ഇന്ത്യയിൽ സാംസങ് ഗാലക്‌സി എം 21ന് 1,000 രൂപ വിലകുറവ്

സാംസങ് ഇന്ത്യയുടെ ഇ-സ്റ്റോറിൽ പുതിയ വിലയിലാണ് ഹാൻഡ്‌സെറ്റുകൾ പട്ടികപ്പെടുത്തിയിരിക്കുന്നത്. ലോക്ക്ഡൗൺ അവസാനിച്ചുകഴിഞ്ഞാൽ മറ്റ് ഇ-കൊമേഴ്‌സ് പ്ലാറ്റ്‌ഫോമുകളായ ആമസോൺ, ഫ്ലിപ്കാർട്ട് എന്നിവയിലൂടെയും പുതിയ വിലയിൽ ഫോൺ നിങ്ങൾക്ക് സ്വന്തമാക്കാവുന്നതാണ്. ഗ്രേഡിയൻറ് ബാക്ക് ഫിനിഷും വാട്ടർഡ്രോപ്പ് നോച്ചുള്ള ഇൻഫിനിറ്റി U-ഡിസ്‌പ്ലേയുമാണ് ഈ ഹാൻഡ്സെറ്റിനുള്ളത്. 6,000 mAh ബാറ്ററിയാണ് സാംസങ് ഗാലക്‌സി M21 സ്മാർട്ഫോണിൽ കമ്പനി നൽകിയിരിക്കുന്നത്. ഇന്ത്യൻ സ്മാർട്ഫോൺ വിപണിയിൽ റിയൽമി 6, റെഡ്മി നോട്ട് 9 പ്രൊ എന്നീ സ്മാർട്ഫോണുകളുമായാണ് സാംസങ് ഗാലക്‌സി M21 മത്സരിക്കുന്നത്.

മിഡ്നൈറ്റ് ബ്ലൂ, രാവൻ ബ്ലാക്ക് എന്നിങ്ങനെ രണ്ട് കളർ ഓപ്‌ഷനുകളിലാണ് ഈ സ്മാർട്ഫോൺ വരുന്നത്. ഡ്യൂവൽ സിമ്മുള്ള (നാനോ) സാംസങ് ഗാലക്‌സി M21 പ്രവർത്തിക്കുന്നത് വൺ UI 2.0 അടിസ്ഥാനമായുള്ള ആൻഡ്രോയിഡ് 10-ലാണ്. 6.4-ഇഞ്ചുള്ള ഫുൾ-HD+ (1080x2340 പിക്സൽ) ഇൻഫിനിറ്റി-U സൂപ്പർ അമോലെഡ് ഡിസ്പ്ലേയാണ് ഹാൻഡ്സെറ്റിനുള്ളത്. 19.5:9 ആണ് ആസ്പെക്ട് റെഷിയോ. കോർണിങ് ഗൊറില്ല ഗ്ലാസ് 3 സുരക്ഷയും ഫോണിനുണ്ട്. ഒക്ട-കോർ എക്സൈനോസ് 9611 SoC ആണ് സാംസങ് ഗാലക്‌സി M21 സ്മാർട്ഫോണിന് കരുത്തേകുന്നത്.

Mali-G72 MP3 GPU, 6 ജിബി LPDDR4x റാം എന്നിവയുമായാണ് ഈ പ്രൊസസർ പെയർ ചെയ്തിരിക്കുന്നത്. 48-മെഗാപിക്സൽ പ്രൈമറി സെൻസർ, 8-മെഗാപിക്സൽ അൾട്രാ-വൈഡ്-ആംഗിൾ ലെൻസ്, 5-മെഗാപിക്സൽ ഡെപ്ത് സെൻസർ എന്നിവ അടങ്ങുന്നതാണ് ഫോണിന്റെ ട്രിപ്പിൾ റിയർ ക്യാമറ സവിശേഷത. സെൽഫികൾക്കും വീഡിയോ കോളുകൾക്കുമായി മുൻഭാഗത്ത് 20-മെഗാപിക്സൽ സെൻസർ നൽകിയിട്ടുണ്ട്. ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള സവിശേഷതകൾ ക്യാമറ സപ്പോർട്ട് ചെയ്യും. കൂടാതെ ഫേസ് അൺലോക്ക് ഓപ്‌ഷനുമുണ്ട്.

സാംസങ് ഗാലക്‌സി M31 ഹാൻഡ്‌സെറ്റിന്റെ പിറകിൽ 64-മെഗാപിക്സൽ പ്രൈമറി സെൻസറടക്കമുള്ള നാല് ക്യാമറകളും 32-മെഗാപിക്സൽ സെൽഫി ക്യാമറയുമാണുള്ളത്. സാംസങ് ഗാലക്‌സി M21 സ്മാർട്ഫോണിന് 128 ജിബി ഓൺബോർഡ് സ്റ്റോറേജാണ് കമ്പനി നൽകിയിരിക്കുന്നത്. ഇത് ഒരു മൈക്രോഎസ്ഡി കാർഡിന്റെ സഹായത്തോടെ 512 ജിബി വരെ വർധിപ്പിക്കാനും കഴിയും. 4G വോൾട്ട്, വൈ-ഫൈ, ബ്ലൂടൂത്ത്, GPS/ A-GPS, USB ടൈപ്പ്-സി, ഒരു 3.5mm ഹെഡ്‍ഫോൺ ജാക്ക് തുടങ്ങിയ കണക്ടിവിറ്റി ഓപ്‌ഷനുകളാണ് സാംസങ് ഗാലക്‌സി M21 സ്മാർട്ഫോണിലുള്ളത്. 15W ഫാസ്റ്റ് ചാർജിങും ഫോൺ പിന്തുണയിക്കുന്നു.