സാംസങ് ഗാലക്‌സി എഫ് 62 ഇപ്പോൾ ഓഫ്‌ലൈൻ സ്റ്റോറുകളിൽ വിൽപ്പനയ്ക്ക്

സാംസങ് ഗാലക്‌സി എഫ് 62 വിലയും ഓഫറുകളും

6 ജിബി റാമും 128 ജിബി സ്റ്റോറേജ് വരുന്ന ഗാലക്‌സി എഫ് 62 ന്റെ ബേസിക് മോഡലിന് 23,999 രൂപയും, 8 ജിബി റാം + 128 ജിബി മോഡലിന് 25,999 രൂപയുമാണ് വില വരുന്നത്. ഐസിഐസിഐ ബാങ്ക് ക്രെഡിറ്റ്, ഡെബിറ്റ് കാർഡുകളിൽ നിങ്ങൾക്ക് 2,500 രൂപ തൽക്ഷണ കിഴിവ് ലഭിക്കും. കൂടാതെ, നിങ്ങൾക്ക് ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡിൽ അഞ്ച് ശതമാനം അൺലിമിറ്റഡ് ക്യാഷ്ബാക്കും ലഭിക്കും. ഫ്ലിപ്കാർട്ടിലെ റിലയൻസ് ഡിജിറ്റൽ സ്റ്റോറുകൾ മറ്റ് ബാങ്ക് ഉപയോക്താക്കൾക്കും 1,000 രൂപ തൽക്ഷണ കിഴിവ് ലഭിക്കും. മാർച്ച് 15 വരെ നിങ്ങൾക്ക് ഈ ഓഫറുകൾ ഉപയോഗപ്പെടുത്താവുന്നതാണ്.

സാംസങ് ഗാലക്‌സി എഫ് 62: സവിശേഷതകൾ

ഡ്യുവൽ നാനോ സിം വരുന്ന സാംസങ് ഗാലക്‌സി എഫ് 62 സ്മാർട്ട്ഫോൺ ആൻഡ്രോയിഡ് 11 ബേസ്ഡ് വൺ യുഐ 3.1ലാണ് പ്രവർത്തിക്കുന്നത്. 6.7 ഇഞ്ച് ഫുൾ എച്ച്ഡി + (1080x2400) സൂപ്പർ അമോലെഡ് പ്ലസ് ഇൻഫിനിറ്റി-ഒ ഡിസ്‌പ്ലേയുള്ള ഈ ഡിവൈസിൽ 8 ജിബി വരെയാണ് റാം വരുന്നത്. എക്‌സിനോസ് 9825 SoC പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണിൽ 128 ജിബി സ്റ്റോറേജുണ്ട്. മൈക്രോ എസ്ഡി കാർഡ് വഴി 1 ടിബി വരെ സ്റ്റോറേജ് എക്സ്പാൻഡ് ചെയ്യുവാനും ഈ ഹാൻഡ്‌സെറ്റിൽ സാധിക്കും.

സാംസങ് ഗാലക്‌സി എഫ് 62: ക്യാമറ സവിശേഷതകൾ

സാംസങ് ഗാലക്സി എഫ് 62 സ്മാർട്ട്ഫോണിൽ ക്വാഡ് ക്യാമറ സെറ്റപ്പിൽ 64 മെഗാപിക്സൽ സോണി ഐഎംഎക്സ് 682 പ്രൈമറി സെൻസർ, 123 ഡിഗ്രി ഫീൽഡ്-വ്യൂവിന്റെ അൾട്രാ വൈഡ് ആംഗിൾ ലെൻസുള്ള 12 മെഗാപിക്സൽ സെക്കൻഡറി സെൻസർ, 5 മെഗാപിക്സൽ മാക്രോ ഷൂട്ടർ, 5 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്നു. സെൽഫികൾക്കും വീഡിയോ കോളുകൾക്കുമായി സാംസങ് ഗാലക്‌സി എഫ് 62 സ്മാർട്ട്ഫോണിന്റെ മുൻവശത്ത് 32 മെഗാപിക്സൽ ക്യാമറ സെൻസറുണ്ട്.

25W ഫാസ്റ്റ് ചാർജിങ് സപ്പോർട്ട് ചെയ്യുന്ന 7,000 എംഎഎച്ച് ബാറ്ററി

സാംസങ് ഗാലക്‌സി എഫ് 62 സ്മാർട്ട്ഫോണിന്റെ മുന്നിലും പിന്നിലുമുള്ള ക്യാമറകൾക്ക് 4കെ വീഡിയോ റെക്കോർഡിങ് സവിശേഷതയുണ്ട്. വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവയാണ് സാംസങ് ഗാലക്‌സി എഫ് 62 സ്മാർട്ട്ഫോണിലെ കണക്റ്റിവിറ്റി ഓപ്ഷനുകൾ. സൈഡ് മൌണ്ട് ചെയ്ത ഫിംഗർപ്രിന്റ് സെൻസറും സ്മാർട്ട്ഫോണിലുണ്ട്. 25W ഫാസ്റ്റ് ചാർജിങ് സപ്പോർട്ട് ചെയ്യുന്ന 7,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിൽ നൽകിയിരിക്കുന്നത്.