സാംസങ് ഗാലക്‌സി എം 52 5 ജി സ്മാർട്ഫോണിൻറെ 8 ജിബി റാം വേരിയന്റ് ഉടനെ അവതരിപ്പിക്കും

സാംസങ് ഗാലക്‌സി എം52 5 ജി സ്മാർട്ഫോൺ ഉടനെ അവതരിപ്പിക്കും

നിങ്ങൾ ബെഞ്ച്മാർക്ക് ലിസ്റ്റിംഗ് നോക്കിയാൽ സാംസങ് ഗാലക്‌സി എം52 5 ജി സ്മാർട്ഫോൺ (SM-M526B) പ്രവർത്തിക്കുന്നത് സ്നാപ്ഡ്രാഗൺ 778 ജി ചിപ്സെറ്റിൻറെ സഹായത്താലാണെന്ന് മനസിലാക്കുവാൻ കഴിയും. 8 ജിബി റാമുമായി വരുന്ന സാംസങ് ഗാലക്‌സി എം52 5 ജി സ്മാർട്ഫോൺ ഔട്ട്-ഓഫ്-ബോക്‌സ് ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കും. ഗീക്ക്ബെഞ്ച് 5 ടെസ്റ്റ് ഫലത്തിൽ, സിംഗിൾ കോർ, മൾട്ടി-കോർ ടെസ്റ്റുകളിൽ യഥാക്രമം 775, 2877 പോയിന്റുകൾ നേടുവാൻ ഈ സ്മാർട്ട്ഫോണിന് കഴിഞ്ഞു. ഗാലക്‌സി എം52 5ജി 6.7 ഇഞ്ച് സൂപ്പർ അമോലെഡ് ഇൻഫിനിറ്റി-ഓ-ഡിസ്പ്ലേയുമായി വരുമെന്ന് കഴിഞ്ഞ ചോർച്ച സൂചിപ്പിക്കുന്നു. ഡിസ്പ്ലേ പാനലിൽ കോർണിംഗ് ഗോറില്ല ഗ്ലാസ് 5 സുരക്ഷ ഉണ്ടായിരിക്കും. സാംസങ് 64 ജിബി/128 ജിബി സ്റ്റോറേജ് ഓപ്ഷനുകളിൽ ഈ ഹാൻഡ്‌സെറ്റ് പുറത്തിറക്കുമെന്ന് പറയുന്നു.

സാംസങ് ഗാലക്‌സി എം52 5 ജിയിൽ ഒരു ട്രിപ്പിൾ ക്യാമറ സംവിധാനം ഉണ്ടായിരിക്കും. പിൻഭാഗത്തായി വരുന്ന ക്യാമറ മൊഡ്യൂളിൽ 64 എംപി പ്രൈമറി പ്രധാന ക്യാമറ, 12 എംപി അൾട്രാ-വൈഡ് ആംഗിൾ ലെൻസ്, 5 എംപി ഡെപ്ത് ക്യാമറ എന്നിവ ഉൾപ്പെടുന്നു. മുൻവശത്ത്, 32 എംപി സെൽഫി ക്യാമറയും ഉണ്ടാകും. 164x76x7 മില്ലിമീറ്റർ അളവിൽ വരുന്ന ഈ ഹാൻഡ്‌സെറ്റിന് ഏകദേശം 175 ഗ്രാം ഭാരം വരും. മാത്രവുമല്ല, ഈ സ്മാർട്ട്‌ഫോൺ 11 5 ജി ബാൻഡുകൾക്ക് സപ്പോർട്ട് ചെയ്യുന്നു. ഡ്യുവൽ സിം സപ്പോർട്ട്, വൈ-ഫൈ 802.11 ബി/ജി/എൻ/എസി, ബ്ലൂടൂത്ത്, ജിപിഎസ്, 3.5 എംഎം ഓഡിയോ ജാക്ക്, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഫീച്ചറുകളിൽ ഉൾപ്പെടുന്നു.

ഇപ്പോൾ ഈ സാംസങ് ഗാലക്‌സി എം52 5 ജി എപ്പോൾ അവതരിപ്പിക്കുമെന്നോ അല്ലെങ്കിൽ അതുമായി ബന്ധപ്പെട്ട തീയതിയോ ഇതുവരെ പ്രഖ്യാപിച്ചിട്ടില്ല. എന്നാൽ, ഇപ്പോൾ ഈ സ്മാർട്ഫോണിന് ഒന്നിലധികം സർട്ടിഫിക്കേഷനുകൾ നേടിയാൽ വരും ആഴ്ചകളിൽ സാംസങ് ഗാലക്‌സി എം52 5 ജിഅവതരിപ്പിക്കുമെന്ന് നമുക്ക് പ്രതീക്ഷിക്കാം.