സ്നാപ്ഡ്രാഗൺ 865 SoC പ്രോസസറുള്ള സാംസങ് ഗാലക്‌സി എസ് 20 എഫ്ഇ 4 ജി മോഡൽ ഇപ്പോൾ ലഭ്യമാണ്

ഗാലക്‌സി എസ് 20 എഫ്ഇ 4 ജി ഏതാനും ആഴ്ചകൾക്ക് മുമ്പ് ഇന്ത്യയിൽ അവതരിപ്പിച്ച 5 ജി വേരിയന്റിന് തുല്യമാണ്. ഇതിന് വരുന്ന അതേ ഡിസ്പ്ലേ സവിശേഷതകളും ക്യാമറകളും ഉണ്ട്. വരുന്ന പ്രോസസറും ഒന്നുതന്നെയാണെങ്കിലും ചിപ്പിൽ നിന്ന് സ്‌നാപ്ഡ്രാഗൺ എക്‌സ് 5 5 ജി മോഡം ഒഴിവാക്കാൻ സാംസങ് തീരുമാനിച്ചു. അതിനാൽ, 4 ജി വേരിയൻറ് വാങ്ങുന്നവർക്ക് 5 ജി കണക്റ്റിവിറ്റി മാത്രമേ നഷ്ട്ടമാകുകയുള്ളു. പക്ഷേ, 5 ജി എഡിഷൻ നൽകുന്ന അതേ എക്സ്‌പീരിയൻസ് ഉപയോക്താക്കൾക്ക് ലഭിക്കും.

സ്നാപ്ഡ്രാഗൺ 865 പ്രോസസറുള്ള സാംസങ് ഗാലക്‌സി എസ് 20 എഫ്ഇ 4 ജി

ഗാലക്‌സി എസ് 20 എഫ്ഇയുടെ എക്സിനോസ് അധിഷ്ഠിത 4 ജി വേരിയന്റുമായി താരതമ്യപ്പെടുത്തുമ്പോൾ സ്നാപ്ഡ്രാഗൺ 865 ചിപ്പിന്റെ രൂപത്തിലാണ് വരുന്ന അപ്ഗ്രേഡ്. ഇത് സ്മാർട്ഫോണിൻറെ പ്രകടനത്തിന് കൂടുതൽ ഉത്തേജനം നൽകും. സ്‌നാപ്ഡ്രാഗൺ അധിഷ്‌ഠിത സാംസങ് സ്മാർട്ട്ഫോണുകൾ എക്‌സിനോസ് എതിരാളികളേക്കാൾ മികച്ചതും സ്ഥിരവുമായ പ്രകടനം നൽകുന്നു. ബാക്കി സവിശേഷതകൾ മാറ്റമില്ലാതെ തന്നെ തുടരുന്നു. അതിനാൽ, 120Hz റിഫ്രഷ് റേറ്റിനൊപ്പം 6.5 ഇഞ്ച് 1080p സൂപ്പർ അമോലെഡ് ഡിസ്പ്ലേയും നിങ്ങൾക്ക് ലഭിക്കും. പിന്നിൽ രണ്ട് 12 മെഗാപിക്സൽ ക്യാമറകൾ ഉണ്ടാകും. അതിൽ ഒന്ന് വൈഡും മറ്റൊന്ന് അൾട്രാ വൈഡുമാണ്. 3 എക്സ് ഒപ്റ്റിക്കൽ സൂമുള്ള 8 മെഗാപിക്സൽ ടെലിഫോട്ടോ ക്യാമറയും ഉണ്ട്. 25W വയർഡ് ഫാസ്റ്റ് ചാർജിംഗിനും 15W വയർലെസ് ചാർജിംഗിനും സപ്പോർട്ടുള്ള 4500 എംഎഎച്ച് ബാറ്ററിയാണ് കമ്പനി നൽകിയിട്ടുള്ളത്.

ക്വാൽകോം കരുത്തേകുന്ന 4 ജി വേരിയന്റ് സാംസങ് ഇന്ത്യൻ വിപണിയിൽ എത്തിക്കുന്നുണ്ടോയെന്ന് കാത്തിരുന്ന് കാണാം. ഏതാനും ആഴ്ചകൾക്ക് മുമ്പ്, സ്നാപ്ഡ്രാഗൺ 865 അധിഷ്ഠിത 5 ജി വേരിയന്റ് അവതരിപ്പിക്കുകയും നിലവിൽ 47,999 രൂപയ്ക്ക് വിൽപ്പന നടത്തുകയും ചെയ്യുന്നു. 2020 മുതൽ എക്‌സിനോസ് ആസ്ഥാനമായുള്ള ഗാലക്‌സി എസ് 20 എഫ്ഇ സ്മാർട്ഫോൺ ഇപ്പോഴും 44,999 രൂപയ്ക്ക് വിൽക്കുന്നുണ്ട്.

ഇന്ത്യയിലെ ഭൂരിഭാഗം സ്മാർട്ട്ഫോണുകൾക്കുമായി സാംസങ് ഈ വർഷം ക്വാൽകോം, മീഡിയടെക് പവർ എന്നിവയെ കൂടുതൽ ആശ്രയിക്കുമെന്നാണ് റിപ്പോർട്ടുകൾ വെളിപ്പെടുത്തുന്ന മറ്റൊരു കാര്യം. ജനപ്രിയ ഗാലക്‌സി എ 52, ഗാലക്‌സി എ 72 എന്നിവ സ്‌നാപ്ഡ്രാഗൺ 720 ജി ചിപ്പിനെ അടിസ്ഥാനമാക്കി വരുന്നതാണെങ്കിൽ ഗാലക്‌സി എ 32 മീഡിയടെക് ഹീലിയോ ജി 80 ചിപ്‌സെറ്റിനെ അടിസ്ഥാനമാക്കിയുള്ളതാണ്. ഗാലക്‌സി എസ് 21 സീരീസ് ഇപ്പോഴും എക്‌സിനോസ് 2100 പ്ലാറ്റ്‌ഫോമിനെ ആശ്രയിക്കുന്നു.