സാംസങ് ഗാലക്‌സി എം 32 സ്മാർട്ട്‌ഫോൺ ഇന്ന് ഇന്ത്യയിൽ വിൽപ്പനയ്ക്കെത്തും

ലോഞ്ച് ഓഫറിൻറെ ഭാഗമായി സാംസങ് ഗാലക്‌സി എം 32 സ്മാർട്ഫോൺ നിങ്ങൾ ഐസിഐസിഐ ബാങ്ക് ഡെബിറ്റ്, ക്രെഡിറ്റ് കാർഡുകൾ ഉപയോഗിച്ച് വാങ്ങുമ്പോൾ 1,250 രൂപ വരെ കിഴിവ് നൽകുന്നു. ഇത് വില ഇനിയും കുറയ്ക്കുമെന്ന് പറയുന്നുണ്ട്. സാംസങ് ഗാലക്‌സി എം 32 വിൽപ്പന ഇന്ന് ഉച്ചയ്ക്ക് കൃത്യം 12:00 മണിക്ക് ആമസോൺ.ഇൻ, സാംസങ്.കോം വെബ്‌സൈറ്റിൽ ആരംഭിക്കും. സാംസങ് സാധാരണയായി സ്മാർട്ഫോണുകൾ ആവശ്യമായ സ്റ്റോക്കിൽ നൽകുന്നുവെന്ന് പ്രതീക്ഷിക്കുന്നു. ഇളം നീല, കറുപ്പ് എന്നീ രണ്ട് നിറങ്ങളിൽ ഈ സ്മാർട്ട്ഫോൺ ലഭ്യമാണ്.

സാംസങ് ഗാലക്‌സി എം 32 സ്മാർട്ഫോണിൻറെ സവിശേഷതകൾ

ഡ്യുവൽ നാനോ സിം വരുന്ന സാംസങ് ഗാലക്‌സി എം 32 ആൻഡ്രോയിഡ് 11 ടോപ്പ് യുഐ 3.1 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 90 ഹെർട്സ് റിഫ്രഷ് റേറ്റും, 800 നിറ്റ്സ് ബറൈറ്നെസുമുള്ള 6.4 ഇഞ്ച് ഫുൾ എച്ച്ഡി + സൂപ്പർ അമോലെഡ് ഡിസ്‌പ്ലേയാണ് ഇതിൽ നൽകിയിരിക്കുന്നത്. 6 ജിബി വരെ റാമിനൊപ്പം ഒക്ടാകോർ മീഡിയടെക് ഹിലിയോ ജി 80 SoC പ്രോസസറാണ് ഈ സ്മാർട്ട്‌ഫോണിന് കരുത്ത് പകരുന്നത്. ഫോട്ടോകൾ എടുക്കുവാനും വീഡിയോകൾ പകർത്തുവാനും 64 മെഗാപിക്സൽ പ്രൈമറി സെൻസറും 8 മെഗാപിക്സൽ അൾട്രാ-വൈഡ് ഷൂട്ടർ, 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സംവിധാനമാണ് ഗാലക്‌സി എം 32ൽ നൽകിയിട്ടുള്ളത്. ഗാലക്‌സി എം 32 ൻറെ മുൻവശത്ത് 20 മെഗാപിക്സൽ സെൽഫി ക്യാമറ സാംസങ് നൽകിയിട്ടുണ്ട്.

സാംസങ് ഗാലക്‌സി എം 32 ന് 128 ജിബി വരെ ഓൺ‌ബോർഡ് സ്റ്റോറേജ് ഉണ്ട്. ഇത് മൈക്രോ എസ്ഡി കാർഡ് വഴി സ്ലോട്ടിലൂടെ എക്സ്പാൻഡ് ചെയ്യാവുന്നതാണ്. 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഈ സ്മാർട്ട്ഫോണിലുണ്ട്. 130 മണിക്കൂർ വരെ മ്യൂസിക് പ്ലേബാക്ക്, 40 മണിക്കൂർ ടോക്ക് ടൈം, അല്ലെങ്കിൽ 25 മണിക്കൂർ വീഡിയോ പ്ലേബാക്ക് എന്നിവ ഒറ്റ ചാർജിൽ എത്തിക്കുമെന്ന് അവകാശപ്പെടുന്ന 6,000 എംഎഎച്ച് ബാറ്ററിയാണ് സാംസങ് ഗാലക്‌സി എം 32ൽ ഉൾപ്പെടുത്തിയിരിക്കുന്നത്. ബോക്സിൽ 15W ചാർജർ ഉണ്ടെങ്കിലും 25W ഫാസ്റ്റ് ചാർജിംഗിനെ ഈ സ്മാർട്ഫോൺ സപ്പോർട്ട് ചെയ്യുന്നു. ഇതിന് 159.3x74.0x9.3 മില്ലിമീറ്റർ അളവും 96 ഗ്രാം ഭാരവുമുണ്ട്.