ക്വാഡ് ക്യാമറ സെറ്റപ്പ്, വാട്ടർ ഡ്രോപ്പ് ഡിസ്‌പ്ലേയുമായി സാംസങ് ഗാലക്‌സി എം 42 5 ജി അവതരിപ്പിച്ചു

സാംസങ് ഗാലക്‌സി എം 42 5 ജി സ്മാർട്ഫോണിൻറെ വില വിശദാംശങ്ങൾ

8 ജിബി എൽപിഡിഡിആർ 4 എക്‌സ് റാം സപ്പോർട്ടുമായി സാംസങ് ഗാലക്‌സി എം 42 5 ജി വരുന്നു. സാംസങ് ഗാലക്‌സി എം 42 5 ജിയുടെ 6 ജിബി റാം + 128 ജിബി സ്റ്റോറേജ് മോഡലിന് 21,999 രൂപയും, 8 ജിബി റാം + 128 ജിബി സ്റ്റോറേജ് മോഡലിന് 23,999 രൂപയും, 6 ജിബി റാം + 128 ജിബി സ്റ്റോറേജ് മോഡലിന് 19,999 രൂപയുമാണ് വില വരുന്നത്. ഗാലക്‌സി എം 42 5 ജി സ്മാർട്ഫോൺ പ്രിസം ഡോട്ട് ബ്ലാക്ക്, പ്രിസം ഡോട്ട് ഗ്രേ നിറങ്ങളിൽ ലഭ്യമാണ്.

സാംസങ് ഗാലക്‌സി എം 42 5 ജി സ്മാർട്ഫോണിൻറെ മികച്ച സവിശേഷതകൾ

ഏറ്റവും പുതിയ സാംസങ് സ്മാർട്ട്‌ഫോണിൻറെ പ്രധാന സവിശേഷതകളിൽ ഒന്ന് 5 ജി സപ്പോർട്ട് തന്നെയാണ്. ഗാലക്‌സി എം 42 5 ജി സ്മാർട്ഫോണുമായി വിപണിയിൽ ഈ ദക്ഷിണ കൊറിയൻ കമ്പനി റിയൽമി 8 പ്രോ, റെഡ്മി നോട്ട് 10 പ്രോ മാക്‌സ് തുടങ്ങിയ സ്മാർട്ട്‌ഫോണുകൾ സ്വന്തമാക്കാനാണ് ലക്ഷ്യമിടുന്നത്. 8 ജിബി എൽപിഡിഡിആർ 4 എക്സ് റാമുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 750 ജി SoC പ്രോസസറാണ് സാംസങ് ഗാലക്‌സി എം 42 5 ജിക്ക് മികച്ച പ്രവർത്തനക്ഷമത നൽകുന്നത്.

സാംസങ് ഗാലക്‌സി എം 42 5 ജി സ്മാർട്ഫോണിൻറെ ക്യാമറ സവിശേഷതകൾ

48 മെഗാപിക്സൽ ജിഎം 2 പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ആംഗിൾ ക്യാമറ, 5 മെഗാപിക്സൽ മാക്രോ സെൻസർ, 5 മെഗാപിക്സൽ ഡെപ്ത് സെൻസർ എന്നിവയുള്ള ക്വാഡ് റിയർ ക്യാമറ സംവിധാനമാണ് സാംസങ് ഗാലക്‌സി എം 42 5 ജിയിൽ നൽകിയിട്ടുള്ളത്. സിംഗിൾ ടേക്ക്, നൈറ്റ് മോഡ്, ഹൈപ്പർലാപ്സ്, സൂപ്പർ സ്ലോ മോഷൻ, സീൻ ഒപ്റ്റിമൈസർ, ഫ്ലോ-ഡിറ്റക്ഷൻ എന്നിവ ഉൾപ്പെടുന്ന സവിശേഷതകൾ ഗാലക്‌സി എം 42 5 ജി ക്യാമറയിൽ ക്രമീകരിച്ചിരിക്കുന്നു. മുൻവശത്ത്, 20 മെഗാപിക്സൽ സെൽഫി ക്യാമറയും നൽകിയിട്ടുണ്ട്.

മറ്റൊരു പ്രധാന സവിശേഷതയാണ് നാക്കിയിരിക്കുന്ന ബാറ്ററി. 15W അഡാപ്റ്റീവ് ഫാസ്റ്റ് ചാർജിംഗ് സപ്പോർട്ടുള്ള 5000 എംഎഎച്ച് ബാറ്ററിയാണ് സാംസങ് ഗാലക്‌സി എം 42 5 ജിയിൽ ഉൾപ്പെടുത്തിയിരിക്കുന്നത്. ഒരൊറ്റ ചാർജിൽ 36 മണിക്കൂർ ടോക്ക് ടൈം, 22 മണിക്കൂർ ഇന്റർനെറ്റ് ബ്രൗസിംഗ്, 34 മണിക്കൂർ വീഡിയോ പ്ലേ എന്നിവ നൽകുമെന്ന് കമ്പനി അവകാശപ്പെടുന്നു. നോക്സ് സുരക്ഷയും സാംസങ് പേയും ഇതിൽ അവതരിപ്പിക്കുന്നുണ്ട്.