സാംസങ് ഗാലക്‌സി എ 71, ഗാലക്‌സി എ 51 സ്മാർട്ഫോണുകൾ ഇപ്പോൾ വിലക്കുറവിൽ നിങ്ങൾക്ക് സ്വന്തമാക്കാം

| Updated: Friday, January 8, 2021, 9:32 [IST]

സാംസങ് ഗാലക്‌സി എ 71, ഗാലക്‌സി എ 51 തുടങ്ങിയ സ്മാർട്ഫോണുകൾ ഇപ്പോൾ ഇന്ത്യയിൽ നിന്നും നിങ്ങൾക്ക് കുറഞ്ഞ വിലയിൽ സ്വന്തമാക്കുവാൻ ഒരവസരം കൈവന്നിരിക്കുകയാണ്. സാംസങ് ഇപ്പോൾ ഈ സ്മാർട്ഫോണുകൾക്ക് 2,000 രൂപ വിലയിളവ് നൽകിയിരിക്കുകയാണ്. ഈ ഫോണുകളുടെ പുതിയ വിലകളും മറ്റ് വിശദാംശങ്ങളും സാംസങ് ഇന്ത്യയുടെ വെബ്‌സൈറ്റിൽ നൽകിയിട്ടുണ്ട്. 4,500 എംഎഎച്ച് ബാറ്ററി, ക്വാഡ് റിയർ ക്യാമറ സെറ്റപ്പ്, 6.7 ഇഞ്ച് ഫുൾ എച്ച്ഡി + ഡിസ്‌പ്ലേ എന്നിവയാണ് സാംസങ് ഗാലക്‌സി എ 71 സ്മാർട്ഫോണിൻറെ പ്രധാനപ്പെട്ട സവിശേഷതകൾ. സാംസങ് ഗാലക്‌സി എ 51ക്ക് 4,000 എംഎഎച്ച് ബാറ്ററിയും ക്വാഡ് റിയർ ക്യാമറ സെറ്റപ്പും, 6.5 ഇഞ്ച് ഫുൾ എച്ച്ഡി + ഡിസ്‌പ്ലേയുമുണ്ട്.

സാംസങ് ഗാലക്‌സി എ 71, ഇന്ത്യയിൽ ഗാലക്‌സി എ 51: വിലയും, ലഭ്യതയും

ഇന്ത്യയിലെ സാംസങ് ഗാലക്‌സി എ 71ൻറെ 8 ജിബി റാം + 128 ജിബി സ്റ്റോറേജ് ഓപ്ഷന് 27,499 രൂപയാണ് വില വരുന്നത്. ഈ വിലയിൽ നിന്ന് 2,000 രൂപ കുറച്ച് 29,499 രൂപയ്ക്ക് നിങ്ങൾക്ക് ഈ ഹാൻഡ്‌സെറ്റ് ഇപ്പോൾ സ്വന്തമാക്കാം. സാംസങ് ഗാലക്‌സി എ 71ൻറെ പുതിയ വില സാംസങ് ഇന്ത്യയുടെ വെബ്‌സൈറ്റിലും ആമസോണിലും ലഭ്യമാണ്. പ്രിസം ക്രഷ് ബ്ലാക്ക്, പ്രിസം ക്രഷ് സിൽവർ, ഹേസ് ക്രഷ് സിൽവർ, പ്രിസം ക്രഷ് ബ്ലൂ കളർ വേരിയന്റുകളിൽ ഈ ഫോൺ വിപണിയിൽ വരുന്നു.

സാംസങ് ഗാലക്‌സി എ 51ന് ഇപ്പോൾ 2,000 രൂപ വില കുറച്ചിട്ടുണ്ട്. ഈ ഹാൻഡ്‌സെറ്റിൻറെ 6 ജിബി റാം + 128 ജിബി സ്റ്റോറേജ് ഓപ്ഷന് 22,999 രൂപയാണ് വില വരുന്നത്. ഇപ്പോൾ വിലയിളവോടുകൂടി 20,999 രൂപയ്ക്ക് ഈ ഹാൻഡ്‌സെറ്റ് വിപണയിൽ ലഭ്യമാണ്. ഈ ഫോണിൻറെ 8 ജിബി റാം + 128 ജിബി സ്റ്റോറേജ് മോഡലിന് ഇപ്പോൾ 22,499 രൂപയാണ് വില വരുന്നത്. ഈ ഹാൻഡ്സെറ്റുകളുടെ പുതിയ വിലകൾ ഇപ്പോൾ സാംസങ് ഇന്ത്യയുടെ വെബ്‌സൈറ്റിലും ആമസോണിലും നിങ്ങൾക്ക് പരിശോധിക്കാവുന്നതാണ്. പ്രിസം ക്രഷ് ബ്ലാക്ക്, പ്രിസം ക്രഷ് വൈറ്റ്, ഹേസ് ക്രഷ് സിൽവർ, പ്രിസം ക്രഷ് ബ്ലൂ കളർ വേരിയന്റുകളിൽ സാംസങ് ഗാലക്‌സി എ 51 വിൽപ്പനയ്‌ക്കെത്തിച്ചിരിക്കുന്നു.

