമറ സജ്ജീകരണം ഓഫർ ചെയ്യുന്നു, അതിൽ 64 മെഗാ പിക്സൽ പ്രൈമറി സെൻസർ, 12 മെഗാ പിക്സൽ അൾട്രാ വൈഡ് ലെൻസ്, 5 മെഗാ പിക്സൽ ഡെപ്ത് സെൻസർ, 5 മെഗാ പിക്സൽ മാക്രോ ഷൂട്ടർ എന്നിവ ഉൾപ്പെടുന്നു. സെൽഫികളും വീഡിയോകളും പകർത്താൻ രണ്ട് സ്മാർട്ട്ഫോണുകളും 32 എംപി ഫ്രണ്ട് ഫേസിംഗ് ക്യാമറകൾ പായ്ക്ക് ചെയ്യുന്നു.

വിലയും വേരിയന്റുകളും

സാംസങ് ഗാലക്സി എ53 5ജി സ്മാർട്ട്ഫോണിന്റെ വില ആരംഭിക്കുന്നത് 34,499 രൂപ മുതലാണ്. 6 ജിബി റാം + 128 ജിബി സ്റ്റോറേജ് മോഡൽ ആണ് സാംസങ് ഗാലക്സി എ53 5ജിയുടെ ബേസ് വേരിയന്റ്. ഗാലക്സി എ53 5ജി സ്മാർട്ട്ഫോണിന്റെ 8 ജിബി റാം + 128 ജിബി സ്റ്റോറേജ് ഓപ്‌ഷന് 35,999 രൂപയും വില വരും.

മറുവശത്ത്, ഓപ്പോ റെനോ7 പ്രോ 5ജി സ്മാർട്ട്ഫോൺ ഒറ്റ വേരിയന്റുമായാണ് വിപണിയിൽ എത്തുന്നത്. സാംസങ് ഗാലക്സി എ53 5ജി സ്മാർട്ട്ഫോണിനെ അപേക്ഷിച്ച് ഓപ്പോ റെനോ7 പ്രോയ്ക്ക് അൽപ്പം വിലയും കൂടുതൽ ആണ്. 12 ജിബി റാം + 256 ജിബി സ്റ്റോറേജ് ഓപ്ഷനാണ് ഓപ്പോ ഓഫർ ചെയ്യുന്നത്. 39,999 രൂപ വിലയിലാണ് ഓപ്പോ റെനോ7 പ്രോ 5ജി സ്മാർട്ട്ഫോണിന്റെ ഏക വേരിയന്റ് വിപണിയിൽ എത്തുന്നത്.

കൂടാതെ, ഓപ്പോ റെനോ7 പ്രോ 5ജി സ്മാർട്ട്ഫോൺ സ്റ്റാർലൈറ്റ് ബ്ലൂ, സ്റ്റാർലൈറ്റ് ബ്ലാക്ക് കളർ ഓപ്ഷനുകളിൽ വിപണിയിൽ എത്തുന്നു. അതേ സമയം ഗാലക്‌സി എ 53 സ്മാർട്ട്ഫോൺ നിങ്ങൾക്ക് നാല് കളർ ഓപ്‌ഷനുകളിൽ ലഭിക്കും. ഓവ്സം ബ്ലാക്ക്, ഓവ്സം ബ്ലൂ, ഓവ്സം പീച്ച്, ഓവ്സം വൈറ്റ് എന്നീ കളർ ഓപ്ഷനുകളിലാണ് സാംസങ് ഗാലക്സി എ53 5ജി സ്മാർട്ട്ഫോൺ ലഭ്യമാകുന്നത്.