സാംസങ് ഗാലക്‌സി എം 32 5 ജി സ്മാർട്ഫോൺ ഈ ആഴ്ച്ച ഇന്ത്യയിൽ അവതരിപ്പിക്കും

സാംസങ് ഗാലക്‌സി എം 32 5 ജിയുടെ സവിശേഷതകൾ വെളിപ്പെടുത്തി

ഔദ്യോഗികമായി അവതരിപ്പിക്കുന്നതിന് മുൻപുതന്നെ വരാനിരിക്കുന്ന സാംസങ് ഗാലക്‌സി എം 32 5 ജി സ്മാർട്ട്‌ഫോണിൻറെ ചില പ്രധാനപ്പെട്ട സവിശേഷതകൾ സാംസങ് ഇപ്പോൾ വെളിപ്പെടുത്തിയിട്ടുണ്ട്. ഈ 5 ജി സ്മാർട്ഫോണിന് കരുത്തേകുന്നത് 12 ബാൻഡ്സ് സപ്പോർട്ടുള്ള മീഡിയടെക് ഡൈമെൻസിറ്റി 720 SoCപ്രോസസറാണെന്നുള്ള കാര്യം സ്ഥിരീകരിച്ചു. അഭ്യൂഹങ്ങളും ചോർച്ചകളും സാംസങ് ഗാലക്‌സി എം 32 5 ജിയുടെ ചില പ്രധാന വിശദാംശങ്ങളും വെളിപ്പെടുത്തിയിട്ടുണ്ട്. ചോർച്ചകൾ അനുസരിച്ച്, 6.5 ഇഞ്ച് ടിഎഫ്ടി ഇൻഫിനിറ്റി-വി എച്ച്ഡി+ ഡിസ്പ്ലേ, 60 ഹെർട്സ് റിഫ്രഷ് റേറ്റ്, ആൻഡ്രോയിഡ് 11 അധിഷ്ഠിത വൺയുഐ 3.1 കസ്റ്റം സ്കിൻ, 5000 എംഎഎച്ച് ബാറ്ററി, 48 എംപി ക്വാഡ് റിയർ ക്യാമറ സിസ്റ്റം, 6 ജിബി റാം, കൂടാതെ 128 ജിബി സ്റ്റോറേജുമുണ്ട്.

സാംസങ് ഗാലക്‌സി എം 32 5 ജിയ്ക്ക് ഇന്ത്യയിൽ പ്രതീക്ഷിക്കുന്ന വില

രാജ്യത്ത് ലഭ്യമായ ഏറ്റവും വിലകുറഞ്ഞ 5 ജി സ്മാർട്ട്ഫോണുകളിൽ ഒന്നാണിത്. വരാനിരിക്കുന്ന ഗാലക്‌സി എം 32 5 ജിയുടെ വില സാംസങ് ഇതുവരെ വെളിപ്പെടുത്തിയിട്ടില്ലെങ്കിലും ഈ സ്മാർട്ട്ഫോണിന് 15,000 രൂപ മുതൽ 20,000 രൂപ വരെ വിലയുണ്ടെന്ന് അഭ്യൂഹങ്ങൾ സൂചിപ്പിക്കുന്നു. ഗാലക്‌സി എം 32 5 ജി 21,999 രൂപ വിലയിൽ ആരംഭിക്കുന്ന ഗാലക്‌സി എം 42 5 ജി സ്മാർട്ട്‌ഫോണിനേക്കാൾ വിലകുറഞ്ഞതായിരിക്കുമെന്ന് അഭ്യൂഹങ്ങളും ചോർച്ചകളും സൂചിപ്പിക്കുന്നുണ്ട്.

സാംസങ് ഗാലക്‌സി എം 32 5 ജിയുടെ ലഭ്യത

സാംസങ് ഗാലക്‌സി എം 32 5 ജി ഇപ്പോൾ ആമസോൺ ഇന്ത്യ വെബ്സൈറ്റിൽ സൂചിപ്പിച്ചിട്ടുണ്ട്. ആമസോൺ ഇന്ത്യ വെബ്‌സൈറ്റിൽ മാത്രമല്ല കമ്പനിയുടെ ഔദ്യോഗിക ഇ-സ്റ്റോറിൽ നിന്നും വരാനിരിക്കുന്ന സാംസങ് സ്മാർട്ട്‌ഫോൺ വാങ്ങാൻ ലഭ്യമാണെന്ന് സൂചിപ്പിക്കുന്നു. എന്നാൽ, കൃത്യമായൊരു വിൽപ്പന തീയതി ഇതുവരെ കമ്പനി വ്യക്തമാക്കിയിട്ടില്ല. സാംസങ് ഗാലക്‌സി എം 32 5 ജി നിലവിലുള്ള 4 ജി മോഡലിൻറെ അപ്ഗ്രേഡഡ് എഡിഷനായിരിക്കുമെന്ന് പ്രതീക്ഷിക്കുന്നു.

സാംസങ് ഗാലക്‌സി എം 32 5 ജി ഒരു വലിയ സ്ക്രീൻ, ശക്തമായ ഹാർഡ്‌വെയർ സംവിധാനം തുടങ്ങിയ ഫീച്ചറുകളുമായി വരുന്നു. ഗാലക്‌സി എം 32 4 ജിയിൽ 6.4 ഇഞ്ച് സൂപ്പർ അമോലെഡ് ഡിസ്പ്ലേ, മീഡിയടെക് ഹീലിയോ ജി80 SoC പ്രോസസർ, 128 ജിബി വരെ ഇന്റേണൽ സ്റ്റോറേജ്, 64 മെഗാപിക്‌സൽ ക്വാഡ് റിയർ ക്യാമറ സിസ്റ്റം, 6000 എംഎഎച്ച് ബാറ്ററി, ഫാസ്റ്റ് ചാർജിംഗ് സപ്പോർട്ട് എന്നിവയുമുണ്ട്.