ബജറ്റ് സ്മാർട്ഫോൺ സാംസങ് ഗാലക്‌സി എഫ് 02 എസ് ഫ്ലിപ്പ്കാർട്ടിൽ ഇപ്പോൾ വിൽപ്പനയ്‌ക്ക്

സാംസങ് ഗാലക്‌സി എഫ് 02: ഇന്ത്യയിലെ വില

ഇന്ത്യയിൽ സാംസങ് ഗാലക്‌സി എഫ് 02 എസ്സിൻറെ 3 ജിബി റാം 32 ജിബി സ്റ്റോറേജ് മോഡലിന് 8,999 രൂപയും, ടോപ്പ് എൻഡ് 4 ജിബി റാം 64 ജിബി സ്റ്റോറേജ് മോഡലിന് 9,999 രൂപയുമാണ് വില നൽകിയിട്ടുള്ളത്. ഈ ബജറ്റ് ഫോൺ നിങ്ങൾക്ക് ഡയമണ്ട് ബ്ലാക്ക്, ഡയമണ്ട് ബ്ലൂ, ഡയമണ്ട് വൈറ്റ് എന്നിങ്ങനെ മൂന്ന് കളർ ഓപ്ഷനുകളിൽ ലഭിക്കുന്നതാണ്.

സാംസങ് ഗാലക്‌സി എഫ് 02 എസ്: സവിശേഷതകൾ

ഡ്യുവൽ നാനോ സിം വരുന്ന സാംസങ് ഗാലക്‌സി എഫ് 02 എസ് ആൻഡ്രോയിഡ് 10 അടിസ്ഥാനമായ വൺ യുഐ ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 20:9 ആസ്പെക്റ്റ് റേഷ്യോ വരുന്ന 6.5 ഇഞ്ച് (720x1,600 പിക്‌സൽ) എച്ച്ഡി+ ഇൻഫിനിറ്റി-വി ഡിസ്‌പ്ലേയാണ് ഈ സ്മാർട്ട്ഫോണിന് നൽകിയിരിക്കുന്നത്. 4 ജിബി വരെ റാമിനൊപ്പം പ്രവർത്തിക്കുന്ന ഒക്ടാകോർ ക്വാൽകോം സ്‌നാപ്ഡ്രാഗൺ 450 SoC പ്രോസസ്സറാണ് ഈ ബജറ്റ് ഫോണിന് കരുത്തേകുന്നത്. 13 മെഗാപിക്സൽ പ്രൈമറി സെൻസറും, 2 മെഗാപിക്സൽ ഡെപ്ത് സെൻസറും, മാക്രോ ലെൻസുള്ള 2 മെഗാപിക്സൽ സെൻസറും ചേർന്ന ട്രിപ്പിൾ ക്യാമറ സെറ്റപ്പാണ് ഗാലക്‌സി എഫ് 02 എസിന് ലഭിച്ചിരിക്കുന്നത്. സെൽഫികൾ പകർത്തുവാനും വീഡിയോ ചാറ്റുകൾ ചെയ്യുവാനും ഫോണിൻറെ മുൻവശത്ത് 5 മെഗാപിക്സൽ സെൽഫി ക്യാമറ സെൻസർ നൽകിയിട്ടുണ്ട്. ക്യാമറ ഫീച്ചറുകളിൽ ഡിജിറ്റൽ സൂം, ഓട്ടോ ഫ്ലാഷ്, ഫേസ് റെക്കഗ്നിഷൻ, ടച്ച് ടൂ ഫോക്കസ് എന്നിവ വരുന്നു. അതേസമയം, ഷൂട്ടിംഗ് മോഡുകളിൽ കണ്ടിന്യുയസ് ഷൂട്ടിംഗ്, ഹൈ-ഡൈനാമിക് റേഞ്ച് മോഡ് (എച്ച്ഡിആർ) എന്നിവയുണ്ട്.

64 ജിബി വരെ സ്റ്റോറേജ് കപ്പാസിറ്റിയുള്ള ഈ ഫോണിൻറെ ഇന്റർനാൽ മെമ്മറി മൈക്രോ എസ്ഡി കാർഡ് വഴി 1 ടിബി വരെയായി എക്സ്പാൻഡ് ചെയ്യാം. 15W ഫാസ്റ്റ് ചാർജിംഗ് സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയാണ് സാംസങ് ഗാലക്‌സി എഫ് 02 എസിൽ നൽകിയിട്ടുള്ളത്. 4ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവയാണ് കണക്റ്റിവിറ്റി ഓപ്ഷനുകളിൽ വരുന്നത്.