സാംസങ് ഗാലക്‌സി എസ് 20 എഫ്ഇ 256 ജിബി വേരിയന്റ് ഇപ്പോൾ ഇന്ത്യയിൽ: വില, സവിശേഷതകൾ

ഇന്ത്യയിൽ സാംസങ് ഗാലക്‌സി എസ് 20 എഫ്ഇ (256 ജിബി): ലഭ്യത

ക്ലൗഡ് നേവി നിറത്തിൽ വിപണിയിൽ വരുന്ന സാംസങ് ഗാലക്‌സി എസ് 20 എഫ്ഇയുടെ പുതിയ വേരിയന്റിന് 53,999 രൂപയാണ് വില വരുന്നത്. ഒക്ടോബർ 17 മുതൽ സാംസങ് ഡോട്ട് കോം വഴിയും പ്രമുഖ ഓഫ്‌ലൈൻ, ഓൺലൈൻ റീട്ടെയിൽ സ്റ്റോറുകൾ വഴിയും ഈ സ്മാർട്ട്ഫോൺ പ്രീ-ഓർഡറുകൾക്കായി ലഭ്യമാകും. ഒക്ടോബർ 28 മുതൽ ഈ ഹാൻഡ്‌സെറ്റിന്റെ ഷിപ്പിംഗ് ആരംഭിക്കുമെന്ന് സാംസങ് വ്യക്തമാക്കി.

സാംസങ് ഗാലക്‌സി എസ് 20 എഫ്ഇ (256 ജിബി): വില

അതേസമയം, 128 ജിബി റാമുള്ള ഗാലക്‌സി എസ് 20 എഫ്ഇ ഇന്ന് മുതൽ സാംസങ് ഡോട്ട് കോം വഴിയും മറ്റ് ഓൺലൈൻ, ഓഫ്‌ലൈൻ സ്റ്റോറുകൾ വഴിയും വാങ്ങാൻ ലഭ്യമാണ്. ഇതിന്റെ വില 49,999 രൂപയാണ്. ഉപഭോക്താവ് ഈ ഹാൻഡ്‌സെറ്റ് വാങ്ങുന്ന സമയത്ത് നിരവധി ഓഫറുകളും ലഭിക്കുന്നതാണ്. എച്ച്ഡിഎഫ്സി ബാങ്ക് കാർഡുകളിൽ 4,000 ക്യാഷ്ബാക്കും, സാംസങ് ഇ-സ്റ്റോറിൽ നിന്നും 4,000 രൂപയുടെ വൗച്ചറും ലഭിക്കുന്നതാണ്.

സാംസങ് ഗാലക്‌സി എസ് 20 എഫ്ഇ (256 ജിബി): സവിശേഷതകൾ

ആൻഡ്രോയിഡ് 10 ബേസ്ഡ് യുഐ 2.0ലാണ് ഡ്യുവൽ സിം (നാനോ + ഇസിം) സപ്പോർട്ട് വരുന്ന സാംസങ് ഗാലക്‌സി എസ്20 എഫ്ഇ പ്രവർത്തിക്കുന്നത്. 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഇൻഫിനിറ്റി-ഒ ഡിസ്‌പ്ലേയാണ് ഈ ഹാൻഡ്‌സെറ്റിൽ കമ്പനി നൽകിയിരിക്കുന്നത്. 20: 9 ആസ്പെക്ടറ്റ് റേഷിയോ, 120Hz റിഫ്രഷ് റേറ്റ് തുടങ്ങിയ സവശേഷതകൾ വരുന്ന ഡിസ്‌പ്ലേയ്ക്ക് കോർണിംഗ് ഗോറില്ല ഗ്ലാസ് 3 പ്രോട്ടക്ഷനും ലഭിക്കുന്നു. ഗാലക്‌സി എസ്20 എസ്ഇയ്ക്ക് കരുത്ത് നൽകുന്നത് 8 ജിബി റാമുമായി ജോടിയാക്കിയ ഒക്ടാകോർ എക്‌സിനോസ് 990 SoC പ്രോസസറാണ്.

സാംസങ് ഗാലക്‌സി എസ് 20 എഫ്ഇ (256 ജിബി): ക്യാമറ സവിശേഷതകൾ

എഫ് / 1.8 വൈഡ് ആംഗിൾ ലെൻസുള്ള 12 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ എഫ് / 2.2 ലെൻസുള്ള 12 മെഗാപിക്സൽ സെക്കൻഡറി സെൻസർ, 8 മെഗാപിക്സൽ ടെലിഫോട്ടോ ഷൂട്ടർ എന്നിവ ഫോട്ടോകൾ എടുക്കാനും വിഡിയോകൾ പകർത്തുവാനുള്ള ക്യാമറയുടെ സവിശേഷതകളാണ്. സെൽഫികൾക്കും വീഡിയോ കോളുകൾക്കുമായി, എഫ് / 2.0 ലെൻസുള്ള 32 മെഗാപിക്സൽ ഷൂട്ടർ ഈ സ്മാർട്ട്‌ഫോണിൽ വരുന്നു.

സാംസങ് ഗാലക്‌സി എസ് 20 എഫ്ഇ (256 ജിബി): ബാറ്ററി സവിശേഷതകൾ

മൈക്രോ എസ്ഡി കാർഡ് വഴി 1 ടിബി വരെ വികസിപ്പിക്കാവുന്ന 256 ജിബി വരെ ഓൺ‌ബോർഡ് സ്റ്റോറേജുമായി സാംസങ് ഗാലക്‌സി എസ് 20 എഫ്ഇ വരുന്നു. വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ ഈ ഹാൻഡ്‌സെറ്റിൻറെ കണക്ടിവിറ്റി ഓപ്ഷനുകളിൽ വരുന്നു. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, ഹാൾ സെൻസർ, പ്രോക്‌സിമിറ്റി സെൻസർ എന്നിവയാണ് സെൻസറുകളുടെ പട്ടികയിൽ വരുന്നത്. ഇൻ-ഡിസ്പ്ലേ ഫിംഗർപ്രിന്റ് സെൻസറും ഈ ഹാൻഡ്സെറ്റിനുണ്ട്. 15W ഫാസ്റ്റ് ചാർജിംഗിനും വയർലെസ് ചാർജിംഗിനും പിന്തുണയുള്ള 4,500 എംഎഎച്ച് ബാറ്ററിയാണ് സാംസങ് ഗാലക്‌സി എസ് 20 എഫ്ഇക്ക് ലഭിക്കുന്നത്.