പുതിയ ബജറ്റ് സ്മാർട്ട്ഫോൺ സാംസങ് ഗാലക്‌സി എം 21 2021 എഡിഷൻ ജൂലൈ 21 ന് അവതരിപ്പിക്കും

ഗാലക്‌സി എം 21 2021 എഡിഷൻ സ്മാർട്ട്‌ഫോൺ ജൂലൈ 21 ന് ആമസോൺ ഇന്ത്യയുടെ വെബ്‌സൈറ്റിൽ വിപണിയിലെത്തുമെന്ന് സാംസങ് ഔദ്യോഗികമായി സ്ഥിരീകരിച്ചു. ഗാലക്‌സി എം 21 2021 എഡിഷനായുള്ള ആമസോൺ പേജ് പ്രൈം ഡേ സെയിൽ റിലീസിൽ സൂചന നൽകുന്നു. ആമസോൺ പ്രൈം ഡേ 2021 സെയിൽ ജൂലൈ 26 അർദ്ധരാത്രിയിൽ ആരംഭിച്ച് ജൂലൈ 27 വരെ തുടരും. ഈ പറഞ്ഞിരിക്കുന്ന തീയതി ഉച്ചയ്ക്ക് കൃത്യം 12:00 മണിക്ക് നടക്കും.

സാംസങ് ഗാലക്‌സി എം 21 2021 സ്മാർഫോണിൻറെ സവിശേഷതകളും, വിലയും

റിലീസിന് മുൻപായി ഗാലക്‌സി എം 21 2021 എഡിഷൻറെ മികച്ച സവിശേഷതകൾ കമ്പനി ഇതിനകം വെളിപ്പെടുത്തിയിട്ടുണ്ട്. ഗാലക്‌സി എം 21 2021 എഡിഷൻറെ ഔദ്യോഗിക ആമസോൺ പേജ് അനുസരിച്ച്, 6000 എംഎഎച്ച് ബാറ്ററിയാണ് ഈ സ്മാർട്ട്ഫോണിലുള്ളത്. അതിനാൽ, ഒരു ദിവസം മുഴുവൻ ഈ ഹാൻഡ്‌സെറ്റിൽ ചാർജ് നിലനിൽക്കുമെന്ന് കമ്പനി അവകാശപ്പെടുന്നു.

പുതിയ ബജറ്റ് സ്മാർട്ട്ഫോൺ സാംസങ് ഗാലക്‌സി എം 21 2021 എഡിഷൻ ജൂലൈ 21 ന് അവതരിപ്പിക്കും

ഗാലക്‌സി എം 21 2021 എഡിഷനും 48 മെഗാപിക്സൽ ട്രിപ്പിൾ റിയർ ക്യാമറ സംവിധാനവുമായി ജോടിയാക്കുമെന്ന് സ്ഥിരീകരിച്ചു. മറ്റ് രണ്ട് സെൻസറുകളുടെയും ഫ്രണ്ട് ക്യാമറ ലെൻസിൻറെയും വിശദാംശങ്ങൾ സാംസങ് ഇതുവരെ വെളിപ്പെടുത്തിയിട്ടില്ല. സാംസങ് ഗാലക്‌സി എം 21 2021 എഡിഷനിൽ 6.4 ഇഞ്ച് എഫ്എച്ച്ഡി + സൂപ്പർ അമോലെഡ് ഡിസ്‌പ്ലേ, ഇൻഫിനിറ്റി യു കട്ട്ഔട്ട്, ചുറ്റും സ്ലിം ബെസലുകൾ എന്നിവ ഉൾപ്പെടുമെന്ന് ആമസോൺ ലിസ്റ്റിംഗ് വെളിപ്പെടുത്തുന്നു. ഇന്ത്യയിൽ ഗാലക്‌സി എം 21 2021 എഡിഷൻറെ വില സാംസങ് ഇതുവരെ വെളിപ്പെടുത്തിയിട്ടില്ലെങ്കിലും ചോർച്ചകളും അഭ്യൂഹങ്ങളും സൂചിപ്പിക്കുന്നത് 15,000 രൂപയ്ക്ക് താഴെ വില വരുമെന്നാണ്. സാംസങ് ഈ സ്മാർട്ഫോണിന് കൃത്യമായി എത്ര രൂപ വില വരുമെന്ന് ഇതുവരെ വെളിപ്പെടുത്തിയിട്ടില്ല.