സാംസങ് ഗാലക്‌സി എം 02 സ്മാർട്ഫോണിൻറെ വില 500 രൂപ വർദ്ധിപ്പിച്ചു

അതിനാൽ, നിങ്ങൾ ഗാലക്‌സി എം 02 ൻറെ 2 ജിബി റാം + 32 ജിബി സ്റ്റോറേജ് മോഡലിന് 7,499 രൂപയും, 3 ജിബി റാം + 32 ജിബി സ്റ്റോറേജ് വേരിയന്റിന് 7,999 രൂപയുമാണ് ഇപ്പോൾ വില വരുന്നത്. കറുപ്പ്, നീല, ചുവപ്പ്, ഗ്രേ കളർ ഓപ്ഷനുകളിൽ ഈ സ്മാർട്ഫോൺ വിപണിയിൽ വരുന്നു. 6.5 ഇഞ്ച് എച്ച്ഡി + ഇൻഫിനിറ്റി വി ഡിസ്‌പ്ലേയുള്ള സാംസങ് ഗാലക്‌സി എം02 മികച്ച കാഴ്ച്ചാനുഭവം ലഭ്യമാക്കുമെന്ന് കമ്പനി അവകാശപ്പെടുന്നു.

3 ജിബി റാമും 32 ജിബി സ്റ്റോറേജുമുള്ള ഈ ഹാൻഡ്‌സെറ്റിന് കരുത്ത് പകരുന്നത് എൻട്രി ലെവൽ മീഡിയാടെക് MT6739 ക്വാഡ് കോർ SoC 1.5GHz ക്ലോക്ക് ചെയ്യ്ത പ്രോസസറാണ്. 1 ടിബി വരെ സ്റ്റോറേജ് എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടും ഈ ഹാൻഡ്‌സെറ്റിൽ നൽകിയിട്ടുണ്ട്. 5000 എംഎഎച്ച് ബാറ്ററിയാണ് ഡിവൈസിൽ വരുന്നത്. ഫാസ്റ്റ് ചാർജിങ് സപ്പോർട്ട് ഇതിൽ നൽകിയിട്ടില്ല.

ഗാലക്‌സി എം02 സ്മാർട്ട്ഫോണിനറെ പിൻവശത്ത് രണ്ട് ക്യാമറകളാണ് വരുന്നത്. 13 മെഗാപിക്സൽ പ്രൈമറി സെൻസറിനൊപ്പം നൽകിയിരിക്കുന്നത് 2 മെഗാപിക്സൽ സെൻസറാണ്. സെൽഫികൾക്കും വീഡിയോ കോളുകൾക്കുമായി ഈ സ്മാർട്ഫോണിൽ 5 മെഗാപിക്സൽ സെൽഫി ഷൂട്ടറും കമ്പനി നൽകിയിട്ടുണ്ട്. ആൻഡ്രോയിഡ് 10 ബേസ്ഡ് വൺ യുഐ സോഫ്റ്റ്‌വെയർ പ്ലാറ്റ്‌ഫോമിലാണ് ഈ സ്മാർട്ട്ഫോൺ പ്രവർത്തിക്കുന്നത്.

10W ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഈ ഫോണിന് വരുന്നത്. 4ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകളിൽ വരുന്നത്.