പോക്കോ എം 2, പോക്കോ സി 3 സ്മാർട്ട്ഫോണുകൾ ഇപ്പോൾ വിലകുറവിൽ

സാംസങ് ഗാലക്‌സി എ 71: സവിശേഷതകൾ

ഡ്യൂവൽ നാനോ സിം വരുന്ന സാംസങ് ഗാലക്‌സി എ 71 വൺ യുഐ 2.0 ടോപ്പിലുള്ള ആൻഡ്രോയ്ഡ് 10 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 6.7-ഇഞ്ചുള്ള ഫുൾ എച്ച്ഡി+ (1080x2400 പിക്സലുകൾ) സൂപ്പർ അമോലെഡ് ഇൻഫിനിറ്റി ഒ ഡിസ്‌പ്ലേയാണ് ഈ ഹാൻഡ്സെറ്റിന് നൽകിയിരിക്കുന്നത്. 8 ജിബി റാമും 128 ജിബി സ്റ്റോറേജുമായി ജോടിയാക്കിയ ഒക്ടാകോർ ക്വാൽകോം സ്‌നാപ്ഡ്രാഗൺ 730 SoC പ്രോസസറാണ് ഈ ഹാൻഡ്‌സെറ്റിൻറെ കരുത്ത്.

സാംസങ് ഗാലക്‌സി എ 71: ക്യാമറ സവിശേഷതകൾ

ക്വാഡ് റിയർ ക്യാമറ സെറ്റപ്പ് വരുന്ന സാംസങ് പുതിയ ഗാലക്‌സി എ 71 സ്മാർട്ഫോണിൽ വരുന്നു. 64 മെഗാപിക്സൽ പ്രൈമറി സെൻസർ, 12-മെഗാപിക്സലുള്ള സെക്കണ്ടറി സെൻസർ, 5 മെഗാപിക്സലുള്ള ഡെപ്ത് സെൻസർ, 5 മെഗാപിക്സലുള്ള മാക്രോ ലെൻസുള്ള സെൻസർ എന്നിവയാണ് ഈ ഹാൻഡ്‌സെറ്റിൻറെ ക്യാമറ സെറ്റപ്പിൽ വരുന്നത്. മുൻഭാഗത്ത് 32 മെഗാപിക്സലുള്ള സെൽഫി ക്യാമറയുമുണ്ട്. 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ്/ A-ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് ഈ ഹാൻഡ്‌സെറ്റിലെ കണക്ടിവിറ്റി ഓപ്ഷനുകൾ. ഇൻ-ഡിസ്പ്ലേ ഫിംഗർപ്രിന്റ് സെൻസറും ഫോണിലുണ്ട്. 25W ഫാസ്റ്റ് ചാർജിങ് വരുന്ന 4,500 എംഎഎച്ച് ബാറ്ററിയാണ് സാംസങ് ഗാലക്‌സി എ 71ൽ വരുന്നത്.

സാംസങ് ഗാലക്‌സി എ 51: സവിശേഷതകൾ

6.5 ഇഞ്ച് ഫുൾ എച്ച്ഡി + (1080x2400 പിക്‌സൽ) സൂപ്പർ അമോലെഡ് ഇൻഫിനിറ്റി-ഒ ഡിസ്‌പ്ലേ, ഇൻ-ഡിസ്‌പ്ലേ ഫിംഗർപ്രിന്റ് സെൻസറുള്ള ഡ്യുവൽ നാനോ സിം വരുന്ന സാംസങ് ഗാലക്‌സി എ 51 സവിശേഷതയാണ്. 8 ജിബി റാമും 128 ജിബി സ്റ്റോറേജും വരുന്ന ഒക്ടാകോർ എക്‌സിനോസ് 9611 SoC പ്രോസസറാണ് ഈ സ്മാർട്ട്‌ഫോണിന്റെ കരുത്ത്. മൈക്രോ എസ്ഡി കാർഡ് വഴി 512 ജിബി വരെ സ്റ്റോറേജ് എക്സ്പാൻഡ് ചെയ്യുവാൻ കഴിയും.

സാംസങ് ഗാലക്‌സി എ 51: ക്യാമറ സവിശേഷതകൾ

ഫുൾ എച്ച്ഡി + റെസല്യൂഷൻ വരുന്ന ഈ ഹാൻഡ്‌സെറ്റിന് ഇൻ-ഡിസ്‌പ്ലേ ഫിംഗർപ്രിന്റ് സെൻസറും നൽകിയിട്ടുണ്ട്. ക്വാഡ് റിയർ ക്യാമറ സെറ്റപ്പാണ് ഗാലക്‌സി എ 51 5 ജി ഫോണിലുള്ളത്. 48 മെഗാപിക്സൽ ഷൂട്ടർ, 12 മെഗാപിക്സൽ അൾട്രാവൈഡ് ആംഗിൾ ക്യാമറ, 5 മെഗാപിക്സൽ ഡെപ്ത് സെൻസർ, 5 മെഗാപിക്സൽ മാക്രോ ക്യാമറ എന്നിവ ഉൾപ്പെടുന്നതാണ് ഈ ഹാൻഡ്‌സെറ്റിൻറെ പിൻക്യാമറ സെറ്റപ്പ്. ആൻഡ്രോയിഡ് 10 അടിസ്ഥാനമാക്കിയുള്ള വൺ യുഎഇ 2.0 ലാണ് ഈ ഹാൻഡ്‌സെറ്റ് പ്രവർത്തിക്കുന്നത്. 15W ഫാസ്റ്റ് ചാർജിങ് സപ്പോർട്ട് ചെയ്യുന്ന 4,500 എംഎഎച്ച് ബാറ്ററിയാണ് ഇതിൽ വരുന്നത്. 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി പോർട്ട് തുടങ്ങിയ കണക്ടിവിറ്റി ഓപ്ഷനുകളും ഈ സ്മാർട്ട്ഫോണിലുണ്ട്.