ഇന്ത്യയിൽ 1,000 രൂപ വില കുറവിൽ നിങ്ങൾക്ക് സ്വന്തമാക്കാം സാംസങ് ഗാലക്‌സി എം 21

സാംസങ് ഗാലക്‌സി എം 21 പുതിയ വില

1,000 രൂപ ഡിസ്‌കൗണ്ട് വരുന്ന 4 ജിബി, 6 ജിബി റാം മോഡലുകളുടെ വിൽപ്പന നിലവിൽ ഓഫ്‌ലൈൻ വിപണിയിൽ മാത്രമായി പരിമിതപ്പെടുത്തിയിരിക്കുന്നു. സാംസങ് ഗാലക്‌സി എം 21 4 ജിബി റാം + 64 ജിബി സ്റ്റോറേജ് മോഡലിന് നേരത്തെ 12,999 രൂപയായിരുന്നു വില, ഇപ്പോൾ ഈ മോഡൽ 11,999 രൂപയ്ക്ക് നിങ്ങൾക്ക് സ്വന്തമാക്കാവുന്നതാണ്. 6 ജിബി റാം + 128 ജിബി സ്റ്റോറേജിൻറെ ഉയർന്ന മോഡലിന് 14,999 രൂപയാണ് വില വരുന്നത്. എന്നാൽ, ഇപ്പോൾ ഇന്ത്യയിൽ 13,999 രൂപയ്ക്ക് ലഭ്യമാണ്. ഓൺലൈൻ റീട്ടെയിലർമാർ സാംസങ് ഗാലക്‌സി എം 21 യഥാക്രമം 12,999 രൂപ, 14,999 രൂപ വിലയ്ക്ക് വിൽക്കുന്നത് തുടരുന്നു. ഈ ഹാൻഡ്‌സെറ്റ് കറുപ്പ്, നീല കളർ ഓപ്ഷനുകളിൽ നിങ്ങൾക്ക് വാങ്ങാവുന്നതാണ്.

സാംസങ് ഗാലക്‌സി എം 21: സവിശേഷതകൾ

കമ്പനിയിൽ നിന്നുള്ള 'മോൺസ്റ്റർ' സ്മാർട്ട്‌ഫോണുകളിൽ ഒന്നാണ് സാംസങ് ഗാലക്‌സി എം 21. ഇതിന് 6.5 ഇഞ്ച് സൂപ്പർ അമോലെഡ് എഫ്എച്ച്ഡി + ഡിസ്പ്ലേ വാട്ടർ ഡ്രോപ്പ് നോച്ചുമായി വരുന്നു. 48 എംപി പ്രൈമറി ഷൂട്ടർ, 8 എംപി അൾട്രാ വൈഡ് ആംഗിൾ ലെൻസ്, 5 എംപി ഡെപ്ത് സെൻസർ എന്നിവയുള്ള ട്രിപ്പിൾ ക്യാമറ സെറ്റപ്പ് ഈ ഫോണിൽ ഉൾപ്പെടുന്നു. സെൽഫികൾക്കും വീഡിയോ കോളിംഗിനുമായി 20 എംപി ക്യാമറ ഹാൻഡ്‌സെറ്റിന് മുന്നിൽ നൽകിയിരിക്കുന്നു.

സാംസങ് ഗാലക്‌സി എം 21 ലെ ക്യാമറകൾക്ക് 4 കെയിൽ വീഡിയോകൾ റെക്കോർഡ് ചെയ്യാനും നിരവധി സവിശേഷതകൾ നൽകുവാനും കഴിയും. ഗാലക്‌സി എം 31, ഗാലക്‌സി എ 50, എന്നിവയിൽ കാണുന്നതുപോലെ എക്‌സിനോസ് 9611 ചിപ്‌സെറ്റാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. മൈക്രോ എസ്ഡി കാർഡ് വഴി 512 ജിബി വരെ എക്സ്പാൻഡ് ചെയ്യുവാൻ കഴിയുന്നതും, 6 ജിബി റാമും 128 ജിബി സ്റ്റോറേജുമായി ഈ ചിപ്‌സെറ്റ് ജോടിയാക്കുന്നു.

15W ഫാസ്റ്റ് ചാർജിംഗ് സപ്പോർട്ടുള്ള 6,000 mAh ബാറ്ററിയാണ് ഈ ഫോണിൽ ഉൾപ്പെടുന്നത്. സാംസങ് വൺയുഐ 2.0 കസ്റ്റം സ്കിൻ വരുന്ന ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ ഈ ഹാൻഡ്‌സെറ്റ് പ്രവർത്തിക്കുന്നു. ഉപയോക്താക്കൾക്ക് ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലും അപ്‌ഡേറ്റ് ചെയ്യാൻ കഴിയും. 1,000 രൂപ കിഴിവ് വരുന്ന ഈ സാംസങ് ഗാലക്സി എം 21 ന് കാര്യക്ഷമമായ പ്രോസസറും വലിയ ബാറ്ററിയും ലഭിക്കുന്നു.